Jeremaia 48:10 - Vakavakadewa Vou kei na iVola tale eso

¹⁰ Ena cudruvi na tamata e sega ni cakava na cakacaka ni Turaga ena yalona taucoko! Ena cudruvi na tamata ena sega ni veivakamatei ena nona i seleiwau.

Ai Vola Tabu (Vakadewa Makawa Vakavoutaki 2021)

¹⁰ “Me cudruvi sara ko koya sa cakava vakalawaki na cakacaka i Jiova, ia me cudruvi sara ko koya sa tarova na nona i seleiwau mai na vakadave-dra.

AI VOLA TABU

¹⁰ Me vosacati ko koya sa cakava na cakacaka i Jiova me vakailasu, ia me vosacati ko koya sa tarova na nonai seleiwau mai na dra.

Vakavakadewa Makawa

¹⁰ Me cudruvi sara ko koya sa cakava vakawele na cakacaka i Jiova, ia me cudruvi sara ko koya sa tarova na nonai seleiwau mai na vakadave dra.

Ai Vola Tabu Ena Vakavakadewa Vou

¹⁰ Ena cudruvi na tamata e sega ni cakava na cakacaka ni Turaga ena yalona taucoko! Ena cudruvi na tamata ena sega ni veivakamatei ena nona i seleiwau.

Jeremaia 48:10 Iomraidhean Croise

1 Tui 20:39

Ia ni lako siviti koya na tui, a sa kacivaka yani vua na parofita, “Kemuni na tui, au a valu tiko ena loma ni veivaluvaluti ka qai kauta mai na sotia e dua na meca sa vesu tu, ka kaya vei au, ‘Mo raici koya tiko na tamata oqo; ia kevaka ena mani dro, o na mate o iko me kena i sau, se mo sauma e 3,000 na tiki ni siliva.’

1 Tui 20:40

Ia ka'u a osooso vakalevu na nomuni tamata, ka mani dro yani kina o koya.” A sa kaya vua na tui Isireli, “O sa vakavuna ga vakataki iko na nomu leqa oqo, ka mo na sotava vakaidina kina na kemu i totogi.”

1 Tui 20:42

A sa kaya na parofita vua na tui, “Sa vosa vakaoqo o Jiova, ‘Ena vuku ni nomu sa laiva me dro na tamata au a lesia me vakamatei, o na cola na kena i sau ni na tauri na nomu bula ena vukuna, ka na vakarusai na nomu mataivalu ena vuku ni nomu laiva me ra dro na nona mataivalu.”

2 Tui 13:19

Na ka oqo sa cudru kina o Ilaisa, ka sa kaya vua na tui, “E dodonu mo a mokuta vakalima se vakaono, baleta ni o na qai rawata vakadua kina na qaqa vei Siria; ia oqo, o na vakadrukai ira ga vakatolu.”

Jeremaia 11:3

Tukuna vei ira na kai Juta kei ira na lewe i Jerusalemi na ka sa kaya o Jiova na nodra Kalou na Isireli. Sa na cudruvi o koya yadua e sega ni muria na vosa ni veiyalayalati oqo.

Jeremaia 47:6

O iko na i Seleiwau ni Turaga! A cava na kena dede o na qai galu? Lesu tale ki na kemu taga, La'ki tiko kina ka vakacegu!

Jeremaia 47:7

Ia me na vakacegu vakacava, Ni'u sa solia vua na cakacaka me cakava? Au sa vakaroti kina me ravuti Asikiloni, Kei ira na tamata era tiko ena baravi.

Jeremaia 50:25

Au sa dolava na vanua e tu kina na noqu i yaragi, ka'u sa tauri ira mai na noqu i yaragi ki tuba ena noqu cudru baleta ni sa tu na cakacaka me cakava o Jiova na Kalou Qaqa ena vanua o Papiloni.

Jeremaia 50:27

Vakamatei ira kece na nodra sotia! Vakamatei ira kece! Lomani ira na kai Papiloni! Sa yaco mai na gauna me ra totogi kina!”

Josua 10:19

Mo ni kakua ni la'ki tao e kea! Vakacemuri ira sara na meca ka ravuravu yani e dakudra. Kakua ni laivi ira me ra yaco ki na nodra veikoro, ni sa soli ira oti ki na ligamuni o Jiova na nomuni Kalou.”

Dauveilewai 5:23

“Me rusa o Merosi,” sa kaya na agilosi i Jiova, “me rusa, me rusa o ira sa vakaitikotiko kina. Era sa sega ni via mai veivuke vei Jiova, me ra lako mai vaka na sotia ka vala ena vukuna.”

1 Samuela 15:3

Ia oqo, mo ni la'ki ravuti ira na Amalekaiti, ka vakarusa kece sara na veika era taukena, me kakua sara ni dau na ka me vo, ka mo ni vakamatei ira na tagane, na yalewa, na gone lalai, kei na gone dramidrami, na bulumakau, na sipi, na kameli kei na asa.”

1 Samuela 15:9

Ia sa vakabulai o Ekaki mai vei Saula kei ira na nona tamata, ka ra vakabula talega na sipi digitaki, na bulumakau uro, na luve ni bulumakau digitaki kei na luve ni sipi vinaka, se na ka kecega sa vinaka; era a vakarusa ga na veika sa sega ni yaga.