Jeremaia 4:13 - Vakavakadewa Vou kei na iVola tale eso

¹³ Raica, era sa lako mai na meca me vaka na veio; ka sa vaka na covulaca na nona qiqinivalu; na nona ose era totolo cake mai na ikeli. Eda sa rusa! Eda sa leqa!

Ai Vola Tabu (Vakadewa Makawa Vakavoutaki 2021)

¹³ Raica! Sa lako mai ko koya me vaka na o, ka vaka na covulaca na nona qiqi-ni-valu; sa totolo na nona ose ka bera na ikeli— ulei koi keda, ni da sa vakarusai!

AI VOLA TABU

¹³ Raica, ena lako mai ko koya me vaka na o, ka vaka na covulaca na nona vale-vodoki: sa totolo na nona ose ka bera na ikeli. Ule koi keda! ni da sa vakarusai.

Vakavakadewa Makawa

¹³ Raica, ena lako mai ko koya me vaka na o, ka vaka na covulaca na nona qiqi-ni-valu: sa totolo na nona ose ka bera na ikeli. Ulei koi keda! ni da sa vakarusai.

Ai Vola Tabu Ena Vakavakadewa Vou

¹³ Raica, era sa lako mai na meca me vaka na veio; ka sa vaka na covulaca na nona qiqinivalu; na nona ose era totolo cake mai na ikeli. Eda sa rusa! Eda sa leqa!

Jeremaia 4:13 Iomraidhean Croise

2 Samuela 1:23

“E rau a dau veirogoci ni rau a bula o Saula kei Jonacani, erau sa sega ni tawase ena bula, ka vakakina ena mate; sa totolo cake mai na ikeli, ka kaukauwa cake mai na laione.

Aisea 13:5

Era sa lako mai na dua na vanua yawa sara, Mai na i yalayala kei vuravura. Sa lako mai ena nona cudru o Jiova Me vakarusa na nona vanua taucoko.

Aisea 19:1

Oqo e dua na i tukutuku me baleti Ijipita. Sa lako mai o Jiova ki Ijipita, Ka sa vodo mai ena dua na o totolo sara. Era sa sautaninini na matakau ni Ijipita e matana, Ka ra sa rere sara na kena tamata.

Aisea 3:8

Sa bale o Jerusalemi, ka rusa o Juta, Na veika kece era kaya ka cakava, Sa veisaqasaqa kei Jiova.

Aisea 5:28

Sa gagata na gasau ni nodra dakaititi, Ka sa vakarau vana sara ga na nodra dakaititi. Na bukubuku ni nodra ose sa vaka na vatu gagata, Ka sa vaka na covulaca na nodra qiqinivalu.

Aisea 66:15

Ena lako mai o Jiova ena buka. Ena vodo mai ena bati ni cagi kaukauwa Me mai totogitaki ira sa cudruvi ira o koya.

Jeremaia 10:19

Era sa tabalaka na tagi Na lewe i Jerusalemi. Oilei, keimami sa mavoa vakaca sara! Ena sega ni mavo rawa na neimami mavoa. Ka keimami sa nanuma ga Ni sa rawa me vosoti na ka oqo!

Jeremaia 4:12

Na cagi ena liwa mai ena lewa ni Turaga ena rui kaukauwa sara ena vuku ni ka o ya. Ia oqo na Turaga ga vaka i koya sa cavuta na i totogi oqo baleti ira na nona tamata.”

Jeremaia 4:31

Au rogoca e dua na tagi, E vaka e dua na yalewa sa taratara, E dua na vutugu E vaka e dua na yalewa E vakasucuma na nona ulumatua. A domo ni tagi i Jerusalemi Ena nona cegu oca, Ka dodoka yani na ligana Ka kaya, “Au sa vakarusai! Era sa lako mai Me ra vakamatei au!”

Jeremaia 46:18

Oi au o Jiova ni lewevuqa, Oi au na Tui. Oi au na Kalou bula. Me vaka na cecere i Tepori mai na veiulunivanua, Kei na cere i ulu i Kameli mai na wasawasa, Sa na vakakina na kaukauwa i koya sa mai valuti kemuni.

Jeremaia 48:40

A sa kaya o Jiova, “Ena covi Moapi sobu mai e dua na matanitu me vaka e dua na Ikeli sa tevuka na tabana.

Jeremaia 49:22

Era na valuti Posira na meca me vaka e dua na ikeli sa co sobu mai lagi ka tevuka tu mai na tabana. Ena siga o ya era na domobula na sotia ni Itomi me vaka e dua na yalewa sa taratara.”

Jeremaia 6:23

Era sa kauta na nodra dakaititi kei na i seleiwau; era i tovo kaukauwa ka tawa loloma. Na domodra sa vadugu me vaka na wasawasa, ni ra sa vodoka na nodra ose. Era sa vakarau tu me vala kei Saioni.”

Jeremaia 9:19

Ni rogoca Na domo ni tagi mai Saioni, “Eda sa rusa! Eda sa vakamaduataki sara ga! Sa dodonu me da biuta na noda vanua; Sa talaraki sobu na noda veivale.”

Lele i Jeremaia 4:19

O ira na vakacemuri keda tiko sa totolo sara Ka berabera na ikeli ni lomalagi; Era cici muri keda ena veiulunivanua Era sa waraki keda toka mai ena vanua lala.

Isikeli 26:10

Me vaka ni sa lewe vuqa sara na nona ose, ena kuvuraka vei iko na kedra kuvu ni qele; ena yavavala na nomu bai kei na lalaga ena vuku ni domo ni mataivalu ose, ni sa curu o koya ki na nomu matamata ni koro ka sa kabasu na kena lalaga.

Isikeli 38:9

O na cavu yava ki liu, me vaka ni liwa mai e dua na cava, o na lako mai me vaka na o ka ubia na vanua, o iko kei ira na nomu tamata e lewe vuqa, io oi kemuni kei ira na veimataqali tamata e vuqa.’ ”

Taniela 11:40

Ia ena kena i otioti ni gauna sa na qai valuti tui Siria o tui Ijipita; ia ena vala lesu o koya ena nona kaukauwa taucoko, ka vakayagataka na qiqinivalu, na i valu ose kei na vuqa na waqa ni vala. Era gumatua vua, me vaka na coka ni dobui.

Taniela 7:4

Na i matai ni manumanu rerevaki sa vaka na i rairai ni laione, ia sa vakatabana me vaka na taba ni ikeli. Ni'u a vakaraica tiko, e rau a qai vudolo ka cavuka tani na tabana. A votu mamaca mai matasawa na manumanu rerevaki oqo ka duri tu me vaka na tamata; a yaco me tiko vua na vakasama vakatamata.

Osea 8:1

A sa kaya o Jiova, “Ni uvuca na davui! Era sa vuka sobu mai oqo na meca ki na noqu vanua me vaka na ikeli! O ira na noqu tamata era sa voroka na noqu veiyalayalati kei ira ka talaidredre ki na noqu vunau.

Maika 2:4

Ni sa yaco mai na gauna o ya, era na qai dautukuna na tamata na kemudou i talanoa me i vakaraitaki ni dua na veivakarusai ka yaco, era na lagata na sere ni rarawa kei na yaluma o ni sa curuma, me vakaoqo: Eda sa vakarusai vakadua! Sa kauta tani o Jiova na noda vanua, Ka sa solia vei ira sa tauri keda vakavesu.”

Neumi 1:3

Sa dau berabera ni cudru o Jiova, Ia sa ka levu sara na nona kaukauwa Ka sa sega ni vakalaiva na tamata ca me galala mai na nona cudru. Na sala i Jiova sa tiko ena covulaca kei na cava, Na veio sai koya na kuvu ni soso ni yavana!

Apakuki 1:8

“Sa totolo cake na nodra ose mai na cici ni leopate, era sa tamata rerevaki cake mai na olifa sa viakana voli. Na nodra mataivalu vodo ose era lako mai na veivanua yawa, ka ra kelikeliraka na qele na nodra ose. Era dui sorova mai me vaka ni ra sa vakaroro sobu vakatotolo na ikeli me ra tobo kedra.

Sakaraia 6:1

Au a raica tale e dua na raivotu. Au raica kina e va na qiqinivalu ni ratou basika mai na tadrua ni rua na ulunivanua parasa.

Maciu 24:30

Sa na qai rairai mai na i vakatakilakila ni Luve ni Tamata mai lomalagi, ka ra na tagi na tamata kecega e vuravura ni ra raica na Luve ni Tamata ni sa lako mai ena veio ni lomalagi vata kei na kaukauwa kei na i serau levu.

Vakarua 28:49

Ena kauta mai o Jiova e dua na matanitu o ni sega ni bau kila na nodra vosa, me valuti kemuni. Era na lako sobu mai vei kemuni me vaka e dua na ikeli.

Vakatakila 1:7

Raica, sa lako mai o koya ena dela ni veio! Era na raici koya na mata kecega, o ira talega era a suaki koya. Era na tagicaki koya na veimatatamata kece sara e vuravura. Sa na yaco ga me vakaoqo! Emeni!