Jeremaia 48:11 - Vakavakadewa Vou kei na iVola tale eso

¹¹ A sa kaya na Turaga o Jiova, “E dau galala tu ga o Moapi ka sega ni bau kau vakabobula. O Moapi e vaka na waini sa vo tu ka sega ni yavalati; ka sega ni bau sova mai na dua na saqa ki na dua tale na saqa. Na kena i gunugunu sa sega ni vakacacani, e daumaka tu ga ka sega ni bau veisau.

Ai Vola Tabu (Vakadewa Makawa Vakavoutaki 2021)

¹¹ “Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ka sa sega na gauna me kau tani kina vakabobula; o koya oqo sai koyakoya tikoga na kenai kanakana, kei na kenai boi sa sega ni veisau.

AI VOLA TABU

¹¹ Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ia e na veivakabobulataki e sa sega ni lako tani yani kina: o koya o qo sa tiko ga vua na kena velavela, ia na kenai boiboi sa sega ni dua tani mai.

Vakavakadewa Makawa

¹¹ Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ia sa sega na gauna sa kau tani kina vakabobula: o koya oqo sa to ga vua na kena velavela, ia na kenai boiboi sa sega ni dua tani mai.

Ai Vola Tabu Ena Vakavakadewa Vou

¹¹ A sa kaya na Turaga ko Jiova, E dau galala tu ga o Moapi ka sega ni bau kau vakabobula. O Moapi e vaka na waini sa vo tu ka sega ni yavalati; ka sega ni bau sova mai na dua na saqa ki na dua tale na saqa. Na kena i gunugunu sa sega ni vakacacani, e daumaka tu ga ka sega ni bau veisau.

Jeremaia 48:11 Iomraidhean Croise

NA SAME 123:4

Keimami sa vakalialiai vakalevu sara mai vei ira na vutuniyau, Ka beci keimami na dauveivakararawataki viavialevu! A Sere ni cabecabe. A nei Tevita.

NA SAME 55:19

Na Kalou, o koya sa lewa tiko mai na i vakatekivu, Ena rogoci au ka vakadrukai ira; Ni ra sa besetaka ga me ra veisau, Ka ra sa sega ni rerevaki koya.

Vosavakaibalebale 1:32

Era na mate na tamata ni ra besetaka na yalomatua, ni ra sa vakadonui ira vakai ira ga.

Aisea 16:6

Era sa kaya na kai Juta, “Keimami sa rogoca na qaciqacia i Moapi; Sa dokadoka dina o koya! Sa kilai na nona viavialevu kei na veivakaisini; Sa lasu ga na nona tukutukuni koya.

Aisea 24:3

Ena lala sara na vuravura ka vakacacani, Sa i koya oqo na vosa ka tukuna o Jiova.

Aisea 25:6

Ena vakarautaka o Jiova ni lewevuqa ena ulunivanua oqo Na solevu ni kakana sau lelevu, kei na solevu ni waini makawa, Io na kakana sau lelevu sa sinai ena uro ni sui, Kei na waini makawa sa makare sara.

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 48:12

Ia oqo sa yaco mai na gauna me'u na tala kina na tamata me ra la'ki sovaraki Moapi tani me vaka na waini. Era na vorolaka na nona veisaqa ni waini ka vorolaki ira vakamatailalai.

Jeremaia 48:29

Sa rui viavialevu o Moapi! Au sa rogoca na nodra viavialevu, dokadoka, kei na nodra qaciqacia na tamata, na levu ni nodra dokai ira vaka i ira.”

Jeremaia 51:34

Sa tamusuki Jerusalemi na tui Papiloni ka kania. Sa vakalala sara na koro me vaka na saqa; E vaka e dua na manumanu vakaitamera sa tilomi koya. Sa taura na ka sa vinakata ka viritaka na ka sa cata.

Neumi 2:10

Sa rusa, sa laladidi, sa vakaloloma o Ninive! Sa waicala na yalo ena rere vakaitamera; Sa sautaninini na durudra, Sa takali na nodra kaukauwa; Sa vulaci na matadra kecega.

Neumi 2:2

(Ni sa vakarau vakasuka tale o Jiova na nodra lagilagi na Isireli, me vaka na lagilagi a tiko vei ira eliu ni se bera ni ra vakacacani mai vei ira na kedra meca.)

Sefanaia 1:12

“Ena gauna o ya, au na kauta kina e dua na cina ka la'ki vakadikevi Jerusalemi. Au na totogitaki ira na tamata sa dau murimuri lomadra ka nuitaki ira vakataki ira ga, ni ra sa dau kaya voli e lomadra, “Sa sega ni cakava rawa o Jiova e dua na ka, se ka vinaka se ca.”

Sakaraia 1:15

Au sa cudruvi ira vakalevu na veimatanitu era tu ena dua na bula rawarawa sara. Ena gauna au a vakadaroya tiko kina na noqu cudruvi ira na noqu tamata, era sa qai cakacaka nodra ga na veimatanitu oqo, me ra vakacacani ira vakalevu cake na noqu tamata.