Jeremaia 5:21 - Vakavakadewa Vou kei na iVola tale eso

²¹ Mo rogoca oqo, oi kemuni na i yavu tamata tawa yaga ka sesewa, e tu na matamuni ia o ni sega ni rai, e tu na daligamuni, ia e sega ni rogo.

Ai Vola Tabu (Vakadewa Makawa Vakavoutaki 2021)

²¹ “Dou rogoca mada na ka oqo, koi kemudou na tamata lialia, ka sega ni vuku, sa vakamatana, ia ka sega ni rai, sa vakadaligana, ia ka sega ni rogo.

AI VOLA TABU

²¹ Dou rogoca mada na ka o qo, oi kemudou na tamata lialia, ka tawa vuku; e sa vakamatana, ka sega ni rai; e sa vakadaligana, ka sega ni rogo:

Vakavakadewa Makawa

²¹ Dou rogoca mada na ka oqo, koi kemudou na tamata lialia, ka sega ni vuku; sa vakamatana, ka sega ni rai; sa vakadaligana, ka sega ni rogo:

Ai Vola Tabu Ena Vakavakadewa Vou

²¹ Mo rogoca oqo, oi kemuni na i yavu tamata tawayaga ka sesewa, e tu na matamuni ia o ni sega ni rai, e tu na daligamuni ia e sega ni rogo.

Jeremaia 5:21 Iomraidhean Croise

NA SAME 94:8

Kemuni na noqu tamata, e rawa vakacava mo ni lialia tu vaka o ya? O ni na qai yalomatua rawa ena gauna cava?

Vosavakaibalebale 17:16

E sega ni dua na kena yaga vua na tamata yalowai me vakayagataki na i lavo me la'ki vuli kina, baleta ni sa sega ga ni lomana me vakakina.

Aisea 27:11

Sa madu na kena veitaba ni kau ka ramusu, Ka ra sa mai tomika na marama me buka. Ni sai ira oqo na tamata era sa sega ni yalomatua, Ka sa sega ni lomani ira kina, Se vinakati ira o koya sa buli ira.

Aisea 43:8

A sa kaya na Kalou, “Kauti ira mai na tamata oqo. Sa tu na matadra, ia era sa mataboko. Sa tu na daligadra ia era sa didivara!

Aisea 44:18

Era sa rui lialia sara na tamata vaka o ya; era sa sega ni kila na ka era cakava tiko. Era sa tabonaka na matadra ka sogota nodra vakasama ki na dina.

Jeremaia 10:8

A nodra tamata vuku kece Era sa lialia ka sesewa. E rawa li ki na veimatakau Me vakavulici ira ena dua na ka?

Jeremaia 4:22

A sa kaya o Jiova, “Era sa lialia na noqu tamata; Era sa sega ni kilai au. Era sa vaka na gone yalo wai, Sa sega na nodra vakasama. Era sa matai ni cakava na ka ca, Ia era sa sega ni kila Na cakava na ka dodonu.”

Jeremaia 5:20

Mo tukuna oqo ki na vale i Jekope ka kacivaka ki Juta.

Jeremaia 5:4

Au a qai nanuma, “Era sa tamata lecaika ga oqo. Era sa sesewa; Ka ra sega ni kila na loma ni Turaga Se na ka e vinakata na nodra Kalou.

Jeremaia 6:10

Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 8:7

Na belo sara mada ga ni maliwa lala e kila na gauna me lesu kina; na ruve, na belo loa kei na kakabace era kila na gauna ni nodra lako. Ia o ira na noqu tamata, era sega ni kila na i vakaro i Jiova na Turaga.

Isikeli 12:2

“Luve ni tamata, o sa tiko ena kedra maliwa na tamata talaidredre. E tiko na matadra, ia era sa sega ga ni rai; e tiko na daligadra, ia era sa sega ga ni rogo; ni ra sa kawatamata dautalaidredre.

Osea 7:11

Sa vuka voli me vaka na ruve lialia o Isireli; era sa kaci ni kere bula vakailiu vei Ijipita, ka ra sa qai cici kivei Asiria ni oti o ya.

Sakaraia 7:11

“Ia era sa bese ga ni via vakarorogo na noqu tamata. Era a sogota ga na yalodra

Marika 4:12

me rawa kina, ‘Ni ra vakararai voli ka sega ni kunea, Era rogoca tiko ka lecava ga na kena i balebale. Ni kevaka era sa kitaka vakakina, era na saumaki mai vua na Kalou, Ka na vosoti ira o koya.’ ”

Marika 8:18

Sa tu na matamudou — ia dou se sega beka ga ni se raica? Sa tu na daligamudou — ia dou se sega tikoga ni rogoca? Dou sa sega tale ni nanuma rawa

Joni 12:40

“Sa vakamatabokotaka na matadra na Kalou Ka sa sogota na nodra vakasama, Me kakua kina ni rai na matadra, Ka sega ni kila rawa na lomadra, Ka ra na sega ni saumaki mai vei au, sa kaya na Kalou, Me'u vakabulai ira oi au.”

Cakacaka 28:26

Ni sa kaya na Kalou: ‘Lako vei ira na tamata oqo ka kaya, O ni na rogoca dina ka lecava tu ga, O ni raica dina ka sega ni kunea.

Roma 1:20

Me tekivu mai na gauna sa buli kina na vuravura, sa laurai vinaka tu na veika vuni ni Kalou ena nona kaukauwa sa sega ni vakaiyalayala kei na nona i tovo ni bula vakalou, ka dina ga ni ra sa sega ni raici rawa ena mata vakayago. Era sa rawa ni raica o ya ena veika sa bulia na Kalou, ka sa sega kina na nodra i ulubale!

Roma 11:8

Me vaka e kaya na i Vola Tabu, “Sa cakava na Kalou me wele na yalodra kei na nodra vakasama; me yacova mai edaidai era sa sega ga ni rai e matadra se rogo e daligadra.”

Vakarua 29:3

O ni a raica na mate vakarerevaki, na cakacaka mana eso, kei na ka veivakurabuitaki sa cakava o Jiova.

Vakarua 29:4

Ia me yacova mai edaidai o ni sa bera ga ni vuli rawa mai na veika o ni a sota kaya.

Vakarua 32:6

O koya li oqo na sala mo ni qaravi Jiova kina, oi kemuni na yavu tamata lialia ka yalowai? Sai koya ga na tamamuni, na Dauniveibuli ka buli kemuni, ka sa vakavuna mo ni yaco me dua na matanitu.