Jeremaia 51:5 - Vakavakadewa Vou kei na iVola tale eso

⁵ Ni sa sega sara ni laivi Isireli kei Juta na Turaga na Kalou Kaukauwa o Jiova ni lewevuqa, e dina ga era sai valavala ca vei au na Lewe Dua Bau Yalo Savasava ni Isireli.

Ai Vola Tabu (Vakadewa Makawa Vakavoutaki 2021)

⁵ Ni sa sega ni biuti ira na Isireli, se ko ira na Juta ko koya na nodra Kalou, ko Jiova-ni-lewevuqa; ia sa dina sa sinai na nodra vanua e na nodra caka cala vei Koya na Yalosavasava nei Isireli.

AI VOLA TABU

⁵ Ni ra sa sega ni biu laivi na Isireli, se ko ira na Juta vua na nodra Kalou, ko Jiova ni lewe vuqa; ia na nodra vanua, sa sinai ga e na caka cala vei Koya na Yalosavasava nei Isireli.

Vakavakadewa Makawa

⁵ Ni sa sega ni biuti ira na Isireli, se ko ira na Juta ko koya na nodra Kalou, ko Jiova ni lewe vuqa; ia sa dina sa sinai na nodra vanua e na nodra caka cala vei Koya na Yalosavasava nei Isireli.

Ai Vola Tabu Ena Vakavakadewa Vou

⁵ Ni sa sega sara ni laivi Isireli kei Juta na Turaga na Kalou Kaukauwa ko Jiova ni lewevuqa, e dina ga era sai valavala ca vei au na Lewe Dua Bau Yalosavasava ni Isireli.

Jeremaia 51:5 Iomraidhean Croise

1 Tui 6:13

Ia ka'u na tiko ga kei ira na luve i Isireli, ka na sega ni biuti ira na noqu tamata na Isireli.”

2 Tui 21:16

A vakadavea vakayauyau o Manasa na nodra dra na lewe vuqa ka ra a sega ni cala, me yacova ni sinai kina o Jerusalemi ena kena veiyasana kecega; ia oqo sa kena i kuri na nona i valavala ca ka vakaivalavalacataki ira kina na Juta, ni ra cakava na ka ca ena mata i Jiova.

Esera 9:9

Ni keimami a tamata bobula, ia o ni sa sega ni biuti keimami tu ga me keimami vakabobulataki. O ni sa vakavuna me ra lomani keimami o ira na tui Perisia, ka sereki keimami me keimami yaco bula mai kina ki Jerusalemi kei Juta, ka tara vou tale na nomuni Valenisoro ka sa rusa tu e liu.

NA SAME 94:14

Ena sega ni biuti ira na nona tamata o Jiova, Ena sega ni biuti ira era sa nona.

Aisea 44:21

A sa kaya o Jiova, “Ni nanuma mada na veika oqo Isireli. Ni nanuma ni o ni sa noqu dauveiqaravi. Au a buli kemuni mo ni noqu dauveiqaravi Ka'u na sega sara ni guilecavi kemuni.

Aisea 51:15

“Oi au o Jiova na nomuni Kalou, Ka'u sa vakayavalata na wasawasa Ka vakavuna me vadugu na kena ua. Na yacaqu o Jiova ni lewevuqa.

Aisea 62:12

O ni na vakatokai mo ni Matatamata Tabu ni Kalou Na matatamata sa vakabulai ira o Jiova. Ena vakatokai o Jerusalemi me “Koro sa lomana na Kalou.” “Na koro sa sega ni biuta na Kalou.”

Jeremaia 14:19

Kemuni Jiova, O ni sa vakanadakui Juta sara beka ga vakadua? O ni sa cati ira dina li na lewe i Saioni? A cava o ni sa mokuti keimami sara kina vakaca Me keimami kakua ni vakabulai rawa? Keimami a nuitaka na sautu, Ia sa sega ni yaco e dua na ka vinaka. Keimami nuitaka ni keimami rawa ni vakabulai, Ia sa qai kena i sosomi na rere vakaitamera.

Jeremaia 14:9

A cava o ni sa vakakina e dua sa kau tani vakasauri, E vaka e dua na sotia sa sega ni rawa ni veivuke? Jiova, o ni sa tiko dina ga vata kei keimami O ni sa vakatokai keimami me keimami nomuni; Ni kakua sara ni biuti keimami.

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 23:15

O koya oqo Sa kaya kina o Jiova ni lewevuqa Me baleti ira na parofita ni Jerusalemi: Au na solia vei ira na co gaga me ra kania Kei na wai gaga me ra gunuva, Baleta ni ra sa vakateteya na veitovo ca Ki na loma ni vanua taucoko.”

Jeremaia 31:37

Kevaka e rawa ni vakarautaki na lomalagi Ka dikevi rawa na veiyavu Ena boto ni vuravura, Sa na qai rawa me'u biuti ira na Isireli, Baleta na veika kece sara era cakava.

Jeremaia 46:28

Au na tiko kei kemuni me'u vakabulai kemuni. Au sa na vakarusai ira na veimatanitu kece Au a vakasavi kemuni yani kina, Ia au na sega ni vakarusai kemuni. Au na sega ni laivi kemuni Mo ni kakua ni totogitaki Ia ni'u na totogitaki kemuni Ena sega ni bibi sara. Sa i Jiova ga sa kaya oqo.

Jeremaia 50:20

Ni na yaco mai na gauna o ya, ena sega ni dua na i valavala ca ena kune e Isireli ka sega na i tovo ca e Juta, baleta ni'u sa na vosoti ira kece na vo-ni-bula ka'u a laivi ira me ra bula tiko. Sa kaya ga oqo o Jiova.”

Jeremaia 51:19

Sa sega ni vaka o ya na Kalou i Jekope; Sa i koya ga a bulia na ka kecega, Ka sa digitaki Isireli me nona tamata. O Jiova ni lewevuqa na yacana.

Isikeli 8:17

A qai kaya vei au o koya, “O sa raica li oqo, o iko na luve ni tamata? Sa ka wale beka vei ira na mataqali o Juta me ra cakava na veika vakasisila e ke? Ni ra sa vakasinaita na vanua ena i valavala kaukauwa, ka qai levu cake na nodra vakacudrui au? Raica, era sa ciqira na tabanikau ki na ucudra!

Isikeli 9:9

A kaya vei au o Jiova, “A nodra caka cala na Isireli kei Juta sa vakaitamera dina. Sa robota na vanua na dra, ia na koro sa sinai tu ena ka e tawa dodonu kei na veivakaucacataki; ni ra sa kaya, ‘Sa biuti vuravura o Jiova, ka sa sega ni raica rawa o koya.’

Osea 1:10

Na kedra i wiliwili na Isireli ena vaka na mataninuku mai waitui, ena sega ni vakarautaki se wiliki rawa. Sa qai kaya vakaoqo vei ira na Kalou, “O ni sa sega ni noqu tamata,” ia sa roro tiko mai na gauna ena tukuna kina o koya vei ira, “O ni sa luve ni Kalou bula!”

Osea 2:1

O koya oqo mo ni kacivi ira kina na wekamuni na Isireli “Kawa Tamata ni Kalou” kei na “Lomani-mai-vua-na-Turaga”.

Osea 2:3

Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Osea 4:1

Dou rogoca na vosa i Jiova, oi kemudou na Isireli: e dua na ka sa beitaki kemudou kina na lewenivanua o Jiova. Sa sega na loma dina kei na loloma, ka sa sega ni kilai na Kalou ena vanua.

Osea 4:2

Sa levu na vosavosa ca, na vosa lasu, na laba, na butako, na veibutakoci; na vakadave dra sa veitarataravi.

Maika 7:18

I Jiova, sa sega tale ni dua na kalou me vakataki kemuni; o ni sa vosota na nodra i valavala ca na nomuni vo-ni-bula era sa vakabulai. O ni sa sega ni cudru tikoga me tawa mudu, ia o ni sa marautaka ga mo vakaraitaka vei keimami na nomuni loloma sa sega ni yalani.

Maika 7:20

O ni na vakaraitaka na nomuni yalodina kei na loloma sa sega ni yalani vei ira na nomuni tamata na Isireli, na kawa i Epara-ama kei Jekope, me vaka o ni a yalataka vei ira na neimami qase ena gauna e muri sara.

Sakaraia 12:6

“Ena gauna o ya, au na vakayacori ira na Juta me ra vaka e dua na kama ena loma ni veikau se loga ni sila sa matua — era na vakarusai ira na veimatanitu kece sara sa vakavolivolita. Era na tiko vinaka ga ena loma ni koro na kai Jerusalemi.

Sakaraia 12:8

Ena gauna o ya, ena taqomaki ira na lewe i Jerusalemi o Jiova, ka ra na vakaukauwataki na nodra tamata malumalumu duadua me vaka na kaukauwa i Tevita. Era na qai liutaki ira na tamata o ira na kawa i Tevita me vaka na agilosi i Jiova, me vakataka ga na Kalou.

Sakaraia 2:12

Sa na qai yaco tale o Juta me i votavota ni vanua digitaki i Jiova mai na vanua tabu, ka yaco me nona koro lomani duadua vei ira na veikoro kecega o Jerusalemi.

1 Samuela 12:22

Ni sa cakava o Jiova na nona yalayala, io ena sega ni laivi kemuni ka ni sa marautaka na nona vakayacori kemuni me nona tamata digitaki.