Jeremaia 4:18 - Vakavakadewa Vou kei na iVola tale eso

¹⁸ Juta, na nomu i tovo ga kei na veika o a cakava, sa kauta mai vei iko na veika oqo; Na nomu ca ga sa vuna na ka rarawa oqo; ka sa tara sara na yalomu.

Ai Vola Tabu (Vakadewa Makawa Vakavoutaki 2021)

¹⁸ A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.”

AI VOLA TABU

¹⁸ A nomui valavala kei na nomu cakacaka sa vakayacora na ka o qo vei iko; na ka o qo na nomu caka ca ga, ni sa gaga, ni sa lau sara ki na vu ni yalomu.

Vakavakadewa Makawa

¹⁸ A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.

Ai Vola Tabu Ena Vakavakadewa Vou

¹⁸ Juta, na nomu i tovo ga kei na veika o a cakava, sa kauta mai vei iko na veika oqo; Na nomu ca ga sa vuna na ka rarawa oqo; ka sa tara sara na yalomu.

Jeremaia 4:18 Iomraidhean Croise

NA SAME 107:17

Eso era tauvi mate ena vuku ni nodra i valavala ca Era sa vakararawataki baleta na nodra ca.

Vosavakaibalebale 1:31

Sa i koya oqo o ni sa sota kaya kina na ka e dodonu me yacovi kemuni ka na vakatauvimatetaki kemuni na nomuni i vakarau.

Vosavakaibalebale 5:22

Na nodra i valavala ca na tamata ca sa vaka e dua na dai. Era sa coko ga ena nodra dui i valavala ca.

Aisea 50:1

A sa kaya o Jiova, “O ni sa nanuma beka au sa vakatalai ira tani na noqu tamata Me vaka e dua na tamata sa sereka na watina? E vei ga na i vola vakadinadina ni veisere? O ni nanuma beka au sa volitaki kemuni Vua e dua sa tu vua na noqu dina? Raica o ni a kau yani vakabobula ena vuku Ni nomuni i valavala ca. O ni a kau tani ena vuku ni nomuni talaidredre.

Jeremaia 14:16

Era na mate talega na tamata e tukuni vei ira na veika oqo ena i valu kei na dausiga. Na yagodra ena viritaka ena veigaunisala mai Jerusalemi, ka na sega e dua me na buluti ira. Na ka oqo ena yacovi ira kece, ena yacovi ira na watidra, na luvedra tagane kei na luvedra yalewa. Au na sauma vei ira na nodra i valavala ca.”

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 26:19

Era a sega ni vakamatei Maika o tui Esekaia kei ira na nona tamata. Ia sa rerevaka na Turaga o Esekaia ka saga me vakayalovinakataki koya. A mani veisautaka na lomana o Jiova me baleta na veivakarusai sa tukuna me na vakayacora vei ira. “Ia oqo, e da sa vakarau kauta ga mai vaka i keda vei keda e dua na veivakarusai vakadomobula.”

Jeremaia 5:19

Ni ra taroga se cava sara mada au vakayacora kina na veika oqo, “Mo kaya vei ira Jeremaia, me vaka ni ra sa vakanadakui au ka qaravi ira na veikalou tani ena nodra vanua dina, era na qai la'ki qaravi ira na vulagi vakakina ena vanua sa sega ni nodra.”

Jeremaia 5:25

Na nomuni caka cala sa kauta tani na veika oqo kei na nomudou i valavala ca sa kauta tani vei kemudou na veika vinaka.

Jeremaia 6:19

Rogoca mada o iko na vuravura! Au sa kauta mai na rusa vei ira na tamata oqo, na i sau ni nodra i valavala; baleta ni ra sega ni muria na noqu vosa, ka vakanadakuya na noqu i vakaro.

Lele i Jeremaia 3:15

A sa solia ga vei au na rarawa mosimosi, Me kequ kakana kei na mequ wai ni gunu.

Isikeli 39:24

Au a cakacaka vakakina vei ira me vaka na nodra sega ni yalo savasava, kei na nodra talaidredre, ka tabonaka kina vei ira na mataqu.”

Osea 7:2

Era sa sega ni bau vakasamataka ni'u na dau nanuma tikoga na nodra caka cala kece sara; ia na nodra i valavala ca sa wavoliti ira, ka sa tu ga e mataqu.”