Jeremaia 5:1 - Vakavakadewa Vou kei na iVola tale eso

¹ Kemuni e Jerusalemi, Ni vaqaqara mada Ena nomuni veigaunisala! Ni vakararai wavoki! Mo ni raica vakataki kemuni! Ni vaqara ena loma ni veimakete! Ni tovolea mo ni kunea E dua na tamata sa kitaka na ka dodonu, Ka vakasaqara na ka dina, Kevaka o ni rawata, Sa na vosoti Jerusalemi o Jiova.

Ai Vola Tabu (Vakadewa Makawa Vakavoutaki 2021)

¹ Dou veiciciyaki e na sala ni koro ko Jerusalemi, vakararai wavoki ka vola! Vakasaqaqara e na kena veisaqata ka raica ke dou kunea rawa e dua na tamata, e dua sa ia na lewa dodonu, ka goleva na ka dina— me'u rawa kina ni vosoti Jerusalemi.

AI VOLA TABU

¹ DOU veiciciyaki e na sala ni koro ko Jerusalemi, ka raica mada, ka kila, ka vakasaqara e na kenai saqata, se dou sa kunea rawa e dua na tamata, se dua sa ia na lewa dodonu, se vakasaqara na ka dina; kaʼu na qai tawa cudruva.

Vakavakadewa Makawa

¹ Dou veiciciyaki e na sala ni koro ko Jerusalemi, ka raica mada, ka kila, ka vakasaqara e na kena saqata, se dou sa kunea rawa e dua na tamata, se dua sa ia na lewa dodonu, se goleva na ka dina; ka'u na qai sega ni cudruva.

Ai Vola Tabu Ena Vakavakadewa Vou

¹ Kemuni e Jerusalemi, Ni vaqaqara mada Ena nomuni veigaunisala! Ni vakararai wavoki! Mo ni raica vakataki kemuni! Ni vaqara ena loma ni veimakete! Ni tovolea mo ni kunea E dua na tamata sa kitaka na ka dodonu, Ka vakasaqara na ka dina, Kevaka o ni rawata, Sa na vosoti Jerusalemi ko Jiova.

Jeremaia 5:1 Iomraidhean Croise

1 Tui 19:10

A sa kaya o koya, “Au sa rui yalo luluvu vakalevu ena vuku i Jiova, na Kalou ni lewe vuqa; ni ra sa biuta na veiyalayalati kei kemuni na Isireli; era sa talaraka sobu na nomuni cabocabonisoro, ka vakamatei ira na nomuni parofita ena i seleiwau; ia o au, ka'u sa vo duadua tiko; era sa saga tiko me ra vakamatei au.”

2 Veigauna 16:9

Ni sa dau veiraiyaki na mata i Jiova vaka ka vaka e vuravura taucoko, me vakaraitaka kina na nona kaukauwa ena vukudra sa dodonu na lomadra vua. O ni sai valavala vakayalowai ena ka oqo; ia me vakatekivu mai na gauna oqo ki na veigauna e muri ena yaco tiko vei kemuni na i valu.

NA SAME 12:1

Kemuni Jiova, ni vakabulai keimami! Sa sega tale ni vo e dua na tamata dodonu, Ka sa sega tale ni kune rawa na tamata yalodina eso.

NA SAME 14:2

Sa raici ira sobu mai na tamata o Jiova mai lomalagi, Me raica se bau dua beka e vuku, Ka me qaravi koya.

NA SAME 14:3

Ia, era sa cala kecega; Sa tautauvata na nodra i tovo ca kecega; Sa sega ni bau dua e cakava na ka dodonu, E sega sara ni dua mada ga.

NA SAME 94:16

O cei ena tucake me totaki au ena saqati ira na tamata ca? O cei ena to ena noqu yasana ena saqati ira na i valavala ca?

Vosavakaibalebale 20:6

Sa tukuna kecega na tamata na nodra yalodina kei na nodra yalovinaka, ia tovolea mada ga mo vakaraica mai e dua na tamata sa yalodina ka yalovinaka vakaidina sara!

Vosavakaibalebale 23:23

Volia na dina ka kakua ni volitaka. Volia na vuku, na i vakavuvuli kei na yalomatua.

Vosavakaibalebale 8:3

Sa kaci mai ena yasa ni matamata ni koro, Kei na mata ni katuba ni curucuru me vakaoqo:

Sere i Solomoni 3:2

Au na duri cake oqo ka lako ki na koro levu, Me'u curuma na kena sala kei na veibasoga ni sala. Au a qarai koya sa gadreva na yaloqu, Au a qarai koya, ia ka'u a sega ni raici koya.

Aisea 59:4

O ni sa sega ni totaka na dodonu ni ka o ni la'ki veilewai kina. O ni sa vakararavi ki na lasu mo ni qaqa kina ena veilewai. O ni sa vakayacora na nomuni i naki me ra ca kina na tani.

Jeremaia 2:29

A sa kaya o Jiova, “A cava o ni sa beitaki au kina? O ni a biuti au kece sara.

Jeremaia 44:15

Ia era a qai kaya vei Jeremaia na tagane kece era kila ni ra vakacaboisoro tiko na watidra vei ira na veikalou tani kei ira kece na yalewa era tu e kea kei ira kece na Jiu era tiko ena ceva kei Ijipita, e dua na i vavakoso vakaitamera.

Jeremaia 8:6

Au a vakarorogo vinaka sara, ia o ni sega ni tukuna na ka dina. E sega ni bau dua vei kemuni e veivutunitaka na nona ca; e sega ni bau dua e taroga, A cava beka na cala au cakava? Era dui lako na tamata yadua ena nona sala me vaka e dua na ose sa cici ki na i valu.

Jeremaia 9:2

Au diva Me dua na vanua Me'u tiko kina Ena vanua dravuisiga Me rawa ni'u lako tani kina Mai vei ira na kai noqu. Era sa sega kecega ni yalodina, E dua na i vavakoso dauveivakaisini.

Jeremaia 9:7

Ena vuku ni ka oqo Sa kaya kina o Jiova, “Au na vakasavasavataki ira na noqu tamata Me vaka na vakasaqari ni kaukamea Ena gauna e buli kina. Kau na biuta na veivakatovolei e matadra. Era sa cakava na veika ca, Se cava tale me'u cakava vei ira.

Isikeli 22:30

Ia ka'u sa qara e dua na tamata vei ira, o koya ka na viria na bai, ka me tu ena tiki ni bai sa basuki e mataqu ena vuku ni vanua, me'u kakua ni vakarusa; ia ka'u sa sega ni kunea e dua.

Isikeli 9:9

A kaya vei au o Jiova, “A nodra caka cala na Isireli kei Juta sa vakaitamera dina. Sa robota na vanua na dra, ia na koro sa sinai tu ena ka e tawa dodonu kei na veivakaucacataki; ni ra sa kaya, ‘Sa biuti vuravura o Jiova, ka sa sega ni raica rawa o koya.’

Taniela 12:4

A sa qai kaya vei au, “Ia oqo, i Taniela, mo sogota na i Vola ka tuki dregata me yacova na gauna ni vakataotioti. Era na veiciciyaki na lewe vuqa ka levu sara na i valavala ca.”

Joeli 2:9

Era ladeva na koro, Ka ra ciciva na dela ni bai; Era curu botea yani na veivale, Ka curu yani e katubaleka me vaka na daubutako.

Emosi 8:12

Era na veilakoyaki na tamata me tekivu mai na Waitui Mate ki na Meditereni, ka qai lako mai na vualiku ki na tokalau. Era na vakasaqara voli na vosa i Jiova ena veivanua taucoko sara, ia era na sega ga ni kunea.

Sakaraia 2:4

Sa qai kaya na i matai ni agilosi vei koya ka dua, “Cici mada ka la'ki tukuna vua na cauravou ka taura voli na wa ni vakarau ni ra na lewe vuqa mai na tamata kei na manumanu e Jerusalemi, ena qai rui levu sara na koro ka dredre kina ni viribai.

Luke 14:21

“Sa qai lesu tale na tamata dauveiqaravi ka tukuna na veika o ya vua na nona turaga. A sa cudru vakalevu na i taukei ni vale, ka kaya vua na nona tamata dauveiqaravi, ‘Lako vakatotolo ki na veigaunisala kei na veisaqata ni koro ka kauti ira mai na dravudravua, kei ira na lokiloki, kei ira na mataboko, kei ira era sa sega ni lako rawa vakavinaka.’

2 Cesalonaika 2:10

ka vakayagataka na i vadi ca kecega vei ira sa gole tiko ki na rusa, baleta ni ra sa cata me ra lomana na ka dina, me ra vakabulai kina.