Jeremaia 4:10 - Vakavakadewa Vou kei na iVola tale eso

¹⁰ Ia au a qai kaya, “Kemuni na Turaga na Kalou! O ni sa vakacalai ira vakalevu na lewe i Jerusalemi. O ni a kaya ni na yaco na sautu, ia oqo sa tu e dua na i seleiwau e domodra.

Ai Vola Tabu (Vakadewa Makawa Vakavoutaki 2021)

¹⁰ Au a qai kaya, “Ulei, na Turaga ko Jiova! E dina sara ni ko ni sa vakacalai ira vakalevu na tamata oqo kei Jerusalemi, ni ko ni a kaya, ‘Dou na tiko vakacegu’, ia ka sa lau tu ki na vu ni domodra nai seleiwau!”

AI VOLA TABU

¹⁰ Au a qai kaya, Ule, Turaga Jiova! e dina ko sa vakacalai ira vakalevu na tamata o qo, kei Jerusalemi, ni ko a kaya, Dou na tiko vakacegu; ia ka sa lau ki na vu ni yalo nai seleiwau.

Vakavakadewa Makawa

¹⁰ Au a qai kaya, Ulei, na Turaga ko Jiova! e dina ko ni sa vakacalai ira vakalevu na tamata oqo, kei Jerusalemi, ni ko a kaya, Dou na tiko vakacegu; ia ka sa lau ki na vu ni yalodra nai seleiwau.

Ai Vola Tabu Ena Vakavakadewa Vou

¹⁰ Ia au a qai kaya, “Kemuni na Turaga na Kalou! O ni sa vakacalai ira vakalevu na lewe i Jerusalemi. O ni a kaya ni na yaco na sautu, ia oqo sa tu e dua na i seleiwau e domodra.

Jeremaia 4:10 Iomraidhean Croise

Lako Yani 5:22

A sa vuki tale vei Jiova o Mosese ka kaya, “Kemuni na Turaga, a cava o ni sa vakasosataki ira kina vakaoqo na nomuni tamata? A cava o ni a vakatalai au mai kina kike?

Lako Yani 9:14

Ia oqo au na tala kece yani na noqu mate rerevaki vei iko, kei ira na nomu vakailesilesi kei na nomu tamata, mo ni kila kina ni sa sega tale ni dua keirau tautauvata ena vuravura oqo.

Aisea 30:10

Era sa dau kaya vei ira na parofita, “Ni kakua ni raica e dua na raivotu; Ni kakua ni tukuna vei keimami na ka dodonu, Ia ni tukuna ga vei keimami na veika keimami vinakata. Ni laiva vei keimami na veika e veivakacalai.

Aisea 37:35

Au na viribaita ka taqomaka na koro oqo ena vuku ni noqu dokai kei na vuku talega ni noqu vosa ni yalayala vei Tevita na noqu i talatala.’ ”

Aisea 63:17

Na cava o ni sa laivi keimami kina Me keimami yalo kaukauwa ka vakanadakui kemuni? Ni lesu mai ena vukudra na nomuni tamata dauveiqaravi O ira na nomuni tamata digitaki.

Jeremaia 1:6

Au a qai kaya, “Isa Jiova na noqu Turaga, au sa sega ni gusu matata, ka ni'u sa rui gone.”

Jeremaia 23:17

Era tukuna tikoga vei ira na tamata era sega ni via rogoca na noqu vosa, ni na vinaka na veika kece ena yacovi ira, ka ra tukuna vei ira kece era dui muria ga na loma kaukauwa ni na sega na ka ca ena yacovi ira.

Jeremaia 32:17

Kemuni na Turaga na Kalou, sai kemuni o ni a bulia na vuravura kei na lomalagi ena nomuni kaukauwa levu kei na nomuni qaqa; ka a sega ni dua na ka e dredre vei kemuni.

Jeremaia 4:18

Juta, na nomu i tovo ga kei na veika o a cakava, sa kauta mai vei iko na veika oqo; Na nomu ca ga sa vuna na ka rarawa oqo; ka sa tara sara na yalomu.

Jeremaia 5:12

Era sa cakitaka na Kalou na nona tamata. Era kaya, “Ena sega ni cakava e dua na ka. Eda na sega ni sotava e dua na gauna dredre; e da na sega ni sotava na i valu se na dausiga.”

Jeremaia 6:14

Era sa okata na mavoa ni lomadra na noqu tamata me sega ni dua na ka, era kaya, ‘Sa vinaka tu na ka kece,’ ni sega ni dina.

Jeremaia 8:11

Era sa sega ni kauwaitaka na mavoa ni lomadra na noqu tamata, era kaya, ‘Sa yaco na vakacegu, sa yaco na vakacegu,’ ia e sega ga ni kune na vakacegu.

Lele i Jeremaia 2:21

O ira na gone kei na qase era sa davo Ena buturara ni veisalatu; O ira na noqu goneyalewa kei na cauravou Era sa bale mate ena i seleiwau. Ena siga ni nomuni cudru o ni vakamatei ira kina, Era sa suwaki ka sa sega na yalololoma.

Isikeli 11:13

Ena gauna ka'u a parofisai tiko kina, a qai cibati koya vakasauri o Pelataia na luve i Penaia. Au a qai bale vakatoboicu, ka tagi vakadomoilevu, ka kaya, “Isa, Jiova na noqu Kalou! O ni na vakamatei ira kece li na vo-ni-bula i Isireli?”

Roma 1:24

Sa i koya o ya na vuna sa laivi ira kina na tamata na Kalou me ra vakayacora na veika dukadukali e gadreva na lomadra, ka cakava vakataki ira na veika e veivakamaduataki.

Roma 1:26

Ena vuku ni nodra sa vakayacora na veitovo vakaoqo, sa laivi ira kina na Kalou me ra vakayacora na veigagadre ca e veivakamaduataki. O ira sara mada ga na yalewa era sa vakayagataka vakatani na tikidra vakayalewa.

Roma 1:28

Ia ni ra sa bese ni kila na tamata na veivakavuvuli dina e baleta na Kalou, sa mani laivi ira kina na Kalou me ra kitaka na veika ca vakasisila kecega era rawa ni vakasamataka.