Jeremaia 5:18 - Vakavakadewa Vou kei na iVola tale eso

¹⁸ A sa kaya na turaga, “Ia ena veisiga o ya, au na sega ni vakarusai kemuni sara vakadua na noqu tamata.”

Ai Vola Tabu (Vakadewa Makawa Vakavoutaki 2021)

¹⁸ “Ia e na veisiga ko ya, ka'u na sega ni vakaoti kemudou sara, sa kaya ko Jiova.

AI VOLA TABU

¹⁸ Ia e na veisiga ko ya, kaʼu na sega ni vakaoti kemudou sara ga, sa kaya ko Jiova.

Vakavakadewa Makawa

¹⁸ Ia e na veisiga ko ya, ka'u na sega ni vakaoti kemudou sara, sa kaya ko Jiova.

Ai Vola Tabu Ena Vakavakadewa Vou

¹⁸ A sa kaya na turaga, “Ia ena veisiga o ya, au na sega ni vakarusai kemuni sara vakadua na noqu tamata.”

Jeremaia 5:18 Iomraidhean Croise

Jeremaia 30:11

Au na tiko kei kemuni Me'u vakabulai kemuni. Au na vakarusai ira Na veimatanitu kecega Ka'u a vakasavi kemuni kina; Ia au na sega ni vakarusai kemuni. Au na sega ni laivi kemuni Mo ni kakua ni totogi; Ia ni'u na totogitaki kemuni Ena vakarauta ga. Ni sai Jiova ga sa kaya oqo.”

Jeremaia 4:27

A sa kaya o Jiova, “Ena lala na vuravura taucoko Ia ena sega ni vakarusa taucoko sara vakadua.”

Jeremaia 5:10

Au na vakaroti ira Me ra musulaka sobu na nodra vaini, Ia me ra kakua ni vakarusai ira vakadua. Au na tukuna me ra musuka laivi na veitabana, Baleta ni ra sa sega ni noqu.

Jeremaia 5:17

Era na kania na nomuni teitei kei na kemuni; ra na vakamatei na luvemuni tagane kei na yalewa; ra na vakamatea na nomuni sipi kei na bulumakau ka vakarusa na nomuni veivaini kei na veivunilolo; na nomuni veikoro turaga vakabai vakaukauwa o ni nuitaka era na vakarusa na nodra mataivalu.

Jeremaia 5:19

Ni ra taroga se cava sara mada au vakayacora kina na veika oqo, “Mo kaya vei ira Jeremaia, me vaka ni ra sa vakanadakui au ka qaravi ira na veikalou tani ena nodra vanua dina, era na qai la'ki qaravi ira na vulagi vakakina ena vanua sa sega ni nodra.”

Isikeli 11:13

Ena gauna ka'u a parofisai tiko kina, a qai cibati koya vakasauri o Pelataia na luve i Penaia. Au a qai bale vakatoboicu, ka tagi vakadomoilevu, ka kaya, “Isa, Jiova na noqu Kalou! O ni na vakamatei ira kece li na vo-ni-bula i Isireli?”

Isikeli 20:17

“Ia ka sa vosoti ira na mataqu, ka'u a sega ni vakarusai ira me ra kawaboko mai na loma ni vanua dravuisiga.

Isikeli 9:8

Ia ni ra ravuravu tiko kei na veivakamatei, au a vo duadua tikoga oi au, ka'u qai bale vakatoboicu ka tagi, ka kaya, “Isa, na noqu Turaga na Kalou! O ni na vakarusa li na veika kecega sa vo tu e Isireli ni o ni sa sovaraka kece na nomuni cudru ki Jerusalemi?”

Apakuki 1:12

Oi kemuni Jiova, o ni sa Kalou dina ga mai na i vakatekivu. Oi kemuni na noqu Kalou; o ni yalo savasava vakaoti ka o ni sa bula ena veigauna kecega. Oi kemuni Jiova na noqu Kalou ka noqu i vakavakaruru, o ni sa digitaki ira oti na kai Papiloni ka vakaukauwataki ira me rawa kina ni ra vakanakuitataki keimami.