Jeremaia 5:3 - Vakavakadewa Vou kei na iVola tale eso

³ E dina sa vaqara na yalodina o Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Ai Vola Tabu (Vakadewa Makawa Vakavoutaki 2021)

³ Kemuni Jiova, sa sega beka ni dauvagolei ki na ka dina na matamuni? Ko ni sa cudruvi ira, ia era sa sega ga ni rarawa; ko ni sa vakarusai ira, ia era sa bese ga ni vakavulici. Era sa vakaukauwataka na matadra ka sa malumalumu na vatu; era sa bese ni lesu mai.

AI VOLA TABU

³ I Jiova, na matamu sa qara ki na ka dina, se segai? o sa yaviti ira, a ra sa sega ni rarawa; o sa vakarusai ira, a ra sa bese ni vakavulici: era sa cakava na matadra me qaqa ka malumalumu na vatu; era sa bese ni lesu mai.

Vakavakadewa Makawa

³ Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Ai Vola Tabu Ena Vakavakadewa Vou

³ E dina sa vaqara na yalodina ko Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Jeremaia 5:3 Iomraidhean Croise

Vakatekivu 19:34

Ena siga ka tarava a kaya na luve i Loti yalewa ka qase vei koya na gone, “Ena bogi au a moceri tamadaru; me daru vagunuvi koya tale mada ena bogi edaidai, ka mo qai moceri koya o iko. Sa na qai rawa kina ni daru vakaluveni ruarua vua na tamadaru.”

1 Tui 13:33

Ni sa oti na veika oqo, sa sega ni biuta tani o Jeropoama na nona i valavala ca, ka lesia tale me ra bete ena veitikina cecere o ira na tamata wale: o koya ga a vinakata, a bulia o koya me bete ena veitikina cecere.

2 Tui 1:13

A qai tala tale na tui e dua na kavetani vata kei ira e lewe limasagavulu na nona tamata. A lako cake na i katolu ni kavetani ni lewe limasagavulu, ka la'ki tekiduru ena mata i Ilaijia, ka vakamamasu vua, ka kaya, “Oi kemuni na tamata ni Kalou, au masuti kemuni mo ni yalololoma vei au kei ira na noqu tamata era lewe limasagavulu oqo!

2 Veigauna 16:9

Ni sa dau veiraiyaki na mata i Jiova vaka ka vaka e vuravura taucoko, me vakaraitaka kina na nona kaukauwa ena vukudra sa dodonu na lomadra vua. O ni sai valavala vakayalowai ena ka oqo; ia me vakatekivu mai na gauna oqo ki na veigauna e muri ena yaco tiko vei kemuni na i valu.

2 Veigauna 28:22

Ena gauna e ca vakalevu kina na nona leqa, sa qai levu cake ga na i valavala i Easi na tui vei Jiova.

NA SAME 51:6

Na ka o ni vinakata sai koya na yalodina kei na cakacaka vakadodonu; Mo ni qai vakasinaita sara au ena yalomatua.

NA SAME 51:8

Ni solia vei au me'u rogoca na domo ni reki kei na marau, Me marau kina na suiqu o ni sa musulaka.

NA SAME 55:20

Sa veivala kei ira na nona i lawalawa o noqu i tokani makawa; Ka sa voroka na nona vosa ni yalayala.

Vosavakaibalebale 21:29

A tamata ca sa vakaukauwataka na matana, ia na tamata yalododonu sa dikeva vinaka na nona sala.

Vosavakaibalebale 22:12

Ena raica tiko o Jiova me taqomaki na ka dina mai na nodra vosa lasu na tamata lasulasu.

Vosavakaibalebale 23:35

O na kaya, Era a vacuki au, ia ka'u a sega ni mavoa; era a mokuti au, ia ka'u a sega ni vakila. Me'u na qai yadra li ni naica? Au sa vinakata tale e dua na gunu.

Vosavakaibalebale 27:22

Kevaka sara mada ga o mokuta e dua na lialia me voleka sara tu ni mate, ena sega sara ni oti kina na nona lialia.

Aisea 26:11

I Jiova ni vakamaduataki ira ka laiva Me ra sotava na ka rarawa, Me ra colata na i totogi o ni sa vakarautaka. Ni vakaraitaka vei ira na levu ni nomuni lomani ira na nomuni tamata.

Aisea 42:25

Ia sa cakava me da kila na kaukauwa ni nona cudru, Kei na katakata ni nona i valu. A sa waqa na nona cudru Me vaka na buka sa roboti Isireli. Ia eda a sega ga ni kila na ka e yaco tiko; Sa sega sara ni vulica rawa kina e dua na ka.

Aisea 48:4

Au sa kila ni o ni na vakadrecike Na domomuni ena kaukauwa me vaka na kaukamea Kei na yadremuni ena kaukauwa me vaka na parasa.

Aisea 9:13

Era sa sega ga ni vuki lesu na tamata vei koya ka mokuti ira Se vakasaqarai Jiova ni lewevuqa.

Jeremaia 15:7

Ena veikoro yadua ni vanua oqo, Au a viritaki kemuni ki na cagi Me vaka na qa ni sila. Au a vakarusai kemuni na noqu tamata, Au sa vakamatei ira na luvemuni, Baleta ni o ni sega ni biuta Na nomuni tovo ca.

Jeremaia 17:23

Era a sega ni vakarorogo, se talairawarawa vei au na nodra qase. Ia era a yalo kaukauwa; era sega ni via talairawarawa vei au se vuli mai vei au.

Jeremaia 19:15

Ni sa kaya na Turaga o Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Jeremaia 2:30

Au a totogitaki ira na luvemuni, ia sa sega ni yaga, era sa sega ni vulica rawa e dua na ka. O ni sa vakamatei ira na nomuni parofita ena i seleiwau me vaka na laioni cudrucudru.

Jeremaia 3:3

O ya na vuna sa tarovi kina na uca, ka sa sega ni tau na uca ni vula i tubutubu. Io, o sa vaka na i rairai ni yalewa dautagane; o sa sega ni bau madua.

Jeremaia 32:19

O ni sa vuku ena lewa ka kaukauwa ena nomuni cakacaka; o ni sa raica na ka kecega era cakava.

Jeremaia 35:13

Sa tukuna na Turaga Qaqa na nodra Kalou na Isireli, “Lako ka tarogi ira na lewe i Juta kei ira na lewe i Jerusalemi se cava era bese kina ni vakarorogo vei au ka muria na noqu i vakaro?

Jeremaia 44:10

Ia me yacova mai na siga edaidai o ni sa sega ni via yalo malumalumu. O ni sega ni rerevaki au se muria na noqu i vakaro kei na noqu i vunau au a solia vei kemuni kei ira na nomuni qase.

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Jeremaia 7:28

O na tukuna vei ira, ‘Oqo na matanitu sa sega ni talairawarawa vei Jiova na nodra Kalou se vinakata me ra vakadodonutaki. Sa rusa na dina, sa sega tale ni bau rogo ena gusudra me ra veivosakitaka.”’

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Isikeli 2:4

Era sa tamata sega ni dau veidokai ka yalo kaukauwa talega. Au sa talai iko vei ira, ka mo qai kaya vei ira, ‘Sa kaya vakaoqo na Turaga o Jiova.’

Isikeli 24:13

Ia na veveka o ya sai koya na nomuni dukadukali ka vakasisila. Baleta ni'u sa na vakasavasavataki iko ka o sa bese tu ni savai tani mai na nomu dukadukali, o na sega tale mada ni savai mai na nomu dukadukali, me yacova ni sa vakayacori na noqu cudru vei iko.

Taniela 9:13

A tau oti vei keimami na i totogi kecega a vakamacalataki tu ena Lawa i Mosese. Ena gauna sara ga oqo, Turaga na neimami Kalou, keimami a sega ni bau tovolea me keimami vakayalovinakataki kemuni ena neimami gole tani mai na neimami ca, se, ena neimami muria na nomuni dina.

Vunau ni Soro 26:23

Ia kevaka o ni sega ga ni kauwai ki na veivunauci oqo, ka o ni sa sega ga ni golevi au mai, ka sa via vorati au ga,

Emosi 4:10

“Au a tala yani vei kemuni na mate rerevaki me vaka mai Ijipita. Au a vakamatei ira na nomuni cauravou ena i seleiwau; ka kauti ira tani na nomuni ose. Au a vakalaiva me tubu cake na boi ca ni nomuni i tikotiko vakaivalu, me curuma na ucumuni; ia o ni a sega ga ni lesu mai vei au.

Emosi 4:11

“Au a vakarusai ira eso vei kemuni me vaka na noqu a vakarusai rau o Sotoma kei Komora, ka vaka na dudu ni buka sa ucuraki tani. Ia, o ni a sega ga ni lesu mai vei au,” sa kaya o Jiova.

Emosi 4:6

“Sa i au ga ka sa kauta mai na lauqa ki na nomuni veikorokoro, ia o ni a sega ga ni lesu mai vei au.

Emosi 4:8

Ni ra sa malumalumu ena karamaca na tamata ni veikorokoro eso, era sa lako ki na dua tale na koro me ra kunea kina na wai, ia sa sega ni veirauti ga na wai me gunuvi. Ia o ni a sega ga ni lesu mai vei au.

Emosi 4:9

“Au a vakauta yani vei kemuni e dua na cagi katakata me vakamamacataka na nomuni i tei. Era sa kania kece na vodre na nomuni i teitei kei na nomuni veiloganivaini. Ia o ni a sega ga ni lesu mai vei au.

Sefanaia 3:7

Au a nanuma ga ni ra na qai rerevaki au kina na noqu tamata ka ciqoma na noqu i vakavuvuli, ka sega ni guilecava na veika ka'u a vakatavulica vei ira. Ia sa qai leqa ga vakalevu na nodra bula ni sa ca vakalevu sara na nodra i valavala.

Roma 2:2

Eda sa kila ni sa dina tiko na Kalou ena nona cudruvi ira era sa vakayacora na ka oqo.

Iperiu 12:9

O ira talega na tamada vakayago era sa dau vakadodonutaki keda, ia eda sa dau dokai ira kina. E sega li ni ganita cake me da vakayalomalumalumutaki keda vua na Tamada vakayalo, ka me da bula kina?