Jeremaia 48:13 - Vakavakadewa Vou kei na iVola tale eso

¹³ Era na qai madua na kai Moapi ena vuku ni nodra kalou o Kimosi me vaka na nodra maduataki Peceli, na Isireli na nodra i nuinui.

Ai Vola Tabu (Vakadewa Makawa Vakavoutaki 2021)

¹³ Ia ena maduataki Kimosi ko Moapi, me vaka sa maduataki Peceli na vale i Isireli, ni ra a vakararavi kina.

AI VOLA TABU

¹³ Ia ena maduataki Kimosi ko Moapi, me vaka na mataqali nei Isireli ni sa maduataki Peceli era a vakararavi kina.

Vakavakadewa Makawa

¹³ Ia ena maduataki Kimosi ko Moapi, me vaka sa maduataki Peceli era a vakararavi kina ko ira na mataqali i Isireli.

Ai Vola Tabu Ena Vakavakadewa Vou

¹³ Era na qai madua na kai Moapi ena vuku ni nodra kalou o Kimosi me vaka na nodra maduataki Peceli, na Isireli na nodra i nuinui.

Jeremaia 48:13 Iomraidhean Croise

1 Tui 11:33

Au na vakayacora oqo baleta ni sa biuti au o Solomoni, ka la'ki cuva vei Aseteroci na nodra kalou yalewa na kai Saitoni, kei Kimosi na nodra kalou na Moapi, kei Moloke na nodra kalou na luve i Amoni. A sa sega ni muria na noqu sala, o ya me cakava na ka e dodonu vei au, kei na noqu i lesilesi, vata kei na noqu lewa me vakataki Tevita na tamana.

1 Tui 11:7

Sa qai tara o Solomoni ena ulunivanua vaka ki na tokalau kei Jerusalemi e dua na tikina me dau qaravi kina o Kimosi na nodra kalou vakasisila na Moapi, kei na tikina me qaravi kina o Moloke na nodra kalou vakasisila na kai Amoni.

1 Tui 18:40

Sa qai tukuna vei ira o Ilaijia, “Ni vesuki ira na parofita i Peali; ka me kakua sara ni dro bula e dua vei ira!” Era a tauri ira kece ka kauti ira sobu o Ilaijia ki na uciwai o Kisoni, ka vakamatei ira mai kea.

2 Veigauna 25:15

Ia ni vaka tu oqo, a cudruvi Amasaia o Jiova, tala vua e dua na parofita, ka kaya vua, A cava li o ni la'ki goleva kina na nodra kalou na tamata ka sega ni rawa me vakabulai ira na nodra tamata mai na ligamuni?

Aisea 16:12

Era sa vakaocai ira wale na kai Moapi ena nodra lako yani ki na nodra veicabocabo ni soro ena veidelana kei na nodra lako ki na nodra veivale tabu me ra masu; ia sa sega ni solia e dua na ka vinaka vei ira.

Aisea 2:20

Ni sa na yaco mai na siga o ya, Era a viritaka na tamata na nodra matakau siliva, Kei na nodra matakau koula; Era a cakava ga ena ligadra me ra qarava; Ka solia ki na dua na mataqali manumanu era vaka na kalavo kei na beka.

Aisea 45:16

O ira kece era dau buli matakau Era na vakamaduataki Ka vakalolovirataki kece sara.

Aisea 45:20

A sa kaya o Jiova, “Ni lako vata kece mai na tamata ni veimatanitu, Oi kemuni kece o ni bula mai na veivanua. O ni sa rui lialia, O ni sa kauta voli ga na nomuni matakau, Ka masu tiko ki na kalou sa sega ni vakabulai kemuni rawa.

Jeremaia 48:12

Ia oqo sa yaco mai na gauna me'u na tala kina na tamata me ra la'ki sovaraki Moapi tani me vaka na waini. Era na vorolaka na nona veisaqa ni waini ka vorolaki ira vakamatailalai.

Jeremaia 48:39

Sa vorolaki vakamatailalai o Moapi! Kacivaka! Sa vakamaduataki o Moapi. Sa rusa tu ka ra sa vakalialia na veimatanitu kece era tiko wavolita.”

Jeremaia 48:46

Era sa vakaloloma na kai Moapi! Era sa vakarusai na tamata era sokalou vei Kimosi, ka ra sa kau vakabobula na luvedra yalewa kei na tagane.

Jeremaia 48:7

Moapi o sa vakararavi ki na nomu kaukauwa Kei na nomu i yau, O iko o na bau kau tani talega, Kei na nomu kalou o Kimosi Ena kau yani vakabobula Vata kei ira na nona turaga kei na bete.

Dauveilewai 11:24

E sega li ni ganita mo taukena ga na vanua sa solia vei iko o Kimosi na nomu kalou mo taukena? E sega li ni ganita me keimami taukena na veika kece sara sa rawata o Jiova na neimami Kalou me baleti keimami?