Jeremaia 5:13 - Vakavakadewa Vou kei na iVola tale eso

¹³ Era kaya, ni ra sa cagi wale ga na parofita, sa sega vei ira na i tukutuku mai vei Jiova. Oi au, o Jiova na Kalou Kaukauwa, au na tukuna vei iko Jeremaia na ka ena yacovi ira na tamata oqo baleta ni ra sa kaya na veika oqo.

Ai Vola Tabu (Vakadewa Makawa Vakavoutaki 2021)

¹³ Ia na parofita, eratou na yaco me cagi walega ka sa sega na vosa vei iratou. Sa na caka ga vei iratou me vaka na ka oqo!’ ”

AI VOLA TABU

¹³ ia na parofita, eratou na yaco me cagi, a sa sega na vosa vei iratou: mo vaka na ka o qo me caka ga vei iratou.

Vakavakadewa Makawa

¹³ ia na parofita, eratou na yaco me cagi walega ka sa sega na vosa vei iratou: sa na caka ga vei iratou me vaka na ka oqo.

Ai Vola Tabu Ena Vakavakadewa Vou

¹³ Era kaya ni ra sa cagi wale ga na parofita ka sa sega vei ira na i tukutuku mai vei Jiova.

Jeremaia 5:13 Iomraidhean Croise

2 Veigauna 36:16

ia era a vakalialiai ira na nona i talai na Kalou, ka beca na nona vosa, ka vakacacani ira na parofita, me yacova sara ni a tubu kina na cudru i Jiova vei ira na nona tamata ka a dredre kina me ra vakabulai.

Jope 6:26

O dou nanuma ni noqu vosa na cagi wale ga; Ia na cava ga o dou sauma tiko mai kina na noqu tagi ni nuinui ca?

Jope 8:2

I Jope, mo kila tiko ni vosa, na cagi. A cava soti na dede ni nomu vosa tiko vakaoqo?

Vosavakaibalebale 25:14

Na tamata e sega ni solia na ka e yalataka e vaka na cagi kei na o e sega na kena uca.

Aisea 41:29

Era sa tawa yaga na veikalou kece oqo Era sa sega ni cakava rawa e dua na ka; Ka ra sa malumalumu ka tawa yaga na nodra veimatakau.

Jeremaia 14:13

Ia au a qai kaya, “Kemuni na Turaga na Kalou, o ni sa kila ni ra sa tukuna na parofita vei ira na tamata ni na sega na i valu se na dausiga, baleta ni o ni sa yalataka, era kaya, ni sa yaco ga na sautu ena neimami vanua.”

Jeremaia 14:15

Sa i au o Jiova, au sa tukuna na veika au na cakava vei ira na parofita au sega ni talai ira, ia era sa tukuna ena yacaqu ka ra kaya ni na sega ni vakacacani na vanua oqo ena i valu kei na viakana; era sa na mate na parofita oqori ena i valu kei na viakana.

Jeremaia 18:18

Ia era a qai kaya na tamata, “Me da sa bosea mada na ka me da cakava vei Jeremaia. Era sa tu na bete me ra na tuberi keda, era na tu na tamata vuku me ra vakasalataki keda ka ra tu na parofita me ra vunautaka na vosa ni Kalou. Me da vosa vakacacataki koya ka kakua ni vakarorogo ki na veika e tukuna.”

Jeremaia 22:22

Era na cagina tani Na nomu i liuliu ena cagi Ka ra na kau vakabobula O ira sa dau lomani iko O na vakamaduataki ka beci Baleta na veika ca kece o a cakava.

Jeremaia 28:3

Au na kauta lesu tale mai ki na vanua oqo na veiyaya talei kece e a kauta o Nepukanesa mai na Valenisoro oqo ki Papiloni ena loma ni rua na yabaki.

Jeremaia 43:2

A qai kaya vei Jeremaia o Asaraia na luve i Osia kei Jonani na luve i Karea, vata kei ira kece na tamata viavialevu. “E lasu na ka o mai tukuna. E sega ni talai iko mai o Jiova mo tukuna vei keimami me keimami kakua ni lako ka la'ki tiko ki Ijipita.

Osea 9:7

Na gauna ni veitotogitaki sa yaco mai, na gauna ni veisausaumi sa yaco mai. Ena kila o Isireli na ka oqo ni sa vakayacori! O ni sa kaya ga vakaoqo, “Na parofita oqo e sa lialia tiko. O koya na i lumuti oqo sa leqa tiko na uluna.” O ni sa cati au vakalevu ga baleta ni sa ka levu sara na nomuni i valavala ca.