Jeremaia 5:22 - Vakavakadewa Vou kei na iVola tale eso

²² Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Ai Vola Tabu (Vakadewa Makawa Vakavoutaki 2021)

²² Dou sa sega beka ni rerevaki au? sa kaya ko Jiova. Dou na sega beka ni sautaninini e mataqu? Ka'u sa yalana na waitui e na nuku me sa sega ni sivia e na dua nai lesilesi e sega ni mudu; ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai.

AI VOLA TABU

²² mo dou sega beka ni rerevaki au? sa kaya ko Jiova: dou na sega beka ni sautaninini e mataqu, kaʼu sa tauca na nuku mei yalayala ni waitui e nai vakaro tawa mudu, me sa sega ni sivia: ia ko sa vakanana, ke sa sega ni gumatua mai; ke sa vadugu, ko sa sega ni sivia mai?

Vakavakadewa Makawa

²² dou sa sega beka ni rerevaki au? sa kaya ko Jiova: dou na sega beka ni sautaninini e mataqu, ka'u sa yalana na waitui e na nuku me sa sega ni sivia e na dua nai lesilesi e sega ni mudu: ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai?

Ai Vola Tabu Ena Vakavakadewa Vou

²² Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Jeremaia 5:22 Iomraidhean Croise

Vakatekivu 1:9

A sa kaya na Kalou, “Me soqoni vata na wai e ra ena dua na yasana, ka me votu mai na vanua mamaca.” A yaco me vakakina.

1 Tui 13:28

A sa lako o koya ka kunea na yago sa biu no ena sala, ka rau se tucake volekata tikoga na asa kei na laione. Na laione sa sega ni kania na yagona se basuraka na asa.

Jope 26:10

Sa wasea na rarama kei na butobuto Mai na dua na laini mokimokiti sa vola e dela ni wasawasa.

Jope 37:24

Sa rauta kina me ra qoroi koya ena vakarokoroko Na tamata kecega; Io, sa sega talega ni dau golevi ira na tamata Era sa dau viavia vuku.

Jope 38:8

O cei sa sogosogoti ira na matamata Me tarovi kina na kui mai ni waitui, Ni sa kacabote na wai mai na kete ni vuravura?

NA SAME 104:9

O ni sa cakava e dua na i yalayala era na sega ni rawa ni sivita, Me tarova na nodra ubia tale na vuravura.

NA SAME 119:120

Au sa sega sara ni rere ena vukumuni, Ia, au sa sinai ga ena vakarokoroko ena vuku ni nomuni lewa.

NA SAME 33:7

Sa binia vata na wai ni wasaliwa ena dua na yasana, Ka maroroya na wasa titobu ena valeniyau.

NA SAME 46:3

Ena veitalia talega kevaka sa vadugu ka seuseua na wasawasa, Se sa yavala sara vakaukauwa na veidelana.

NA SAME 99:1

Sa tui cecere o Jiova; Ka ra sa sautaninini na tamata. Sa tiko o koya ena maliwa ni jerupi; Ka sa yavavala o vuravura.

Vosavakaibalebale 8:29

ka sa vakarota kina na wai ni wasawasa Me kakua tale ni tubu cake me vaka na nona vosa. Au a tu e kea ena kena vakayavutaki o vuravura.

Aisea 50:2

A cava au sa sega ni kunea kina e dua na tamata Ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Aisea 64:2

Era sa sautaninini me vaka na wai Sa buebue ena dela ni buka katakata. Ni lako mai ka vakaraitaka na nomuni kaukauwa Vei ira na kemuni meca Ka cakava me ra sautaninini Na veimatanitu e matamuni.

Aisea 66:5

Ni rogoca mada na veika a kaya o Jiova, ‘Oi kemuni kece o ni rerevaka ka talairawarawa vua. Baleta na nomuni yalodina vei au Ena so vei kemuni era na cati kemuni.’ Era na vakalialiai kemuni, ka kaya, ‘Keimami vinakata me keimami raica mo ni marau, Ia me vakaraitaka o Jiova na nona kaukauwa Ka vakabulai kemuni.’

Jeremaia 10:7

O cei me sega ni rerevaki kemuni Na tui ni veimatanitu? Sa dodonu mo ni rerevaki ka rokovi. Sa sega e dua sa tautauvata kei kemuni Vei ira na tamata vuku ni veimatanitu.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 31:35

O cei sa solia na matanisiga Me vakararamataka na siga, Kei na vula kei na kalokalo Me cila ena bogi; Sa vakamaravutaka na wasawasa Ni sa vadugu na kena biau; Sa i Jiova ni lewevuqa ga na yacana.

Taniela 6:26

Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Emosi 4:12

“O koya oqo, kemuni na Isireli, au sa na totogitaki kemuni kina. Ia me vaka ni'u sa na vakayacora oqo, mo ni vakarautaki kemuni kina ena nomuni sotava na noqu vakataulewa!”

Emosi 9:6

Sa tara na nona vale o Jiova mai lomalagi, Ka sa vakaduria na kena yavu e dela i vuravura. Sa kaciva yani na wai ni wasawasa Ka sovaraka yani e dela i vuravura. Na yacana ga o Jiova!

Jona 1:16

Na ka oqo a vakavuna me ra rerevaka na Turaga na kaimua, era a qai vakacabora vua e dua na i soro ka yalataka me ra qaravi koya.

Neumi 1:4

Sa vakarota na wasawasa ka sa di caracara! Sa cakava me mamaca na veiuciwai kecega. Na veibuca mai Pasani era sa raqosa, Sa bobota sara o Ulu i Kameli, Ka sa seavu na roka ni veisenikau ni Lepanoni.

Maciu 10:28

Mo dou kakua talega ni rerevaki ira era rawa ni vakamatea na yago, ka ra sega ni rawata me vakamatea na yalo; dou rerevaki koya ga e rawa ni vakarusa ruarua na yalo kei na yago mai eli.

Marika 4:39

Sa qai tucake o koya ka vunauca na cagi, ka kaya, “Mo ruru mai!” ka kaya ki na ua ni wasawasa, “Mo maravu mai!” A sa ruru sara na cagi, ka mai lutu yani e dua na maravu levu.

Luke 12:5

Ia ka'u na vakasalataki kemudou se o cei mo dou rerevaka: dou rerevaki koya ga e tu vua na kaukauwa me biuta na tamata ki eli ni sa vakamatea oti. Dou vakabauti au, ni sai koya ga oqori mo dou rerevaka!

Vakarua 28:58

“Kevaka o ni na sega ni muria ena yalodina na i vakavuvuli kecega ni Kalou ka volai ena i vola oqo, ka sega ni vakarokorokotaka na yaca rogo ka veivakurabuitaki i Jiova na nomuni Kalou,

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”