Jeremaia 6:16 - Vakavakadewa Vou kei na iVola tale eso

¹⁶ A sa kaya o Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Ai Vola Tabu (Vakadewa Makawa Vakavoutaki 2021)

¹⁶ Sa kaya vakaoqo ko Jiova, “Dou tu e na sala, ka vakararai, ka taroga nai lakolako makawa, se sa evei na sala vinaka; ia dou lako ga kina, dou na qai kunea kina na vakacegu ni yalomudou. Ia era sa kaya, ‘Keimami na sega ni lako kina.’

AI VOLA TABU

¹⁶ Sa vosa vakaoqo ko Jiova, Dou tu e na sala, ka vakararai, ka taroga nai lakolako makawa, se evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lakova.

Vakavakadewa Makawa

¹⁶ Sa kaya vakaoqo ko Jiova, Dou tu e na sala, ka vakararai, ka taroga nai lakolako makawa, se sa evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lako kina.

Ai Vola Tabu Ena Vakavakadewa Vou

¹⁶ A sa kaya ko Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Jeremaia 6:16 Iomraidhean Croise

1 Tui 8:36

ia mo ni qai rogoca mai lomalagi. Ni vosota na nodra i valavala ca na nomuni tamata. Ni vakavulici ira ena sala vinaka me ra lako kina, kemuni Jiova, ka vakatauca na uca ki na nomuni vanua oqo o ni a solia vei ira na nomuni tamata me nodra i votavota.

2 Veigauna 19:11

Raica, a lewai kemuni ena veika me baleta na qaravi i Jiova o Amaraia na bete levu; ia sa na lewa na ka kecega me baleta na tui o Sepataia na luve i Isimeli na kovana ni mataqali i Juta; ka ra na vakarorogo vua na Livai. Mo ni yalododonu ena veivosaki, ka me tiko mada ga o Jiova kei koya sa dodonu.

NA SAME 116:7

Mo vakacegu, na yaloqu, Baleta ni sa rui vinaka vei au o Jiova.

Aisea 2:5

Kemuni na kawa i Jekope, me da lako voli ena rarama i Jiova!

Aisea 28:12

Sa solia vei kemuni kece na tiko vinaka kei na vakacegu, Ia o ni sa sega ni via rogoci koya.

Aisea 30:21

Kevaka o ni sese mai na sala vaka ki na i matau se ki na i mawi, o ni na rogoca na domona mai dakumuni ni kaya. “Oqo na gaunisala. Ni mai lako kina.”

Aisea 46:9

Ni nanuma mada na veika e a yaco ena gauna e liu; Ni kila ni sai au taudua ga na Kalou, Ka sa sega tale ni dua me tautauvata kei au.

Aisea 57:2

Ni ra sa mate na i valavala dodonu, Era sa na lako yani ki na vanua ni vakacegu Ka la'ki vakacegu ena nodra i davodavo.

Aisea 8:20

Ia mo ni qai kaya vei ira, “Rogoca na ka sa vakavulici kemuni kina na Turaga! Ni kakua ni rogoci ira na daurairai. Na veika era kaya ena sega ni solia vei kemuni e dua na ka vinaka.”

Jeremaia 12:16

Ia kevaka era na ciqoma na nodra vakabauta na noqu tamata ena yalodra taucoko, ka bubului, ‘Me vaka sa bula o Jiova’ me vaka na nodra a vakavulici ira na noqu tamata me ra bubului ki na yaca i Peali, era na qai wiliki vata kei ira na noqu tamata.

Jeremaia 18:12

Era na qai kaya, “Sega, sa sega na betena! Keimami na cakava ga na veika keimami via cakava.”

Jeremaia 18:15

Ia o ira na noqu tamata Era sa guilecavi au; Era sa vakama na ka boi vinaka Ki na veimatakau. Era sa tarabe ena sala e dodonu Me ra lako kina, Era sa sega tale ni qai muri Ena veisala makawa, Era sa lako Ena veigaunisala a sega ni bau lakovi.

Jeremaia 2:25

Me vakaivava na yavamu Isireli, Mo kakua talega ni karamaca mai. Ia o sa qai kaya, sega, a cava na kena yaga? Au sa vinakati ira na kalou ni kai tani, Ka'u sa na muri ira ga!”

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 31:21

Vakaduria na veivakatakilakila Ka vakatakilakilataka na gaunisala, Vakasamataka vinaka na gaunisala o a lako kina. Kemuni na Isireli, ni lesu mai, Ni lesu mai ki na nomuni veikoro.

Jeremaia 42:3

Mo masulaka me vakaraitaka vei keimami na Turaga o Jiova na neimami Kalou na sala me keimami muria kei na ka me keimami cakava.”

Jeremaia 44:16

Ena yaca ni Turaga, “Keimami sega ni via rogoca na ka o tukuna vei keimami se yalataka me keimami cakava.

Jeremaia 50:5

Era na taroga na sala ki Saioni, ka lako yani kina. Era na cakava e dua na veiyalayalati tawa mudu vata kei na Turaga ka sega sara ni voroka.

Jeremaia 7:23

Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 7:3

Sa tukuna o Jiova ni lewevuqa na nodra Kalou na Isireli, ‘Ni veisautaka na nomuni vakarau kei na nomuni tovo, au na qai solia mo ni tiko ga ena vanua oqo.

Malakai 4:4

“Ni nanuma tiko na i vakavuvuli i Mosese na noqu tamata, na lawa kei na i vakaro ka'u a solia vua mai na Ulunivanua o Saineai me ra talairawarawa kina na Isireli kecega.

Luke 16:29

“Ia sa qai kaya vua o Epara-ama, ‘Sa tu vei iratou o Mosese kei ira na parofita. Me ratou qai rogoci ira ga.’

Joni 12:35

Sa qai kaya vei ira o Jisu, “Ena tiko vakadede vakalailai ga kei kemuni na rarama. Mo ni lako voli ga ni se tiko na rarama, me kakua kina ni yacovi kemuni na butobuto.

Joni 13:17

Ia ni dou sa kila na dina oqo, ena levu cake sara na nomudou marau kevaka dou sa vakayacora vakakina!

Joni 5:39

O ni sa vulica na i Vola Tabu baleta ni o ni sa nanuma mo ni na kunea kina na bula tawamudu. Ia na i Vola Tabu oqo sa tukuni au ga!

Cakacaka 17:11

O ira maikea era tamata yalo vakaturaga cake mai vei ira era tiko mai Cesalonaika. Era taleitaka vakalevu na vakarogoca na vosa, ka ra sa dau vakasaqaqara ena i Vola Tabu ena veisiga me ra raica kina se sa dina na vosa i Paula era sa rogoca se segai.

Roma 4:12

Sa tamadra talega o ira sa cilivi o Epara-ama, ka kena i balebale o ya ni o ira oqo, ni ra sa cilivi oti, era sa dau bula voli talega ena bula ni vakabauta me vakataki Epara-ama ni se bera na nona cilivi.

Vakarua 32:7

“Ni nanuma na gauna sa oti, na gauna e liu sara; tarogi ira na tamamuni me ra tukuna vei kemuni na ka sa yaco, tarogi ira na qase me ra talanoataka na gauna sa sivi.

Kolosa 2:6

Me vaka ni o ni sa vakabauti Karisito Jisu me nomuni Turaga, ni tomana tikoga na nomuni bula me vaka na nona i valavala,

Iperiu 11:2

Ni sa vakadonui ira na tamata ena gauna eliu na Kalou ena vuku ni nodra vakabauta.

Iperiu 6:12

Keitou sega ni vinakata mo ni yaco mo ni vucesa, ia mo ni vakataki ira ga era sa vakabauta ka dau vosota vakadede ka ra sa taukena na veika e sa yalataka na Kalou.

Dauveilewai 2:17

Ia era sa sega ga ni via vakarogorogo vei ira na dauveilewai oqo, ka ni ra vinakata ga me muria na veikalou tani ka cuva me qaravi ira ka ra vuki tani kina mai na veisala kecega era sa muria na nodra qase, era sa talairawarawa ki na i vakaro i Jiova, ia era sa sega ga ni via muria na nodra i vakarau.