Jeremaia 4:19 - Vakavakadewa Vou kei na iVola tale eso

¹⁹ “Ulei! au sega ni tukuna rawa Na rarawa ni yaloqu. Sa vavadugudugu vakaukauwa sara ga kina na utoqu! Au sa sega ni rawa ni galu; Au sa rogoca na domo ni davui Kei na cibi ni valu.

Ai Vola Tabu (Vakadewa Makawa Vakavoutaki 2021)

¹⁹ Na ketequ, na ketequ! Sa sautaribariba na vu ni lomaqu! Sa kudrukudru na yaloqu e lomaqu; au sa sega ni galu rawa; ni ko sa rogoca, na yaloqu, na rorogo ni davui, na kaila ni valu.

AI VOLA TABU

¹⁹ Na ketequ, na ketequ! sa sautaribariba na vu ni lomaqu; sa kudrukudru na yaloqu e lomaqu; au sa sega ni galu rawa, ni ko sa rogoca, yaloqu, na domo ni davui, na kaila ni valu.

Vakavakadewa Makawa

¹⁹ Na ketequ, na ketequ! sa sautaribariba na vu ni lomaqu; sa kudrukudru na yaloqu e lomaqu; au sa sega ni galu rawa, ni ko sa rogoca, na yaloqu, na rorogo ni davui, na kaila ni valu.

Ai Vola Tabu Ena Vakavakadewa Vou

¹⁹ “Ulei! au sega ni tukuna rawa Na rarawa ni yaloqu. Sa vavadugudugu vakaukauwa sara ga kina na utoqu! Au sa sega ni rawa ni galu; Au sa rogoca na domo ni davui Kei na cibi ni valu.

Jeremaia 4:19 Iomraidhean Croise

Vakatekivu 49:6

Au na sega ni curu ki na nodrau veivosaki vuni; Au na sega ni wili ena nodrau bose, Baleta ni rau vakamate tamata ena dela ni nodrau cudru, ka rau vakaleqai ira na bulumakau ena dela ni nodrau yalo ca.

2 Tui 4:19

E sega ni dede ni sa tagicaka yani vei tamana, “Oilei! Sa mosi na uluqu, sa mosi na uluqu!” A sa kaya na tamana vua e dua na nona tamata, “Mo keveti koya mada yani vei tinana.”

2 Tui 8:11

A sa qai wanonovi koya matua sara vakadede o Ilaisa me yacova ni sa madua o Eseeli. A vakasauri ni sa tagi na tamata ni Kalou.

NA SAME 103:1

Mo vakacaucautaki Jiova, na yaloqu, Io, na ka kecega ena noqu bula taucoko, Mo vakacaucautaka na yacana tabu.

NA SAME 116:7

Mo vakacegu, na yaloqu, Baleta ni sa rui vinaka vei au o Jiova.

NA SAME 119:136

Sa drodro mai na wai ni mataqu me vaka na uciwai, Baleta ni ra sa sega ni muria na tamata na nomuni lawa.

NA SAME 119:53

Au sa sinai ena cudru, Ni'u raici ira na tamata ca ni ra basuka na nomuni lawa.

NA SAME 146:1

Me vakacaucautaki o Jiova! Me vakacaucautaki Jiova, na yaloqu!

NA SAME 16:2

Au sa kaya vei Jiova, “Sa i kemuni na noqu Turaga. Na veika vinaka kece e tu vei au sa taka mai vei kemuni.”

Aisea 15:5

Sa tagi na lomaqu ena vuku i Moapi, Era sa dro na tamata ki na koro o Soa, Ka so era cabeta cake na sala ki Luici, Ka ra tagi voli ena nodra lako yani. Eso era dro ki Oroneimi, Ka qolou ena tagi ni veivakarusai.

Aisea 16:11

O koya oqo sa tagi kina na yaloqu Me vaka na api me baleti Moapi Ka luluvu na lomaqu me baleti Kiri Erese.

Aisea 21:3

Na veika au raica ka rogoca ena raivotu, Sa vakasinaiti au ena domobula kei na rere, Kei na mosi me vaka na taratara ni yalewa bukete.

Aisea 21:4

Sa cowiri na uluqu ka'u sautaninini ena rere, Au a gadreva me yaco mai na yakavi, Ia sa qai kauta talega mai vei au na rere.

Aisea 22:4

Ia au sa qai kaya: Ni laivi au mada me'u tu taudua, Ka me'u tagi vakalevu sara. Ni kakua ni via vakacegui au, Ni sa rui levu na noqu tamata era sa mate.

Jeremaia 13:17

Ia kevaka o ni na sega ni vakarorogo, Au sa na tagi vuni Baleta na nomuni qaciqacia; Au na tagi sara vakaukauwa, Ka na titiri na wai ni mataqu, Baleta ni ra sa kau tani vakabobula Na nona tamata na Turaga.”

Jeremaia 20:9

Ia ena gauna au kaya kina, “Au na guilecava na Turaga Ka sega tale ni vosa Ena vuku ni yacana.” A qai kama na nomuni vosa ena lomaqu Me vaka na buka; Sa sogolati ena suiqu. Au sa oca ena vosota tiko e lomaqu Ka'u sa sega ni rawa ni tarova.

Jeremaia 23:9

A sa kaya o Jeremaia me baleti ira na parofita, “Sa kavoro na utoqu e lomaqu, Ka sa yavavala kece na suiqu Baleta na Turaga, Ena vuku ni nona veivosa savasava, Au sa vaka e dua na tamata sa mateni, E dua na tamata sa sivia vua na waini.

Jeremaia 4:21

A cava so na kena dede Me'u raica tiko na rerevaki ni valu, Ka rogoca na domo ni davui.

Jeremaia 4:5

Uvuca na davui Ena loma ni vanua taucoko Kaila vakadomoilevu me macala! Tukuna vei ira na tamata Mai Juta kei Jerusalemi Me ra dro ki na veikoro vakabai.

Jeremaia 42:14

ka kaya, ‘Keimami sa na lako ki na vanua o Ijipita na vanua keimami na sega ni raica kina na i valu, se rogoca na domo ni davui se viakana, keimami sa na la'ki tiko e kea.’

Jeremaia 49:2

Sa vinaka, ena yaco mai na gauna au na cakava kina me ra rogoca na tamata mai na koro o Rapa na domo ni valu. Ena biu me rusa tu na koro levu kei Amoni ka ra kama yavu ki na qele na kena veikoro lalai. Ia sa na qai taura lesu tale o Isireli na nona vanua.

Jeremaia 50:22

Sa rogo na domo ni valu ena loma ni vanua kei na veivakarusai levu.”

Jeremaia 6:24

Keimami sa rogoca na kena i tukutuku, ka sa malai na liga i keimami; sa luvuci keimami na rarawa ka mosi me vaka e dua na yalewa sa taratara.

Jeremaia 8:18

Sa sega ni vakacegui rawa Na noqu rarawa; Sa tauvi mate na yaloqu.

Jeremaia 8:21

Sa mavoa na yaloqu Ena vuku ni mavoa ni yalodra Na noqu tamata; Au tagi, Ka sa vesuki au na rere, A cava sa sega kina ni ia. Na veivakabulai o Jiova? A cava na vuna E sega ni vakayacora kina E dua na ka?

Jeremaia 9:1

Au diva mada ga Me a dua na i keliwai Na uluqu Ka i vurevure ni wai ni mata Na mataqu, Ka me'u tagi kina ena bogi kei na siga; Me baleti ira na kai noqu era sa vakamatei.

Jeremaia 9:10

A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Lele i Jeremaia 1:16

Ia ka'u sa tagi ena vuku ni ka oqo; Sa drodro vakayauyau na wai ni mataqu; Ni sa yawa mai vei au na dauveivakacegui, O koya me vakayaloqaqataki au tale; Era sa biu wale tu ga na luvequ Ni sa gumatua vei ira na kedra meca.

Lele i Jeremaia 1:20

Ni rai mai, Jiova, ni'u sa rarawa bibi Ka sa mosi vakalevu sara na yaloqu! Sa vorovorolaki na utoqu mai loma Ena vuku ni noqu i valavala ca. Sa yaco na veivakamatei ena salatu; Sa yaco vakakina ena loma ni tikotiko.

Lele i Jeremaia 2:11

Sa malumu sobu na mataqu ena levu ni tagi; Io sa rarawa vakalevu sara na yaloqu. Sa vakaocai au ga na noqu lomabibi Ena vuku ni noda vakarusai na noqu tamata. O ira na gone kei na gone dramidrami Era sa matabuto ena veisalatu ni koro.

Taniela 4:19

A sa lomaleqa o Taniela, ka yacana talega o Pelitisasari, ka sa sega ni tukuna rawa e dua na ka. A qai kaya vua na tui, “I Pelitisasari, mo kakua ni lomaleqataka na tadra kei na i kena i balebale.” A qai sauma na vosa ni tui o Pelitisasari, ka kaya, “Kemuni na tui, au diva ga me kakua ni baleti kemuni na nomuni tadra kei na kena i balebale, ka me baleti ira ga na kemuni meca.

Taniela 7:15

A vakidroataki au sara ga na raivotu au a raica, ka sa taqaya vakalevu kina na lomaqu.

Taniela 7:28

Sa oti eke na i tukutuku oqo. Oi au o Taniela, au a rere vakalevu ka vulaci na yagoqu, ia, au a katona me noqu duadua ga na veika kecega oqo.”

Taniela 8:27

Oi au, o Taniela, a yaco vei au e dua na malumalumu levu, ka'u mani tauvimate sara ka siga vica. Au a qai duri ka lesu tale ki na cakacaka sa lesia vei au na tui. Sa vakalomaleqataka na noqu vakasama na raivotu o ya ka'u sega kina ni kila rawa na kena i balebale dina.

Emosi 3:6

E dau uvuci li na davui ni valu ena dua na koro ka ra sega ni taqaya na lewena? E dau yaco li mai na leqa ki na dua na koro kevaka e sega mada ni tala mai o Jiova?

Apakuki 3:16

Au a rogoca, ka'u sa na taqaya; Sa yavavala na tebenigusuqu ena rere. Sa damele na yagoqu, Ka mani tarabe na yavaqu. Au na waraka galugalu ga na kena gauna Me na cudruvi ira kina sa totogitaki au o Jiova.

Tiko mai na Lekutu 10:9

Kevaka sa ia na veivaluvaluti ena nomuni vanua kei ira na meca era sa vakasaurarataki kemuni, me qai uvuci ena davui na i vakaro ni vakacibi i valu. Au na vukei kemuni, oi au o Jiova, ka'u na vakabulai kemuni mai vei ira na nomuni meca.

Roma 10:1

Kemuni na veiwekani, au sa gadreva mai na vu ni yaloqu taucoko ka masulaka vua na Kalou me ra vakabulai kece na kai noqu.

1 Korinica 14:8

Kevaka sa solia na davui e dua tani tale na rorogo, ia o cei ena qai vakarautaki koya ki na i valu?

Kalatia 4:19

Kemuni na luvequ, au sa vaka e dua na tina e vakasucu. E yacovi au na mataqali vutu vaka o ya ena vukumuni me yacova ni sa buli oti na i tovo i Karisito ena nomuni bula.

Dauveilewai 5:21

A waluvu mai Kisoni sa kuitaki ira yani — na coka ni dobui ni Uciwai na Kisoni. Au na tayabe, ka tayabe yani ena kaukauwa!