Jeremaia 4:7 - Vakavakadewa Vou kei na iVola tale eso

⁷ Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Ai Vola Tabu (Vakadewa Makawa Vakavoutaki 2021)

⁷ Sa lako cake mai na nona i vunivuni e dua na laione, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

AI VOLA TABU

⁷ Sa lako cake mai na laioni mai na nona veikau, ia ko koya sa dauvakacacana na veimatanitu sa lako tu mai; sa lako cake mai na nona yasana me vakalalataka na nomu vanua; na nomu veikoro ena vakalalataki, me sega e tiko kina.

Vakavakadewa Makawa

⁷ Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Ai Vola Tabu Ena Vakavakadewa Vou

⁷ Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Jeremaia 4:7 Iomraidhean Croise

2 Tui 24:1

Ena gauna ni veiliutaki vakatui i Jo-akimi, a valuti Juta o Nepukanesa na tui Papiloni ka vakamalumalumutaki koya, ka yaco kina me qali vakaukauwa ki na veiliutaki i Nepukanesa o Jo-akimi me yabaki tolu; ia sa qai tavuki tale ka valuti Nepukanesa lesu ni oti o ya.

2 Tui 25:1

A sa vuki tani mai vei tui Papiloni o Setekaia ka bese ni qaravi koya, ka vakavuna oqo me la'ki valuti Jerusalemi kina na mataivalu i Nepukanesa ena i katini ni siga ni katini ni vula ena i kaciwa ni yabaki ni veiliutaki vakatui i Setekaia. Era a tara keba ena taudaku ni bai, ka tara na veivale ni valu me vakavolivolita ena sasaga ni kena tauri vakaukauwa o Jerusalemi.

Aisea 1:7

Sa lala na nomuni vanua, Ka kama yavu na nomuni veikoro. Era sa taura na nomuni vanua na kemuni meca, Ka yaco oqo ena matamuni, Ka sa lala, me vaka sa vakarusai vei ira na vulagi.

Aisea 5:9

Au sa rogoca ni sa kaya o Jiova ni lewevuqa, “Ena vuqa sara na vale ena rusa, Ka na sega ena tawana na veivale lelevu ka rairai vinaka.

Aisea 6:11

Au sa qai taroga, “Kemuni na Turaga, ena vakacava soti na kena dede?” A sauma lesu ka kaya: “Me yacova ni ra sa vakacacani na veikoro lelevu Ka sa lala ni sega na kedra i vakatawa, Ka sega na tamata e loma ni veivale, Ka vakaleqai na vanua;

Jeremaia 2:15

Era sa tagi vaka na laione ki vua; Era sa cakava na nona vanua me dravuisiga. Sa vakacacani sara vakaca nona veikoro, Ka sa lala tu.

Jeremaia 22:6

Vei au, na i tikotiko vakatui e Juta sa tautauvata kei na vanua o Kiliati kei na ulunivanua o Lepanoni ena kena rairai vinaka, ia au na vukica me dua na vanua lala sa sega ni dua e bula kina.

Jeremaia 22:7

Au sa talai ira na tamata me ra vakarusa. Era na kauta mai na nodra matau ka taya sobu na kena kau sitari digitaki ka viritaka ki na buka.

Jeremaia 25:38

Sa laivi ira na nona tamata o Jiova Me vaka na laione sa biuta na nona qara. Na vakadomobula ni valu kei na cudru i Jiova Sa vakarusa na vanua me dravuisiga.

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 26:9

A cava na ka sa kaya kina ena yaca ni Turaga ni na vakataki Sailoa na Valenisoro oqo, ka na vakarusai na koro oqo, ka na sega ni dua me na tiko kina?” Era a osodrigi na tamata era wavoliti Jeremaia ena Valenisoro.

Jeremaia 27:8

Ia kevaka e dua na vanua se matanitu ena sega ni via vakarorogo ki na nona lewa, au na totogitaka na vanua o ya ena i valu, viakana kei na mate ca me yacova ni'u sa solia vei Nepukanesa me lewa taucoko sara.” Sa i Jiova ga sa kaya oqo.

Jeremaia 33:10

A sa kaya o Jiova, “Era sa kaya na tamata ni sa vaka na vanua lala na vanua oqo; sa sega ni dua na tamata se manumanu me bula kina. Ia era sa dina na veikoro vaka-Juta kei na veisala ni koro o Jerusalemi sa lala tu ga ka sega na tamata se manumanu e bula kina.

Jeremaia 34:22

Au na vakarota ka ra na lesi mai ki na koro oqo. Era na samuta ka vakadruka, ka ra na vakama. Au na cakava na veikoro e Juta me vaka na vanua lala e sega ni dua e bula kina.”

Jeremaia 4:29

Ena domodra na mataivalu vodo ose Kei na dauvanataki dakaititi Era na dui dro yani kina na tamata yadua; Eso era na dro ki na lekutu, Ka so era na kaba Ki na tadrua ni veivatu. Na veikoro kece sara Ena biu lala tu; Ka na sega e dua Me tawani ira.

Jeremaia 44:2

Sa tukuna na turaga Qaqa na nodra Kalou na Isireli, “O ni a raica na veivakarusai au a kauta mai Jerusalemi kei na veikoro kece e Juta. Me yacova mai oqo era sa rusa tu ga ka sega ni tawani.

Jeremaia 46:18

Oi au o Jiova ni lewevuqa, Oi au na Tui. Oi au na Kalou bula. Me vaka na cecere i Tepori mai na veiulunivanua, Kei na cere i ulu i Kameli mai na wasawasa, Sa na vakakina na kaukauwa i koya sa mai valuti kemuni.

Jeremaia 49:19

Au na lako cake mai me vaka e dua na laione e lako mai na veikau-loa mai na bati ni uciwai na Joritani ki na vanua veico drokadroka, ka'u na vakavuna me ra dro vakidacala tani mai na kai Itomi mai na nodra vanua. Ena qai liutaka na matanitu na i liuliu au digitaka. O cei e rawa ni vakatautauvatataki kei au? O cei ena via bolei au? O cei na i liuliu ena rawa ni vorati au?

Jeremaia 5:6

Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 50:17

O ira na Isireli era sa vaka na sipi era sa cemuri vei ira na laione ka ra veiseyaki. E a valuti ira e liu na tui Asiria, ia e muri a qai musulaka na suidra o Nepukanesa na tui Papiloni.”

Jeremaia 50:44

Raica ena lako cake mai o Jiova me vaka e dua na laione mai na veikau-loa ena bati ni Joritani ki na vanua veico ka vakavuna me ra dro tani vakasauri na kai Papiloni mai na nodra koro. Ia sa na qai yaco me liutaka na matanitu na i liuliu au na digitaka. O cei ena rawa me vakatauvatani kei au? O cei ena via bolei au? O cei na i liuliu ena rawa me vorati au?

Jeremaia 8:16

Sa rogoci mai Tani na suru ni nodra mataivalu ose. Ena vadugu ni suru ni mataivalu ose oqo, sa uneune kina na vanua taucoko. Era sa lako mai me ra vakarusa na noda vanua kei na ka kece sa tu kina, na noda koro kei ira kece era tiko kina.

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Isikeli 12:20

Ena lala mai na veikoro sa tawa, ka rusa na vanua; ia o ni na qai kila kina ni sai au o Jiova.”

Isikeli 21:31

Ia ka'u na sovaraka vei iko na noqu cudru; ka'u na uvuca e delamu na bukawaqa ni noqu cudru; ka'u na soli iko ki na ligadra na tamata dauveivakararawataki, ka kedra dau na veivakarusai.

Isikeli 32:2

“Luve ni tamata, mo osivaka na tui Ijipita, ka kaya vua: O sa okati iko mo laione vei ira na veimatanitu, ia o sa vaka ga na korokotaile o Canini e loma ni wasawasa; o sa lako vata mai kei na nomu veiuciwai, ka vakayavalata na wai ena yavamu, ka vakavuvuya na nodra veiuciwai.

Taniela 5:19

Sa ka levu na nona kaukauwa kei na qaqa, ka ra sa rere ka sautaninini vua o ira na duikaikai kei na duivosavosa mai na veivanua kecega. Kevaka e via vakamatea o koya e dua na tamata, ena vakayacora ga; kevaka e via vakabula e dua na tamata, ena vakayacora ga. Sa vakalevulevuya se vakalolomataka e dua ga me vaka sa lomana kina.

Taniela 7:4

Na i matai ni manumanu rerevaki sa vaka na i rairai ni laione, ia sa vakatabana me vaka na taba ni ikeli. Ni'u a vakaraica tiko, e rau a qai vudolo ka cavuka tani na tabana. A votu mamaca mai matasawa na manumanu rerevaki oqo ka duri tu me vaka na tamata; a yaco me tiko vua na vakasama vakatamata.

Vunau ni Soro 26:31

Au na vakarusa na nomuni veikoro, ka vaqeyavutaka talega na nomuni veivanua ni sokalou, ka sega ni ciqoma na nomudou vakacaboisoro.

Vunau ni Soro 26:33

Au na vakavuna mo ni valuti ka vakasavi kemuni tani yani ki na kedra maliwa na veimatanitu; ia na nomuni vanua ena dravuisiga mai, ka na lala na nomuni veikoro.