Jeremaia 42:11 - Vakavakadewa Vou kei na iVola tale eso

¹¹ Ni kakua ni rerevaki koya na tui Papiloni, baleta ni'u sa tiko kei kemuni; au na vakabulai kemuni ka sereki kemuni mai na nona kaukauwa.

Ai Vola Tabu (Vakadewa Makawa Vakavoutaki 2021)

¹¹ Dou kakua ni rerevaki tui Papiloni, ko koya dou sa rerevaka tiko; dou kakua ni rerevaki koya, sa kaya ko Jiova, ni'u sa tiko vata kei kemudou me'u vakabulai kemudou, io me'u kaliraki kemudou mai na ligana.

AI VOLA TABU

¹¹ Dou kakua ni rerevaki tui Papiloni, o koya dou sa rerevaka; dou kakua ga ni rerevaki koya, sa kaya ko Jiova: niʼu sa tiko kei kemudou koi au me vakabulai kemudou, io me kaliraki kemudou mai na ligana.

Vakavakadewa Makawa

¹¹ Dou kakua ni rerevaki tui Papiloni, ko koya dou sa rerevaka tiko; dou kakua ni rerevaki koya, sa kaya ko Jiova: ni'u sa tiko vata kei kemudou me'u vakabulai kemudou, io me'u kaliraki kemudou mai na ligana.

Ai Vola Tabu Ena Vakavakadewa Vou

¹¹ Ni kakua ni rerevaki koya na tui Papiloni, baleta ni'u sa tiko kei kemuni; au na vakabulai kemuni ka sereki kemuni mai na nona kaukauwa.

Jeremaia 42:11 Iomraidhean Croise

2 Tui 25:26

Ena ka oqo era sa cavutu kina na Isireli, o ira era vutuniyau se dravudravua, kei ira na turaganivalu, ka ra sa lako ki Ijipita baleta ni ra rerevaki ira na kai Papiloni.

NA SAME 118:6

Sa tiko kei au o Jiova ka'u na sega sara ni rere; Na cava era rawa ni cakava vei au na tamata?

NA SAME 46:11

Sa tiko vata ga kei keda o Jiova ni lewevuqa Sa noda i drodro na Kalou i Jekope. Vua na i liuliu ni sere. A nodra Same na luve i Kora.

NA SAME 46:7

Sa tiko kei keda o Jiova ni lewevuqa; Sa nodra i drodro na Kalou i Jekope.

Aisea 41:10

Ni kakua ni rere — au sa tiko vata kei kemuni! Oi au na nomuni Kalou — ni kakua ni rerevaka e dua na ka! Au na vakaukauwataki kemuni ka vukei kemuni; Au na taqomaki kemuni ka vakabulai kemuni.

Aisea 43:2

Ni o ni lako ena loma ni wai, Au na tiko kei kemuni, Kei na loma ni veiuciwai Era na sega ni luvuci kemuni. Ke o ni lako ena loma ni buka O ni na sega ni kama, Ka na sega ni kati kemuni Na yameyame ni buka.

Aisea 43:5

Ni kakua ni rere ni'u sa tiko kei kemuni. Au na kauti ira mai na nomu kawa Mai na tokalau kei na ra, Ka kauti ira mai ki na nomuni vanua.

Jeremaia 1:19

Era na sega ni vakadrukai iko rawa, ni'u sa tikoga kei iko, sa kaya o Jiova. Au na vakabulai iko.”

Jeremaia 1:8

Kakua sara ni rerevaki ira, baleta ni'u na tiko kei iko me'u taqomaki iko,” a kaya o Jiova.

Jeremaia 15:20

Au na qisi iko mo vaka e dua na lalaga parasa kaukauwa vei ira na tamata oqo. Era na veivala kei iko, ia era na sega ni vakamalumalumutaki iko. Au na tiko vata kei iko me'u taqomaki iko ka maroroi iko.

Jeremaia 27:11

Ia kevaka e dua na matanitu ena vakarorogo ki na lewa ni tui Papiloni ka qaravi koya, au na laiva me na tiko ga ena nona vanua me teivaka, ka tiko ga kina,” a kaya o Jiova.

Jeremaia 27:12

A tukuna talega na ka o ya o Jeremaia vei Setekaia na tui Juta, “Soli iko mo vakarorogo vua na tui Papiloni. Mo qaravi koya kei ira na nona tamata, o na qai bula kina.

Jeremaia 27:17

Ni kakua ni vakarorogo vei ira! Ni qarava na tui Papiloni mo ni bula. A cava me rusa kina na koro oqo?

Jeremaia 41:18

me ra yawa tani mai kina vei ira na kai Papiloni. Era a rerevaki ira na kai Papiloni baleta ni a labati Ketalaia o Isimeli, ka lesia na tui Papiloni me kovana e Juta.

Tiko mai na Lekutu 14:9

Ia mo ni kakua ga ni talaidredre vei Jiova; ni kakua talega ni rerevaki ira na lewenivanua o ya; era sa keda madrai ga. Eda na kabai ira vakarawarawa. Sa tiko kei keda o Jiova, ka sa vakadrukai ira oti na veikalou eso era sa dau taqomaki ira; mo ni kakua kina ni rere.”

Maciu 10:28

Mo dou kakua talega ni rerevaki ira era rawa ni vakamatea na yago, ka ra sega ni rawata me vakamatea na yalo; dou rerevaki koya ga e rawa ni vakarusa ruarua na yalo kei na yago mai eli.

Maciu 28:20

ka vakavulici ira me ra talairawarawa ki na veika kecega ka'u sa vakarota vei kemudou. Ka mo dou nanuma ni'u sa tiko vata kei kemudou ena veigauna kece, me yacova na i vakataotioti kei vuravura.”

Cakacaka 18:10

ni'u sa tiko vata kei iko. Ena sega ni dua ena rawa ni vakamavoataki iko, ka ni ra sa lewe levu vei ira na tiko ena koro oqo era sa noqu tamata.”

Roma 8:31

Na cava tale me da qai kaya ena veika kece oqo? Kevaka sa noda i to na Kalou o cei ena qai noda meca?

Vakarua 20:4

ni sa lako vata kei kemuni o Jiova na nomuni Kalou ka na solia vei kemuni na qaqa.

2 Timoci 4:17

Ia sa tu ga e yasaqu na Turaga ka sa vakaukauwataki au, me'u vunautaka rawa kina na i tukutuku vinaka vei ira kece na kai matanitu tani me ra rogoca; ka sa sega kina ni tau vei au na i totogi mate.

Josua 1:5

I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.

Josua 1:9

Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”