Jeremaia 42:2 - Vakavakadewa Vou kei na iVola tale eso

² ka kaya vua, “Ni yalo vinaka mo ni vakayacora na ka keimami kerea. Mo masu mada vua na Kalou ena vuku i keimami. Ni masulaki keimami kece na vo-ni-bula sa tu oqo. Keimami a lewe levu, ia o sa rawa ni raica ni keimami sa qai vo ga oqo e lewe vica.

Ai Vola Tabu (Vakadewa Makawa Vakavoutaki 2021)

² a ra sa kaya vei Jeremaia na parofita, “Me vinaka mada na neimami vakamamasu e matamu, ia mo masulaki keimami vei Jiova na nomu Kalou—koi keimami kecega oqo sa vo tiko. Keimami sa lewe lailai ga sa vo vei ira na lewe vuqa, me vaka sa raica oqo na matamu.

AI VOLA TABU

² a ra sa kaya vei Jeremaia na parofita, Me donu mada na neimami vakamamasu e matamu, ia mo ia na veimasulaki e na vuku i keimami vei Jiova na nomu Kalou, io e na vuku i keimami kece o qo sa vo tiko; (ni keimami sa kena vo lailai ni lewe vuqa, me vaka ni sa raici keimami na matamu:)

Vakavakadewa Makawa

² a ra sa kaya vei Jeremaia na parofita, Me vinaka mada na neimami vakamamasu e matamu, ia mo masulaki keimami vei Jiova na nomu Kalou, io koi keimami kecega oqo sa vo tiko; (ni ko sa raici keimami ka lewe lailai sa vo vei ira na lewe vuqa:)

Ai Vola Tabu Ena Vakavakadewa Vou

² ka kaya vua, “Ni yalo vinaka mo ni vakayacora na ka keimami kerea. Mo masu mada vua na Kalou ena vuku i keimami. Ni masulaki keimami kece na vo-ni-bula sa tu oqo. Keimami a lewe levu, ia o sa rawa ni raica ni keimami sa qai vo ga oqo e lewe vica.

Jeremaia 42:2 Iomraidhean Croise

1 Tui 13:6

A sa kaya na tui o Jeropoama vua na tamata ni Kalou, “Mo ni yalololoma ka masulaki au mada vei Jiova na nomu Kalou me vakabula na ligaqu!” A sa masuti Jiova na tamata ni Kalou, ka ia na veivakabulai ni sa vinaka tale na ligana na tui.

NA SAME 119:170

Ni rogoca mada na noqu masu, Ka vakabulai au me vaka na nomuni vosa ni yalayala!

Lako Yani 8:28

A sa kaya na tui, “Au na laivi kemuni mo ni la'ki vakacaboisoro vei Jiova na nomuni Kalou ena vanua lala, o ya kevaka o ni na sega sara ni lako vakayawa. Drau qai masulaki au mai.”

Lako Yani 9:28

Drau masu vei Jiova! Me sa rauta na kurukuru kei na uca cevata! Au sa na laivi kemuni mo ni lako yani; mo ni sa kakua tale ni tiko eke.”

Aisea 1:15

Ni o ni laveta cake na ligamuni ena masu, Au na qai gole tani mai vei kemuni. Veitalia sara na levu ni nomuni masu Au sega ni via rogoca, Baleta ni sa duka tu na ligamuni ena i valavala ca.

Aisea 1:9

Kevaka e a sega ni vakavoca o Jiova Se vica vei keda e bau bula. Ke da a vakataki Sotoma Ka sega ni vinaka cake vei Komora.

Aisea 37:4

A sa tala mai na nona vakailesilesi liu na tui Asiria me vakarogocataka na Kalou bula. Me qai rogoca mada ga na o Jiova na nomu Kalou na veivakarogorogocataki oqo, ka totogitaki ira era sa tukuna. Ia mo masu ga vua na Kalou ena vukudra na vo-ni-bula era se bula tiko oqo.”

Aisea 42:20

I Isireli, sa levu na ka o raica, Ia na cava e sa kena i balebale oqo vei iko? Sa tu na daligamu mo rogoca kina, Ia na cava sara mada o sa rogoca dina?”

Jeremaia 15:11

Kemuni Jiova, me yaco vei au na ka kece era tukuna kevaka au a sega ni qaravi kemuni vinaka, kevaka au a sega ni vakamamasu vei kemuni ena vukudra na kequ meca ena gauna ni nodra leqa kei na rarawa.

Jeremaia 2:27

O cei e kaya ki na dua na vunikau, o iko na tamaqu, ki na dua na vatu, o iko na tinaqu? E yaco na ka oqo baleta ni o ni sa vakanadakui au ka sega ni vakanamata mai. Ia ena gauna ga ni nomuni leqa, o ni sa qai kerei au me'u vakabulai kemuni.

Jeremaia 21:2

“Mo yalo vinaka, mo vosa mada vei Jiova me baleti keda, baleta ni ra sa tuva i valu wavolita tu na koro na mataivalu nei Nepukanesa na tui Papiloni. De na rairai na vakayacora o Jiova e dua na nona cakacaka mana me baleti keda ka me vakasaurarataki Nepukanesa me vakasuka.”

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo o Jiova ena nona cudru rerevaki kei na rarawa.”

Jeremaia 37:20

Ia oqo kemuni na turaga na tui, au kerea mo ni rogoca na noqu kerekere malumalumu. Ni yalo vinaka ni kakua ni vakatalai au lesu tale ki na vale i Jonacani na vunivola, de'u na qai la'ki mate e kea.”

Jeremaia 37:3

Ia a mani talai rau o Jiukali na luve i Selemaia, kei Sefanaia na luve i Maseia na bete o Setekaia me rau lako vei Jeremaia na parofita ka kaya vua, “Ni yalo vinaka mo ni masulaki keimami vei Jiova na Kalou.”

Jeremaia 38:14

A talatala o Setekaia me kau mai vua o Jeremaia ena i katolu ni katuba ena Valenisoro. A sa kaya na tui vei Jeremaia, “Au na taroga e dua na taro vei iko, ka'u sega ni vinakata mo vunitaka e dua na ka vei au.”

Jeremaia 40:15

A qai tukuna lo o Jonani vei Kitalaia, “Laivi au me'u lako ka vakamatei Isimeli na luve i Necanaia, ka na sega ni dua e kila se o cei e labata. A cava na ka me laivi kina o koya me vakamatei iko? Na ka oqo ena vakavuna me ra veidroyaki kina na Jiu era a soqoni mai vei iko ka na vuna talega na nodra rusa na vo-ni-bula mai Juta.”

Jeremaia 42:20

ni o ni sa vakayacora e dua na cala bibi sara. O ni sa talai au vei Jiova na noda Kalou ka kaya vei au, ‘Ni masulaki keimami vei Jiova na noda Kalou! Mo tukuna vei keimami na ka kece sara e dodonu me keimami cakava, ka keimami na cakava!’

Lele i Jeremaia 1:1

Sa mai dabe lala toka na koro, A sinai taumada tu ena tamata. Sa vaka e dua na yada o koya, Ka rogo tu ena veimatanitu. A yaco me raluve ni veiyasana, Na koro vakaturaga sa yaco me bobula.

Isikeli 12:16

Ia ka'u na vakalaiva me ra dro bula eso vei ira mai na i seleiwau, mai na dausiga kei na mate dauveitauvi, ka me rawa ni ra tusanaka kina na nodra veika vakasisila kece ki na veimatanitu era dui yaco kina, ka ra na kila ni sai au o Jiova.”

Osea 8:10

Ia oqo ka'u na vakasoqoni ira vata mai ka totogitaki ira. E sega ni dede era sa na mosi vakalevu ena rarawa bibi ena gauna sa vakasosataki ira kina na tui Asiria.

Vunau ni Soro 26:22

Au na tala na manumanu kila vei kemuni, era na vakamatea na luvemuni, ka vakaleqai ira na nomuni manumanu, ka vakavuna mo ni lewe lailai ga, ena lala didi kina na nomuni gaunisala.

Emosi 7:2

Ena noqu raivotu ka'u a raica kina na nodra sa kania na vodre na veika drokadroka kecega ni vanua, ka'u sa qai kaya, “Kemuni na Turaga Jiova, ni vosoti ira na nomuni tamata! Era na qai bula rawa li vakaevei? Era sa rui lalai sara ka malumalumu!”

Maciu 24:22

Ia kevaka e qai sega ni vakalekalekataki na gauna o ya, ena sega ni bula rawa tale e dua na tamata; ia ena vukudra ga na digitaki, sa na vakalekalekataki kina na gauna oqori.

Cakacaka 8:24

Sa qai sauma o Saimoni ka kaya, “Drau masulaki au mada vua na Turaga, me kakua kina ni yacovi au e dua na ka o drau kaya tiko oqo.”

Vakarua 28:62

Dina ga ni o ni na lewe levu sara me vaka na levu ni kalokalo e lomalagi, ia ena qai bula wale ga e vica vei kemuni, baleta ni o ni sega ni talairawarawa vei Jiova na nomuni Kalou.

Vakarua 28:63

Ia me vaka ni a taleitaka o Jiova me vakatoroicaketaki kemuni kei na nona vakalewevuqataki kemuni, ena taleitaka talega me vakarusai kemuni ka vaqeyavutaki kemuni. O ni na kau tani mai na vanua o ni sa vakarau la'ki taukena.

Vakarua 4:27

Ena cakava o Jiova mo ni talabusese ki na veimatanitu, ia ena qai vo wale ga vei kemuni e lewe vica ena veivanua ka biuti kemuni kina.

Jemesa 5:16

O koya oqo mo ni qai veivakatusai kina vakai kemuni ena vuku ni nomuni i valavala ca, ka veimasulaki me rawa kina na veivakabulai. A nona masu na tamata yalododonu sa ka levu sara na kena mana.

1 Samuela 12:19

Era a kaya vei Samuela o ira kecega na tamata, “Mo masulaki keimami mada vei Jiova na nomuni Kalou, me keimami kakua ni mate; keimami sa kuria na neimami i valavala ca ena neimami kerea me dua na neimami tui.”

1 Samuela 12:23

Ia vei au, me'u kakua sara ni caka cala vei Jiova mai na noqu tarova na noqu dau masulaki kemuni. Ia, au na vakavulici kemuni ena i valavala vinaka ka dodonu.

1 Samuela 7:8

Era a kaya vei Samuela o ira na Isireli, “Me kakua ni mudu na nomu tagi vei Jiova na noda Kalou, ka me vakabulai keda o koya mai vei ira na kai Filisitia.”