Jeremaia 44:4 - Vakavakadewa Vou kei na iVola tale eso

⁴ Au sa talai ira kece tikoga mai na noqu dauveiqaravi na parofita era tukuna vei kemuni mo ni kakua ni cakava na ka rerevaki oqo, ni'u cata.

Ai Vola Tabu (Vakadewa Makawa Vakavoutaki 2021)

⁴ Ia ka'u a talai ira kecega na noqu tamata vei kemudou, ka sou e na mataka me'u tala, ka kaya, ‘Dou kakua sara mada ni cakava na ka vakasisila oqo ka'u sa cata.’

AI VOLA TABU

⁴ Ia kaʼu a talai ira kecega na noqui talatala vei kemudou, ka sou e na sabogibogi me tala, ka kaya, Dou kakua sara mada ni cakava na ka vakasisila o qo kaʼu sa cata.

Vakavakadewa Makawa

⁴ Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Ai Vola Tabu Ena Vakavakadewa Vou

⁴ Au sa talai ira kece tikoga mai na noqu dauveiqaravi na parofita era tukuna vei kemuni mo ni kakua ni cakava na ka rerevaki oqo, ni'u cata.

Jeremaia 44:4 Iomraidhean Croise

Jeremaia 26:5

ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Jeremaia 7:25

Me tekivu mai na siga era a lako tani kina mai Ijipita na nomuni qase ka yacova mai na siga oqo, au sa talai ira tikoga mai vakaveitaravi na noqu tamata na parofita vei ira.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Sakaraia 7:7

Oqo na i tukutuku vata ga sa dau vosa oti kina o Jiova vei ira na parofita e liu, ena gauna a vutuniyau tu kina o Jerusalemi ka sinai tu kina na tamata, ka ra tu na tamata ena veikoro era tu wavokita ka vakakina ena yasayasa mai na ceva kei na veibuca mai na ra.

Isikeli 16:47

Ia o a sega ni muria na nodra i valavala, se cakava na nodra i valavala vakasisila; ia ena loma ni gauna lekaleka wale, o sa vakacacataki iko vakalevu cake ena nomu i valavala kecega mai vei ira.”

Isikeli 8:10

Au a qai curu kina ka vakaraica; ka'u kunea ni ra sa sinai tu na lalaga kei na vanua e volita na droini ni gata kei na manumanu tawa savasava kei na veimatakau eso era sa qarava voli na Isireli.

Jeremaia 29:19

Oqo na ka ena yaco vei ira, baleta ni ra sega ni muria na noqu vosa au sa talai ira tikoga yani kina na noqu parofita me ra tukuna,’ sa kaya o Jiova.

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

2 Veigauna 36:15

A talatala vagumatua vei ira o Jiova, na Kalou ni nodra qase, baleta ni a yalo loloma vei ira na nona tamata o koya, kei na vanua a dau tiko kina;

1 Pita 4:3

A sa bau dua toka na gauna balavu na nomuni a bulataka voli mai na nodra i tovo ni bula na tawalotu. O ni a dau goleva kina na veika tawa kilikili, na garogaro ca, na mateni, na i tovo vakasisila ni yago, na i soqosoqo ni gunu eso, kei na i vakarau lialia ni qaravi kalou tani.

Isikeli 16:36

Sa kaya vakaoqo na Kalou o Jiova, “Ni o sa vakalevutaka na nomu velavela, ka vakaraitaka na nomu luvawale ena nomu dautagane kei ira na nomu i tau, kei na nomu matakau kecega, ena vuku talega ni nodra dra na luvemu, o a solia vei ira, kei ira vata talega o sa cata;

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 32:33

Era na gole tani ka vakanadakui au; e dina au na ia tikoga na vakatavulici ira, era sa sega ni via rogoca se via vakadodonutaki.

Jeremaia 32:34

Era sa bau vakacuruma na veimatakau au cata ena Valenisoro ka a tara ena yacaqu, ka ra sa vakadukadukalitaka.

Jeremaia 32:35

Era sa tara na veicabocabonisoro vei Peali ena Buca o Inomi me ra vakacabora kina na luvedra tagane kei na luvedra yalewa vua na kalou o Moloke. Au a sega ni vakaroti ira me ra cakava na ka oqo, e a sega mada ga ni'u bau vakasamataka ni ra na cakava na ka vakasisila vakaoqo, ka vakavuna na nodra i valavala ca na lewe i Juta.”

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Taniela 9:6

Keimami sega sara ni bau vakarorogo vei ira na nomuni tamata na parofita, o ira era a vosa ena yacamuni vei ira na neimami tui, na neimami turaga, na neimami i tubutubu kei na neimami vanua.

Niemaia 9:30

O ni a vosoti ira tikoga ka vuqa na yabaki ka vakasalataki ira na Yalomuni ka tiko vei ira na nomuni parofita, ia era a sega ga ni via rogoca. O koya o ni a soli ira tale kina ki na ligadra na lewe ni vanua.

Niemaia 9:34

O ira na neimami tui, na neimami turaga, na neimami bete kei ira na neimami qase era a sega sara ni bau muria na nomuni lawa se kauwaitaka na nomuni vakasala kei na nomuni i vakaro o ni a solia vei ira.

Jeremaia 7:17

O sega ni raica na ka ra cakava tiko ena veikoro e Juta kei na veigaunisala e Jerusalemi?

Jeremaia 7:18

Era cabuka mai na gone, era vakawaqara na matadravu na tagane, ka ra bali valawa na marama me ra vavi keke baleta na kalou yalewa era vakatoka me ranadi ni lomalagi; era sova talega na waiwai dau vakacabori ki na veikalou tani me ra vakacudrui au kina.

Isikeli 18:31

Biuta laivi sara na nomu i valavala ca kecega o ni a cala kina vei au, ka vakavouia na lomamuni kei na yalomuni! A cava li o ni via mate kina, oi kemuni na mataqali i Isireli?