Jeremaia 5:6 - Vakavakadewa Vou kei na iVola tale eso

⁶ Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Ai Vola Tabu (Vakadewa Makawa Vakavoutaki 2021)

⁶ O koya oqo ena vakamatei ira e dua na laione mai veikau, na wolifa ni vanua dravuisiga ena vakacacani ira. E dua na lepate ena yadrava na nodra veikoro; ko ira kecega era sa lako ki nai bili era na basuraki— ni sa ka levu na nodra talaidredre, ka sa levu sara na nodra dauvuki lesu.

AI VOLA TABU

⁶ O koya o qo ena labati ira kina na laioni mai na veikau, na wolifa ni lekutu ena vakacacani ira, na leparite ena yadrava na nodra Veikoro: o ira kecega sa lako ki nai bili era na dresulaki: ni sa levu mai na nodra talaidredre, a sa tubu mai na nodra dauvuki.

Vakavakadewa Makawa

⁶ O koya oqo ena vakamatei ira e dua na laioni mai veikau, na wolifa ni lekutu ena vakacacani ira, e dua na lepate ena yadrava na nodra veikoro: ko ira kecega era sa lako ki nai bili era na basuraki: ni sa ka levu na nodra talaidredre, ka sa tubu tiko na nodra dauvuki.

Ai Vola Tabu Ena Vakavakadewa Vou

⁶ Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 5:6 Iomraidhean Croise

2 Veigauna 36:14

Era a valavala ca vakalevu kece na bete i liuliu kei ira na tamata, ka ra muria na i valavala vakasisila ni veimatanitu; era a benuca na vale i Jiova ka vakatabuya o koya mai Jerusalemi.

Esera 10:10

Sa qai tucake o Esera na bete ka vosa vei ira, ka kaya: “O ni sa tamata tawa vakabauta ka vakacalai Isireli ena nomuni tauri ira na yalewa tani me watimuni.

Esera 9:6

Au a qai kaya, “Kemuni na Kalou, au sa rui madua vakalevu me'u tacake yani ki na nomuni i serau. Sa ka levu sara na neimami i valavala ca, ka sa sivita na ulu i keimami na kena cere; io, sa tara sara na lomalagi na kena cere.

Jope 10:16

Ke'u sa rawa ka, ka tiko vakavinaka cake, O ni sa qai vakasasataki au tale me vaka e dua na laione. O ni dau cakava talega na caka mana, Me mai vakamavoataki au.

NA SAME 104:20

O ni sa cakava na bogi ena kena buto era sa veilakoyaki Kece mai kina na manumanu kila.

NA SAME 80:13

Era sa buturaka sobu na vuaka kila, Ka ra kania na manumanu kila kecega.

Aisea 1:23

O ira na nomuni turaga era sa dau talaidredre, Ka ra nodra i tokani na daubutako. Era sa dau taleitaka me soli vei ira na i loloma, Ka taura na ka era saumi kina me ra cakava na ka ca. Era sa sega ni taqomaki ira na luve ni yali, Ka sega ni via rogoca na ka e baleti ira na yada.

Aisea 59:12

Turaga sa ka levu na neimami i valavala ca e matamuni Ka sa beitaki keimami na neimami i tovo ca. Keimami sa kila tu na kena levu.

Jeremaia 14:7

Era sa tagi mai vei au Na noqu tamata, E dina sa beitaki keimami Na neimami ca, Ia ni vukei keimami Jiova Me vaka na nomuni vosa ni yalayala. Keimami sa gole tani vakavuqa Mai vei kemuni; Keimami sai valavala ca vei kemuni.

Jeremaia 2:15

Era sa tagi vaka na laione ki vua; Era sa cakava na nona vanua me dravuisiga. Sa vakacacani sara vakaca nona veikoro, Ka sa lala tu.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 2:31

Ni rogoca vinaka kece sara na Isireli na vosa ni Turaga. Au a vaka li na vanua dravuisiga vei iko, se vaka e dua na vanua rerevaki? A cava o ni kaya kina na noqu tamata keimami sa lewai keimami ga, keimami na cakava ga na ka keimami vinakata, ni keimami sa galala ka keimami sa na sega ni lesu tale yani vei iko?

Jeremaia 25:38

Sa laivi ira na nona tamata o Jiova Me vaka na laione sa biuta na nona qara. Na vakadomobula ni valu kei na cudru i Jiova Sa vakarusa na vanua me dravuisiga.

Jeremaia 30:14

O ira kece era domoni kemuni Era sa guilecavi kemuni, Era sa sega tale ni kauwaitaki kemuni. Au ravuti kemuni me vaka na meca Ka sa bibi sara na kemuni totogi, Baleta ni sa rui levu na nomuni i valavala ca, A ka vakaitamera na nomuni dukadukali.

Jeremaia 30:15

Ni kakua tale ni vosa kudrukudru Me baleta na nomuni vakararawataki; Sa sega ni malumu rawa Na nomuni vutu. Au na totogitaki kemuni vakaoqo Baleta ni sa rui levu na nomuni i valavala ca Ka vakaitamera na nomuni dukadukali.

Jeremaia 30:24

Ena sega ni suka wale na cudru waqawaqa ni Turaga. Me yacova ni sa vakayacora ka vakaotia sara na ka e talai kina, era na qai kila vinaka na tamata na veika oqo e muri,” sa kaya o Jiova.

Jeremaia 4:7

Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Jeremaia 49:19

Au na lako cake mai me vaka e dua na laione e lako mai na veikau-loa mai na bati ni uciwai na Joritani ki na vanua veico drokadroka, ka'u na vakavuna me ra dro vakidacala tani mai na kai Itomi mai na nodra vanua. Ena qai liutaka na matanitu na i liuliu au digitaka. O cei e rawa ni vakatautauvatataki kei au? O cei ena via bolei au? O cei na i liuliu ena rawa ni vorati au?

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Jeremaia 8:7

Na belo sara mada ga ni maliwa lala e kila na gauna me lesu kina; na ruve, na belo loa kei na kakabace era kila na gauna ni nodra lako. Ia o ira na noqu tamata, era sega ni kila na i vakaro i Jiova na Turaga.

Lele i Jeremaia 1:5

O ira na nona meca sa gumatua ga vua, Ka ra sa yaco me ra nona turaga, Ni sa vakatara na Kalou me vakararawataki Ena vuku ni nona i valavala ca; Era sa lako tani yani na luvena, Ka vakabobulataki e matadra na nona meca.

Isikeli 16:25

O sa tara na nomu vale cecere ena mua ni veisala kecega, ka volitaka kina na nomu mata vinaka, ka soli iko vakarawarawa yani vei ira sa takoso mai, me vakalevutaki kina na nomu dautagane.

Isikeli 22:27

O ira na kena turaga era sa vaka na olifa era sa dresulaka na kedra, ka vakadavea tiko na dra, ka ra vakamatea na bula me ra rawata vakatawadodonu na ka.

Isikeli 23:19

Ia sa qai vakalevutaka cake ga na nona dautagane, ka ni se dau nanuma voli ga na nona gauna ni goneyalewa mai Ijipita, ena nona dau cakava maikea na dautagane.

Taniela 7:4

Na i matai ni manumanu rerevaki sa vaka na i rairai ni laione, ia sa vakatabana me vaka na taba ni ikeli. Ni'u a vakaraica tiko, e rau a qai vudolo ka cavuka tani na tabana. A votu mamaca mai matasawa na manumanu rerevaki oqo ka duri tu me vaka na tamata; a yaco me tiko vua na vakasama vakatamata.

Taniela 7:6

Au a rai tu ga, ka'u a raica e dua tale na manumanu rerevaki. Na manumanu rerevaki oqo sa vaka na i rairai ni dua na lepate. Ia, e toka e dakuna e va na tabana e ratou tautauvata kei na taba ni manumanu vuka. E va na uluna! Sa tu vua na kaukauwa me lewa na ka.

Osea 5:14

Au na vakasasataki ira na Isireli kei na Juta me vaka na laione. Au na basubasuraki ira ka qai laivi ira. Ni'u sa yarataki ira tani, ena sega ni dua me na vueti ira tale.

Apakuki 1:8

“Sa totolo cake na nodra ose mai na cici ni leopate, era sa tamata rerevaki cake mai na olifa sa viakana voli. Na nodra mataivalu vodo ose era lako mai na veivanua yawa, ka ra kelikeliraka na qele na nodra ose. Era dui sorova mai me vaka ni ra sa vakaroro sobu vakatotolo na ikeli me ra tobo kedra.

Sefanaia 3:3

Era sa vaka na laione dautagi na kena i vakalesilesi; o ira na kena turaganilewa era sa vaka na olifa sa viakana, era sa sega ni rawa ni vakavoca e dua na sui me yacova na mataka ka tarava ena levu ni nodra kocokoco.

Tiko mai na Lekutu 32:14

Raica, o ni sa tubu cake mo ni tautauvata kei ira na nomuni qase, na kawa ni tamata ca, ka sa vakatubura me levu cake tikoga na cudru katakata i Jiova vei ira na Isireli.

Vakatakila 13:2

Na i rairai ni manumanu rerevaki oqo sa vaka na lepate, kei na yavana sa vaka na yava ni bea, kei na gusuna sa vaka na gusu ni laione. A sa solia na drakoni vua na manumanu rerevaki oqo na nona kaukauwa, kei na nona i tikotiko vakaturaga, kei na lewa raraba.