Jeremaia 44:2 - Vakavakadewa Vou kei na iVola tale eso

² Sa tukuna na turaga Qaqa na nodra Kalou na Isireli, “O ni a raica na veivakarusai au a kauta mai Jerusalemi kei na veikoro kece e Juta. Me yacova mai oqo era sa rusa tu ga ka sega ni tawani.

Ai Vola Tabu (Vakadewa Makawa Vakavoutaki 2021)

² “Sa kaya vakaoqo ko Jiova-ni-lewevuqa, na Kalou ni Isireli: Koi kemudou, dou sa raica na ca kece ka'u sa vakayacora ki Jerusalemi, kei na veikoro vaka-Juta kecega. Ka raica, sa lala e na siga edaidai, sa sega e tiko kina,

AI VOLA TABU

² Sa vosa vakaoqo ko Jiova ni lewe vuqa, na Kalou nei Isireli; Oi kemudou, dou sa raica na ca kece kaʼu sa vakayacora ki Jerusalemi, kei na Veikoro vaka-Juta kecega; ka, raica, sa lala e na siga edaidai, ka sa sega e tiko kina,

Vakavakadewa Makawa

² Sa kaya vakaoqo ko Jiova ni lewe vuqa, na Kalou ni Isireli; Koi kemudou, dou sa raica na ca kece ka'u sa vakayacora ki Jerusalemi, kei na veikoro vaka-Juta kecega; ka raica, sa lala e na siga edaidai, sa sega e tiko kina,

Ai Vola Tabu Ena Vakavakadewa Vou

² Sa tukuna na turaga Qaqa na nodra Kalou na Isireli, “O ni a raica na veivakarusai au a kauta mai Jerusalemi kei na veikoro kece e Juta. Me yacova mai oqo era sa rusa tu ga ka sega ni tawani.

Jeremaia 44:2 Iomraidhean Croise

2 Tui 21:13

Au na totogitaki Jerusalemi me vaka na ka au a vakayacora vei Samaria, me vaka na ka au a vakayacora vei Eapi na tui Isireli kei ira na nona kawa. Au na vakasavasavataki Jerusalemi vakavinaka sara, me vaka na savasava ni dua na veleti sa savati, ka qusi vakamamaca, ka cuvari sobu.

Lako Yani 19:4

O ni sa raica na veika ka'u a cakava vei ira na kai Ijipita, kei na i tovo ni noqu kauti kemuni mai me vaka e dua na ikeli sa vukataki ira mai na luvena, ka'u sa kauti kemuni mai kina kivei au.

Aisea 24:12

Sa rusa tu na koro, Ka sa kabasu tu na kena veimatamata ni koro.

Aisea 6:11

Au sa qai taroga, “Kemuni na Turaga, ena vakacava soti na kena dede?” A sauma lesu ka kaya: “Me yacova ni ra sa vakacacani na veikoro lelevu Ka sa lala ni sega na kedra i vakatawa, Ka sega na tamata e loma ni veivale, Ka vakaleqai na vanua;

Jeremaia 25:11

Na vanua taucoko oqo ena rusa ka lala tu. Era na la'ki qaravi tui Papiloni na veimatanitu oqo me vitusagavulu na yabaki.

Jeremaia 34:22

Au na vakarota ka ra na lesi mai ki na koro oqo. Era na samuta ka vakadruka, ka ra na vakama. Au na cakava na veikoro e Juta me vaka na vanua lala e sega ni dua e bula kina.”

Jeremaia 4:7

Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Jeremaia 44:22

Ena siga sara ga edaidai sa rusa tu ga na nomuni vanua ka lala tu. Sa yaco me ka e veivakidacalataki ka ra vakayagataka na tamata na yacana me ka ni veivakamaduataki baleta ni sa sega ni vosota rawa o Jiova na nomuni tovo ca ka vakasisila.

Jeremaia 44:23

Sa yaco vei kemuni edaidai na veivakarusai oqo, baleta na nomuni vakacaboisoro vei ira na veikalou tani ka i valavala ca vei Jiova. O ni sega ni muria na nona i vakavuvuli, nona i vakaro, kei na nona i vunau.”

Jeremaia 7:34

Ena dravuisiga na vanua. Au na muduka na veirorogo ni marau, na dredre kei na mauwe ni kana magiti ni vakamau ena veikoro e Juta kei na veigaunisala e Jerusalemi.”

Jeremaia 8:3

Sa dodonu me ra taleitaka cake vakalevu na mate mai na bula o ira kece sara na vo-ni-bula era lewe ni vuvale ca oqo ena veivanua kece ka'u a dui biuti ira kina,” a sa kaya o Jiova ni lewevuqa.

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Lele i Jeremaia 1:1

Sa mai dabe lala toka na koro, A sinai taumada tu ena tamata. Sa vaka e dua na yada o koya, Ka rogo tu ena veimatanitu. A yaco me raluve ni veiyasana, Na koro vakaturaga sa yaco me bobula.

Lele i Jeremaia 1:16

Ia ka'u sa tagi ena vuku ni ka oqo; Sa drodro vakayauyau na wai ni mataqu; Ni sa yawa mai vei au na dauveivakacegui, O koya me vakayaloqaqataki au tale; Era sa biu wale tu ga na luvequ Ni sa gumatua vei ira na kedra meca.

Lele i Jeremaia 5:18

Ena vuku ni kena sa lala tu Na ulunivanua o Saioni, Era sa daulako voli kina na jekeli.

Taniela 9:12

O ni sa cakava na ka o ni a kaya ni o ni na kitaka vei keimami kei ira na neimami turaga. O ni sa vakanakuitataki Jerusalemi vakabibi cake mai na dua tale na koro levu e vuravura taucoko.

Vunau ni Soro 26:31

Au na vakarusa na nomuni veikoro, ka vaqeyavutaka talega na nomuni veivanua ni sokalou, ka sega ni ciqoma na nomudou vakacaboisoro.

Vunau ni Soro 26:43

Ena vakalalai na vanua mai vei ira na tamata era tiko kina, me rawa ni marautaka kina na qele na kena gauna dodonu ni vakacegu, ka dodonu me ra colata na i sau ni nodra i valavala ca ni ra sa beca na noqu lewa ka cata e lomadra na noqu i lesilesi.

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”

Vakarua 29:2

A qai kacivi ira vata mai na tamata o Mosese, ka kaya vei ira, O ni a raica e matamuni na veika kece sa cakava o Jiova vua na tui Ijipita, kei ira na nona vakailesilesi ka vakakina ki na nona matanitu taucoko.

Josua 23:3

O ni a raica na veika kece a sa vakayacora o Jiova na nomuni Kalou vei ira na veimatanitu oqo ena vukumuni. E a vala voli ena vukumuni o Jiova na nomuni Kalou.