Jeremaia 44:3 - Vakavakadewa Vou kei na iVola tale eso

³ Au na cakava na ka oqo baleta ni ra a vakayacora na veika vakasisila na lewena ka vakacudrui au kina. Era vakacaboisoro ki na veikalou tani, ka ra qarava na veikalou era sega ni kila, ka sokalou kina, oi kemuni kei ira na nomuni qase.

Ai Vola Tabu (Vakadewa Makawa Vakavoutaki 2021)

³ e na vuku ni nodra ca era sa cakava me vakacudrui au, ni ra sa la'ki vakama nai madrali boi vinaka, ka me ra qaravi ira na kalou tani, era sa sega ni kila, ko ira, se koi kemudou, se ko ira na nomudou qase.

AI VOLA TABU

³ e na vuku ni nodra ca era sa cakava me vakacudrui au, ni ra sa laʼki vakacaudreva nai madrali boi vinaka, me qaravi ira na kalou tani, era sa tawa kila, se ko ira, se koi kemudou, se ko ira na nomudou qase.

Vakavakadewa Makawa

³ e na vuku ni nodra ca era sa cakava me vakacudrui au, ni ra sa la'ki vakama nai madrali boi vinaka, ka me ra qaravi ira na kalou tani, era sa sega ni kila, ko ira, se koi kemudou, se ko ira na nomudou qase.

Ai Vola Tabu Ena Vakavakadewa Vou

³ Au na cakava na ka oqo baleta ni ra a vakayacora na veika vakasisila na lewena ka vakacudrui au kina. Era vakacaboisoro ki na veikalou tani, ka ra qarava na veikalou era sega ni kila, ka sokalou kina, oi kemuni kei ira na nomuni qase.

Jeremaia 44:3 Iomraidhean Croise

Niemaia 9:33

O ni sa dodonu ena veika kece sara a yaco oti vei keimami baleta ni o ni a vakayaco ka ena yalodina; ia o keimami ga keimami sai valavala dukadukali.

Aisea 3:8

Sa bale o Jerusalemi, ka rusa o Juta, Na veika kece era kaya ka cakava, Sa veisaqasaqa kei Jiova.

Jeremaia 11:17

E a tei Isireli kei Juta o Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Jeremaia 16:10

‘Ena gauna o sa tukuna kina na veika oqo vei ira, era na qai taroga vei iko se na cava na vuna au sa nakita kina me'u vakaitotogitaki ira ena ka ca rerevaki oqo. Era na taroga se na ka cava era sa cala kina se i valavala ca cava era sa vakayacora e matana o Jiova na nodra Kalou.

Jeremaia 22:9

Ia era na qai sauma vakaoqo, “E baleta ga ni ra sa vakanadakuya na nodra veiyalayalati kei na Jiova na nodra Kalou ka qarava na veikalou tani.”

Jeremaia 29:19

Oqo na ka ena yaco vei ira, baleta ni ra sega ni muria na noqu vosa au sa talai ira tikoga yani kina na noqu parofita me ra tukuna,’ sa kaya o Jiova.

Jeremaia 32:30

Mai na i vakatekivu ni kedra i tukutuku era cakava wale tikoga na veika au sega ni taleitaka, o ira na Isireli kei ira na Juta. Era a vakacudrui au na Isireli ena veimatakau era a cakava.

Jeremaia 44:23

Sa yaco vei kemuni edaidai na veivakarusai oqo, baleta na nomuni vakacaboisoro vei ira na veikalou tani ka i valavala ca vei Jiova. O ni sega ni muria na nona i vakavuvuli, nona i vakaro, kei na nona i vunau.”

Jeremaia 44:8

A cava o ni vakacudrui au kina ena nomuni matakau kei na nomuni vakacaboisoro ki na veikalou tani ena vanua oqo o Ijipita, na vanua o ni sa mai tiko kina oqo? O ni cakava na ka oqo mo ni vakarusai kemuni kina, ia me ra dredrevaki kemuni kina na veimatanitu, ka vakayagataka na yacamuni me yaca ni veivakamaduataki?

Jeremaia 5:19

Ni ra taroga se cava sara mada au vakayacora kina na veika oqo, “Mo kaya vei ira Jeremaia, me vaka ni ra sa vakanadakui au ka qaravi ira na veikalou tani ena nodra vanua dina, era na qai la'ki qaravi ira na vulagi vakakina ena vanua sa sega ni nodra.”

Jeremaia 5:29

A sa kaya o Jiova, “Me'u na sega li ni lewai ira ena vuku ni veika oqo. Me'u na sega li ni ia na veivakadodonutaki ena matanitu sa vaka tu oqo?

Jeremaia 7:19

Ia era sa vakacudrui au li? A sa kaya o Jiova, “Sega, era sa vakararawataki ira ga vaka i ira, ka vakavuna ga na ka me ra madua kina.”’

Lele i Jeremaia 1:8

Sa i valavala ca vakalevu sara o Jerusalemi, A sa yaco me vakasewasewani; O ira kece era daurokovi koya era sa beci koya, Ni ra sa kunea na nona luvawale; Sa vutugu vakalevu ga o koya, Ka sa vunia na matana ena madua.

Lele i Jeremaia 4:13

Sa yaco ga ena vuku ni i valavala ca Mai vei ira na nona parofita kei na bete, O ira sa vakadavea na nodra dra na yalododonu Ena loma ni vanua.

Isikeli 9:9

A kaya vei au o Jiova, “A nodra caka cala na Isireli kei Juta sa vakaitamera dina. Sa robota na vanua na dra, ia na koro sa sinai tu ena ka e tawa dodonu kei na veivakaucacataki; ni ra sa kaya, ‘Sa biuti vuravura o Jiova, ka sa sega ni raica rawa o koya.’

Taniela 9:5

Keimami sai valavala ca; keimami sa ca sara; keimami sa caka cala. Keimami dau saqata na ka o ni vakarota me keimami cakava ka gole tani mai na veika o ni vakaraitaka vei keimami ni dodonu.

Vakarua 13:6

“Ena rawa sara mada ga vua na tacimuni, se na luvemuni tagane se yalewa, se na watimuni o ni sa lomana, se e dua na wekamuni voleka me vakauqeti kemuni lo mo ni qaravi ira na veikalou tani, na veikalou o ni sega ni bau kila se ra a qarava na nomuni qase.

Vakarua 29:25

Era na qai kaya na tamata, ‘E baleta ni ra sa sega ni maroroya na veiyalayalati ka cakava vata kei ira o Jiova na Kalou ni nodra qase ena gauna sa kauti ira tani mai kina mai Ijipita.

Vakarua 29:26

Era a qarava na veikalou tani era a sega ni qarava e liu, na veikalou sa vakatabuya o Jiova me ra qarava.

Vakarua 32:17

Era sa vakacaboisoro ki na veikalou lasu, na veikalou era a sega ni bau kila o ira na nodra qase, na veikalou ka sega ni bau rokovi e Isireli.

Iperiu 3:16

O cei li o ira era a rogoca na domo ni Kalou, ka ra qai sega ni muria? E sega li ni sai ira kecega ka a liutaki ira tani mai Ijipita o Mosese?