Jeremaia 45:5 - Vakavakadewa Vou kei na iVola tale eso

⁵ Kevaka o na vakasaqara na veika lelevu mo rogo kina? O na mate wale. Baleta ni'u na vakarusa na tamata kecega,’ sa kaya o Jiova, ‘Ia, au na taqomaka na nomu bula mo drotaka rawa kina na veivakarusai, ena vanua kece o lako kina.’ ”

Ai Vola Tabu (Vakadewa Makawa Vakavoutaki 2021)

⁵ Ia ko iko ko sa dauqara beka eso na ka levu me nomu? Mo kakua ni dauqara; raica, au na vakayacora na ca vei ira na tamata kecega, sa kaya ko Jiova. Ia ka'u na solia vei iko na nomu bula me nomu i toki-ni-valu e na veiyasana kecega ko sa lako voli kina.”

AI VOLA TABU

⁵ Ia ko iko ko sa dauqara beka e so na ka levu me nomu? mo kakua ni dauqara: ni sai au, raica, ena vakayacora na ca ki na tamata kecega, sa kaya ko Jiova: ia kaʼu Qa solia vei iko na nomu bula me nomui toki ni valu e na veiyasana kecega ko sa bau lako kina.

Vakavakadewa Makawa

⁵ Ia ko iko ko sa dauqara beka eso na ka levu me nomu? mo kakua ni dauqara: raica, au na vakayacora na ca vei ira na tamata kecega, sa kaya ko Jiova: ia ka'u na solia vei iko na nomu bula me nomu i toki ni valu e na veiyasana kecega ko sa lako voli kina.

Ai Vola Tabu Ena Vakavakadewa Vou

⁵ Kevaka o na vakasaqara na veika lelevu mo rogo kina? O na mate wale. Baleta ni'u na vakarusa na tamata kecega,’ sa kaya ko Jiova, ‘Ia, au na taqomaka na nomu bula mo drotaka rawa kina na veivakarusai, ena vanua kece o lako kina.’ ”

Jeremaia 45:5 Iomraidhean Croise

Vakatekivu 6:12

A sa raici vuravura na Kalou ka liaca na kena i tuvaki vakaloloma, ka ni sa ca vakalevu na nodra i tovo na tamata kecega.

1 Tui 3:11

A sa kaya vei Solomoni o Jiova na Kalou, “Ena vuku ni nomu kerea na ka oqo, ka sega ni kerea me nomu na bula balavu, na i yau, se me ra mate na nomu meca, ia o sa kerea ga me nomu na vuku, mo kila kina na lewa dodonu;

1 Tui 3:9

Ia mo ni solia vei au na nomuni tamata na yalo sa vuku, me'u lewai ira rawa kina na nomuni tamata, me'u kila na ka vinaka kei na ka ca; ia o cei li sa rawata me lewai ira na nomuni tamata lewe levu oqo?”

2 Tui 5:26

A sa kaya tale vua o Ilaisa, A sega li ni lako vata kei iko na yaloqu ni sa la'ki tu suka tale mai na tamata mai na nona qiqi vakaturaga me tavaki iko? Sa kena gauna li oqo mo taura kina na i lavo kei na i sulu, na olive kei na loganivaini, na sipi kei na bulumakau, na tamata kei ira na vada?

NA SAME 131:1

Kemuni Jiova, sa oti na noqu viavialevu, ka'u sa gole tani mai na noqu i tovo dokadoka. Au sa sega ni qai kauwaitaka na veika cecere, Kei na veika sa dredre sara vei au.

Aisea 66:16

Ena totogitaki ira kece na tamata e vuravura era sa cala Ena nona i seleiwau kei na bukawaqa, Ka ra na lewe vuqa sara era na mate.

Jeremaia 21:9

O ira era na tiko ena loma ni koro era na mate ena i valu, se ena viakana se ena mate ca. Ia o koya ena curu yani ki tuba ka soro vei ira na kai Papiloni era sa samuta tiko oqo na nodra koro era na sega ni vakamatei ka ra na vakabulai me i toki ni valu.

Jeremaia 25:15

A tukuna vei au na Turaga o Jiova na nodra Kalou na Isireli, “Oqo e dua na bilo ni waini sa sinai ena noqu cudru. Kauta ka la'ki vagunuvi ira kece kina na veimatanitu au sa talai iko kina.

Jeremaia 25:16

Ena gauna era sa na gunuva kina, era sa na qai yamekemeke, ka na yali na yalodra ena vuku ni valu au sa tala yani vei ira.

Jeremaia 25:26

O ira kece na tui Mai na vualiku ra voleka ka yawa vakaveitaravi. Na vanua kece e dela i vuravura era a gunu mai kina. Na tui Papiloni me kena i otioti me gunu mai kina.

Jeremaia 25:31

Ena rorogo na kena voqa Mai na i yalayala kei vuravura, Sa beitaki ira na veimatanitu o Jiova Ka na veilewaitaki ira o koya; Ia o ira na totogi era na vakamatei. Sa i Jiova ga sa kaya oqo.

Jeremaia 38:2

E a tukuna vei ira ni a kaya na Turaga o Jiova. Na tamata yadua ena tiko ga ena koro oqo ena mate ena i valu, viakana, se ena mate ca. Ia, o koya ena lako yani ka soli koya vei ira na kai Papiloni ena sega ni vakamatei, ena drotaka wale ga na nona bula ka na vakabulai.”

Jeremaia 39:18

Au na taqomaki iko mo bula ka o na sega ni vakamatei. O na drotaka rawa na nomu bula baleta ni o sa vakadinati au. Sa i Jiova ga sa kaya vakaoqo.

Sefanaia 3:8

A sa kaya o Jiova, “Ni waraki au mada. Ni wawa me yacova na siga ka'u na duri cake kina me'u beitaki ira na veimatanitu. Sa dei tu na lomaqu me'u soqoni ira vata na veimatanitu kei na veivanua ka laiva me ra tovolea mada na kaukauwa ni noqu cudru. Na waqa ni noqu cudru ena vakarusa na vuravura taucoko.

Roma 12:16

Ni veinanumi vakatautauvata. Ni kakua ni dau viavialevu, ia ni makututaka ga na veitokani kei ira sa vakaleqai ka malumalumu. Ni kakua ni nanuma ni o ni sa vuku.

Iperiu 13:5

Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.”