Jeremaia 49:1 - Vakavakadewa Vou kei na iVola tale eso

¹ Oqo na ka a tukuna na Turaga o Jiova me baleti ira na Amoni, “Sa e vei o ira na Isireli? Sa sega beka ni dua me taqomaka na nodra vanua? A cava era laivi ira kina na tamata era qaravi Moloke me ra taura ka tiko ena vanua ni mataqali i Kata?

Ai Vola Tabu (Vakadewa Makawa Vakavoutaki 2021)

¹ A veika me baleti ira na Amoni. Sa taro vakaoqo ko Jiova: “Sa sega beka eso na luvena tagane ko Isireli? Sa sega beka e dua na kena i sosomi? A cava sa tauri Kata kina vakaitaukei ko Milikomi, ia ka cava era tiko kina e na kena veikoro ko ira na nona tamata?

AI VOLA TABU

¹ A KEDRA na luve i Amoni, sa vosa vakaoqo ko Jiova; Sa sega beka o so na luvena tagane ko Isireli? sa sega beka e dua vua me taravi koya? a cava sa taukeni Kata kina ko Milikomi, ia na nona tamata, a cava era tikora kina na nona veikoro?

Vakavakadewa Makawa

¹ E na vuku i Amoni, sa taro vakaoqo ko Jiova; Sa sega beka eso na luvena tagane ko Isireli? sa sega beka e dua na nonai sosomi? a cava sa tauri Kata kina vakaitaukei ko Milikomi, ia ka cava era tiko kina e na kena veikoro ko ira na nona tamata?

Ai Vola Tabu Ena Vakavakadewa Vou

¹ Oqo na ka a tukuna na Turaga ko Jiova me baleti ira na Amoni, “Sa e vei o ira na Isireli? Sa sega beka ni dua me taqomaka na nodra vanua? A cava era laivi ira kina na tamata era qaravi Moloke me ra taura ka tiko ena vanua ni mataqali i Kata?

Jeremaia 49:1 Iomraidhean Croise

Vakatekivu 19:38

A sa vakasucu talega o koya e gone vei rau ka vakasucuma e dua na gonetagane, a sa vakatoka me yacana o Peniame. Oqo na tamadra na Amonaiti me yacova mai na gauna oqo.

2 Tui 10:33

mai na Joritani ka vaka ki na tokalau, na vanua taucoko o Kiliati, o ira na Kata kei ira na Rupeni, o ira na Manasa mai Aroeri, ka koto volekata na buca o Erinoni, o ya o Kiliati kei Pasani.

2 Tui 24:2

A sa vakatala o Jiova na veimataivalu ni vanua o Papiloni, kei Siria, kei Moapi, kei Amoni, ka talai ira yani me ra vala kei ira na Juta ka vakarusai ira, me vaka ga na vosa i Jiova ena gusudra na nona parofita me baleta na veika ena vakayacora.

2 Veigauna 20:1

Ni oti oqo, era a qai lako mai na luve i Moapi, kei ira na luve i Amoni, ka ra lako vata tiko mai kei ira eso na Amoni, me ra mai veivala kei Josefati.

2 Veigauna 20:23

O ira na Amoni kei na Moapi era a mokuti ira na lewe ni mataivalu ni Itomi se o ira na kai Ului Sia, ka vakarusai ira. Ni ra vakamatei ira oti na kai Sia, era sa qai veivakamatei ga vakataki ira.

Niemaia 2:19

Ia ni sa rogoca na i tuvatuva ni qaravi cakacaka oqo o iratou o Sanivalati, kei Topaia, kei na dua na kai Arapea o Kesemi, e ratou sa dredrevaki keimami ka kaya vakaoqo, “A cava o ni sa nanuma ni o ni sa cakava oqo? O ni sa via saqati koya beka na tui?”

Niemaia 4:7

Ia ni sa rogoca o Sanivalati kei Topaia, kei ira na kai Arapea, Amonaiti, kei Asitoti ni sa daumaka sara tiko na i tosotoso ni kena vakavoutaki na bai kei Jerusalemi, ka sa tekivu me viri vakavinaka na veitikina ka basuki, a sa ka levu sara na nodra cudru.

NA SAME 83:7

Na tamata mai Kipali, kei Amoni, kei Amaleki; O ira na kai Filisitia kei Taia.

NA SAME 9:6

Era sa oti vakadua na keimami meca. O ni sa vakarusa na nodra veikoro, Ka ra sa guilecavi sara ga vakadua.

Jeremaia 12:14

A sa kaya o Jiova, me baleti ira na tamata sa bula veitikivi kei Isireli ka ra sa vakacacana na vanua au a solia vei ira na noqu tamata na Isireli. “Au na kauti ira tani na tamata oqo mai na dui nodra vanua me vaka na kau cavu vakadua, ka'u na vakabulai Juta mai vei ira.

Jeremaia 25:21

O ira kece na tamata mai Itomi, Moapi kei Amoni,

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 27:3

A qai tukuna vua o Jiova me vakauta e dua na i tukutuku vei ira na tui Itomi, Moapi, Amoni, Taia kei Saitoni, me ra na kauta na nodra dui mata era lako mai ki Jerusalemi me ra raica na tui o Setekaia.

Jeremaia 48:1

Oqo na ka a kaya na Turaga o Jiova me baleti Moapi. “Ena yaco na veika ca vei ira na lewe i Nibo, Ni sa vakarusai na nodra koro! Sa valuti o Kiriaceimi Sa bale sobu na kena bai kaukauwa Ka ra sa vakamaduataki na lewena;

Jeremaia 49:23

Sa i koya oqo na ka a tukuna na Turaga o Jiova me baleti Tamasiko. “Era sa vakataqayataki ka vakaleqai na tamata ena koro o Emaci kei Apati baleta ni ra sa rogoca na veitukutuku ca. Sa yacovi ira na taqaya me vaka na wasawasa ka ra na sega ni vakacegu rawa.

Jeremaia 49:28

Sa i koya oqo na ka a kaya na Turaga o Jiova me baleta na yavusa o Kitari kei ira na i liuliu ena koro o Asori, o ira a vakamalumalumutaki ira o Nepukanesa na tui Papiloni, “Lako ka valuti ira na kai Kitari ka vakarusa na nodra yavusa na tamata mai na tokalau.

Jeremaia 49:7

Sa i koya oqo na ka a kaya na Turaga Qaqa o Jiova ni lewevuqa me baleti Itomi, “Sa yali beka na nodra lewa vinaka na kai Itomi? Era sa sega beka ni vakaraitaka rawa na nodra dauvakasala ki na ka me ra cakava? Sa takali tani beka na nodra vuku?

Isikeli 21:25

“Ia o iko o tamata beci ka vere ca, na turaga ni Isireli, ka sa yaco mai na nomu siga na gauna me tau kina na i tinitini ni kemu i totogi,

Isikeli 25:1

A sa kaya vei au o Jiova,

Sefanaia 1:5

Au na vakarusai koya ena cabe ki na delanivale me qarava na matanisiga, na vula, kei na veikalokalo. Au na vakarusai ira talega era sa dauqaravi au ka yalataka vei au na nodra yalodina, ia era sa qai vosa bubului tale ena yaca ni kalou o Moloke.

Tiko mai na Lekutu 1:24

Vei ira na kawa i Kata, ena i tabatamata o ya, na nodra veivuvale kei na veitokatoka ni nodra qase, me vaka na i wiliwili ni yacadra yadua, o ira ka vakatekivu mai na yabaki ruasagavulu na nodra bula ka lako cake, o ira kecega ka lako rawa ki na i valu:

Vakarua 2:19

Ia o ni sa na qai volekata yani na nodra vanua na luve i Amoni, ni kakua ni vakasagai ira, se, valuti ira. Au na sega ni solia vei kemuni e dua na nodra tiki ni qele na luve i Amoni me nomuni i votavota, baleta ni'u sa solia oti vei ira na kawa i Loti.”

Vakarua 23:3

“Ena sega ni dua vei ira na luve i Amoni se luve i Moapi, se dua vei ira na nodrau kawa, ka me la'ki yacova sara na i katini ni i tabatamata, me na okati ena kedra maliwa na tamata i Jiova.

Vakarua 23:4

Era a sega ni solia vei kemuni na kakana kei na wai ena gauna o ni a lako mai kina mai Ijipita. Era a saumi Balami na luve i Piori ena koro o Pecori mai Mesopotemia me vakatauca na vosa-ni-cudru vei kemuni.