Jeremaia 42:10 - Vakavakadewa Vou kei na iVola tale eso

¹⁰ Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Ai Vola Tabu (Vakadewa Makawa Vakavoutaki 2021)

¹⁰ Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake; ni'u sa veivutuni e na vuku ni ca ka'u sa cakava vei kemudou.

AI VOLA TABU

¹⁰ Kevaka dou na tiko dina ga e na vanua o qo, au na qai tarai kemudou cake, ka sega ni talaraka sobu, au na tei kemudou, ka sega ni cavuta cake: niʼu sa veivutuni e na vuku ni ca kaʼu sa cakava vei kemudou.

Vakavakadewa Makawa

¹⁰ Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake: ni'u sa veivutuni e na vuku ni ca ka'u sa cakava vei kemudou.

Ai Vola Tabu Ena Vakavakadewa Vou

¹⁰ Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Jeremaia 42:10 Iomraidhean Croise

2 Samuela 24:16

Ia ni sa dodoka na ligana na agilosi vaka ki Jerusalemi me vakarusa, a qai veivutuni o Jiova ena vuku ni nodra vakatotogitaki na tamata, a kaya vua na agilosi ka vakarusai ira tiko na tamata, “Sa rauta oqo; mo tarova na ligamu.” A tu na agilosi i Jiova ena rara ni samu sila nei Arauna na Jepusaiti.

NA SAME 102:16

Sa na tarai Saioni vou tale o Jiova, Ena vakaraitaka o koya na nona cecere.

NA SAME 106:45

A sa nanuma na Turaga na nona vosa ni yalayala ena vukudra, Ka sa dusimaka na yalololoma mai na levu ni loloma tudei.

NA SAME 37:3

Mo vakadinati Jiova ga ka cakava na ka dodonu, O na qai tawana tikoga na vanua ka taqomaki vinaka.

NA SAME 69:35

Ni na vakabulai Saioni na Kalou, Ka tara cake tale na veikoro e Juta; Era na tiko kina na nona tamata ka taukena na vanua.

Lako Yani 32:14

Ia o Jiova e sa qai veisautaka na lomana ka sega ni vakayacora vei ira na nona tamata na veika ca ka rerevaki e sa kaya oti me cakava.

Jeremaia 24:6

Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Jeremaia 26:19

Era a sega ni vakamatei Maika o tui Esekaia kei ira na nona tamata. Ia sa rerevaka na Turaga o Esekaia ka saga me vakayalovinakataki koya. A mani veisautaka na lomana o Jiova me baleta na veivakarusai sa tukuna me na vakayacora vei ira. “Ia oqo, e da sa vakarau kauta ga mai vaka i keda vei keda e dua na veivakarusai vakadomobula.”

Jeremaia 27:11

Ia kevaka e dua na matanitu ena vakarorogo ki na lewa ni tui Papiloni ka qaravi koya, au na laiva me na tiko ga ena nona vanua me teivaka, ka tiko ga kina,” a kaya o Jiova.

Jeremaia 31:28

Ia me vaka ga na noqu qarauna me'u cavuta laivi, basuka sobu, talaraka, ka yanaraka, au na qarauna talega me'u na tea, ka tarai ira cake.”

Jeremaia 33:7

Au na vakasuka tale mai na nodra tiko vinaka, kalougata, ka tiko marau na lewe i Juta kei ira na Isireli, ka'u na tarai ira cake tale me vaka e liu.

Jeremaia 43:4

A sega ni vakarorogo o Jonani se dua vei ira na turaganivalu, se dua vei ira na tamata ki na i vakaro ni Turaga me ra tiko ga ena vanua o Juta.

Isikeli 36:36

Era na qai kila na kena vo ni veimatanitu ka ra tiko vakavolivoliti kemuni, ni sai au o Jiova ka tara vou tale na veikoro ka ra a rusa tu, ka teivaka vou tale na vanua ka lala tu; oi au o Jiova, ka'u sa kaya, ka'u na cakava talega.”

Osea 11:8

“I Isireli, me'u na laivi iko rawa vakacava? Me'u na biuti iko rawa vakaevei? Ena rawa beka me'u vakarusai iko me vakataki Atima, Se kitaka vei iko na ka au a cakava vei Sepoimi? Sa sega sara ni vakatara na yaloqu me'u kitaka! Na noqu lomani iko e sa rui cecere sara.

Joeli 2:13

Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Emosi 7:3

A sa veisautaka o Jiova na lomana, ka kaya, “Na veika o sa raica ena sega ni yaco.”

Emosi 7:6

A sa veisautaka tale na lomana o Jiova, ka kaya, “Ena sega talega ni yaco na ka oqo.”

Jona 3:10

A sa raica na Kalou na ka era sa vakayacora; a sa raica ni ra sa biuta tani na nodra i valavala vakasisila. Sa qai mani veisautaka kina na lomana ka sega ni cudruvi ira me vaka sa kaya oti ni na vakayacora.

Jona 3:4

A sa tekivu o Jona me lako kosova na koro, ia ni oti e dua na siga na nona lako voli, a sa vakatekivu me vunau ka kaya, “Sa vo ga e vasagavulu na siga me vakarusai kina o Ninive!”

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Cakacaka 15:16

‘Ni sa oti o ya au na lesu mai, sa kaya na Turaga, Ka'u na vakatikora lesu tale na matanitu i Tevita. Au na tara vou na veitikina sa vakacacani Ka vakaukauwataka tale.

Vakarua 32:36

O Jiova ena vueti ira na nona tamata ni sa raica ni sa oti na nodra kaukauwa. Ena yalololoma vei ira era sa qaravi koya, ni sa raica na nodra yalomalumalumu.

Dauveilewai 2:18

Ena veigauna kecega a vakatubura kina o Jiova eso na dauveilewai me baleti ira, sa dau tiko o koya kei ira na dauveilewai, ka me sereki ira tani mai na ligadra na kedra meca ena veisiga kecega era bula kina, sa dau vakayavalati na loma ni Kalou me lomani ira ena nodra rarawa kei na nodra kudru ena veika era dau sotava.