Jeremaia 50:3 - Vakavakadewa Vou kei na iVola tale eso

³ Sa lako mai e dua na matanitu mai na yasana vaka ki na vualiku me valuti Papiloni, ka na vukica me vanua lala. Era na dro tani na tamata kei na manumanu, ka na sega ni dua e tiko e kea.

Ai Vola Tabu (Vakadewa Makawa Vakavoutaki 2021)

³ “Ni sa lako cake mai vei koya e dua na matanitu mai na mata ni vualiku, ka na vakalalataka ko koya na nona vanua, ia ena sega e dua me tiko kina; ko ira na tamata kei na manumanu talega era na yavalati, era na lako tani yani.

AI VOLA TABU

³ Ni sa lako cake mai vei koya e dua na matanitu mai na mata ni tokalau, ena vakalalataka ko koya na nodra vanua, ia ena sega e tiko kina: o ira na tamata kei na manumanu talega era na yavalati, era na lako tani yani.

Vakavakadewa Makawa

³ Ni sa lako cake mai vei koya e dua na matanitu mai na mata ni tokalau, ka na vakalalataka ko koya na nona vanua, ia ena sega e dua me tiko kina: ko ira na tamata kei na manumanu talega era na yavalati, era na lako tani yani.

Ai Vola Tabu Ena Vakavakadewa Vou

³ Sa lako mai e dua na matanitu mai na yasana vaka ki na vualiku me valuti Papiloni, ka na vukica me vanua lala. Era na dro tani na tamata kei na manumanu, ka na sega ni dua e tiko e kea.

Jeremaia 50:3 Iomraidhean Croise

Vakatekivu 6:7

ka sa qai kaya, “Au na vakarusa na tamata kece sara au a bulia mai na dela i vuravura. Au na vakarusa na tamata, na manumanu yava i va, na manumanu qasi voli kei na manumanu vuka kece sara. Au sa rarawataka dina na noqu a buli ira.”

Lako Yani 12:12

“Ena bogi o ya au na lako voli ena loma ni vanua o Ijipita ka vakamatea na ulumatua tagane kece sara ni matanitu oqo, na tamata kei na manumanu; io ka'u na cudruvi ira kece talega na kalou ni Ijipita. Sai au o Jiova.

Aisea 41:25

Au sa digitaka e dua na tamata e tiko voli mai na tokalau; Ka'u na kauti koya mai me kaba na vualiku. Ena buturaki ira sobu na i liuliu ni veimatanitu me vaka na soso Ka vaka na daucaka kuro sa butuka na qele dregadregata.

Aisea 45:1

Sa digitaki Sairusi o Jiova me tui! A sa digitaki me vakamalumalumutaka na veimatanitu; Sa talaki me luvata tani na i sulu ni veiliutaki vakatui; Ena dolava vua o Jiova na veimatamata ni koro. A sa kaya o Jiova vei Sairusi,

Jeremaia 21:6

Au na vakamatei ira kece sara era tiko ena koro oqo; ena tautauvata ga ki na tamata kei na manumanu kecega era na mate ena dua na mate ca levu sara.

Jeremaia 50:9

Au na vakayavalati ira e dua na i lawalawa matanitu mai na yasana vaka ki na vualiku ka cakava me ra valuti Papiloni. Era na tuva na i valu me ravuta na koro ka ra vakamalumalumutaka. Era sa vanataka na nodra gasau ni dakaititi me vakataki ira na dauvakasasa era sega ni suka ligalala mai.

Jeremaia 51:11

Sa yavalata o Jiova na yalodra na tui Mitia baleta ni sa nakita me vakarusai Papiloni. Ena vakaoqo na nona sauma na kena vakarusai na nona Valenisoro. Era sa vakarota na turaganivalu, “Ni vagatara na nomuni gasau ni dakaititi! Ni vakarautaka na nomuni sasabai.

Jeremaia 51:48

Era na kaila na veika kece e vuravura kei na maliwa lala ni sa bale o Papiloni vei ira na tamata era lako mai na vualiku me ra vakarusa.

Jeremaia 51:62

Ia mo qai masu vakaoqo, Kemuni na Turaga o ni a kaya ni o ni na vakarusa na vanua oqo me na kakua tale ni dua na ka me na bula kina, me kakua na tamata se manumanu, ka me na vaka na vanua lala me tawa mudu.

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Jeremaia 9:10

A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Sefanaia 1:3

na tamata kei na manumanu kecega, na manumanu vuka kei na ika. Au na vakavuna na nodra vakamalumalumutaki na tamata ca. Au na vakarusa vakadua na kawa tamata, ka'u na sega ni vakavoca tale e dua e vuravura. Oi au, o Jiova, sa vosa vakaoqo.