Jeremaia 39:8 - Vakavakadewa Vou kei na iVola tale eso

⁸ Era a qai vakama na kai Papiloni na valenitui, na nodra veivale na tamata ka ra basuraka sobu na bai ni koro kei Jerusalemi.

Ai Vola Tabu (Vakadewa Makawa Vakavoutaki 2021)

⁸ Ia ko ira na kai Kalitia era sa vakama e na bukawaqa na vale-ni-tui, kei na nodra vale na tamata, ka ra sa basuka sobu na bai kei Jerusalemi.

AI VOLA TABU

⁸ Ia na vale ni tui, kei na nodra vale na tamata, era sa vakama ko ira na kai Kalitea e na buka, kei na bai ni Jerusalemi era sa basuka sobu.

Vakavakadewa Makawa

⁸ Ia ko ira na kai Kalitia era sa vakama e na bukawaqa na vale ni tui, kei na nodra vale na tamata, ka ra sa basuka sobu na bai kei Jerusalemi.

Ai Vola Tabu Ena Vakavakadewa Vou

⁸ Era a qai vakama na kai Papiloni na valenitui, na nodra veivale na tamata ka ra basuraka sobu na bai ni koro kei Jerusalemi.

Jeremaia 39:8 Iomraidhean Croise

2 Tui 25:8

Ena i kavitu ni siga ni kalima ni vula ena i katinikaciwa ni yabaki vakatui i Nepukanesa na tui Papiloni, sa lako yani ki Jerusalemi o Nipusaretani na daunivakasala i Nepukanesa ka turaganivalu talega ni nona mataivalu.

2 Veigauna 36:19

Era sa vakama na Valenisoro, ka talaraka sobu na bai kei Jerusalemi, ka vakama na kena veivale vakaturaga kece, ka vakacacana na kena veiyaya vinaka taucoko.

Niemaia 1:3

E ratou a kaya vei au ni o ira kece sara sa vagalalataki ka tiko tale mai na noda vanua era sa sotava tiko e dua na gauna dredre ni ra sa raici sobu mai vei ira na kai tani era sa tiko veivolekati. Eratou kaya talega vei au ni se kabasu tu ga na bai kei Jerusalemi ka se bera ni vakavinakataki tale na veimatamata ni koro mai na kena a vakarusai taumada.

NA SAME 79:7

Era sa vakamatei ira na nomuni tamata Ka vakarusa na neimami vanua.

Aisea 5:9

Au sa rogoca ni sa kaya o Jiova ni lewevuqa, “Ena vuqa sara na vale ena rusa, Ka na sega ena tawana na veivale lelevu ka rairai vinaka.

Jeremaia 17:27

Ia kevaka o ni sega ni talairawarawa vei au, mo ni maroroya na Siga ni Vakacecegu, ka sega ni colata e dua na ka ena veimatamata kei Jerusalemi ena siga o ya; au na vakama na veimatamata ni koro kei Jerusalemi. Ena kama na veitikotiko vakaturaga mai Jerusalemi ka na sega ni dua me na bokoca rawa.”

Jeremaia 21:10

Au sa nakita e lomaqu me'u kakua tale ni vakabula na koro oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Jeremaia 32:29

O ira na kai Papiloni era samuta tiko oqo na koro era na lako mai ka vakama ena buka. Era na vakama yavu vata kei na veivale era sa vakacudrui au kina na tamata ena nodra vakama na ka boi vinaka vei Peali ena delavuvu ni nodra vale na i soro liviraki vei ira na veikalou tani.

Jeremaia 34:2

A sa kaya o Jiova na nodra Kalou na Isireli vei Jeremaia me lako ka tukuna vei Setekaia na tui Juta. “Raica au na solia na koro vua na tui Papiloni ka na vakama ena bukawaqa.

Jeremaia 34:22

Au na vakarota ka ra na lesi mai ki na koro oqo. Era na samuta ka vakadruka, ka ra na vakama. Au na cakava na veikoro e Juta me vaka na vanua lala e sega ni dua e bula kina.”

Jeremaia 37:10

Kevaka sara mada ga o ni vakadruka na mataivalu kece ni Papiloni e samuti kemuni ka ra qai vo ga e vica na tamata era a davo vuetaki kece tu ena nodra valelaca, e ratou na tucake tale na tamata oqori ka vakama na koro oqo.”

Jeremaia 38:18

Ia kevaka o ni na sega ni soro, sa na soli na koro oqo ki na ligadra na kai Papiloni, ka ra na vakama; ia o ni na sega ni dro bula rawa mai vei ira.”

Jeremaia 5:10

Au na vakaroti ira Me ra musulaka sobu na nodra vaini, Ia me ra kakua ni vakarusai ira vakadua. Au na tukuna me ra musuka laivi na veitabana, Baleta ni ra sa sega ni noqu.

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Lele i Jeremaia 1:10

Era sa dodoka yani na ligadra o ira na meca Ka tara na veika vinaka sa tu vei au, Era sa raici ira na veimatanitu Ni ra sa kaba mai na nona tikina tabu. Sa raici ira o koya ni ra sa curuma na Valenisoro, Ena tikina vakatabui vei ira na kai matanitu tani.

Lele i Jeremaia 2:2

Sa veivakarusai o Jiova ka tabu loloma Ki na i tikotiko kecega i Jekope; Ena dela ni nona cudru sa vorolaka kina Na bainivalu ni vanua eso e Juta. A sa biuta sobu ki na qele ena rogo ca Na matanitu kei ira na kena i liuliu.

Lele i Jeremaia 2:7

Sa besetaka o Jiova na nona i cabocabonisoro, Ka sa lako tani mai na nona Valenisoro tabu; A sa solia ki na ligadra na meca Na lalaga ni nodra veivale vakatui. Era sa kaila ga ena qaqa Ena tikina keimami a dau sokalou kina ena reki.

Isikeli 16:41

Era na vakama na nomu veivale, ka vakataulewa vei iko e matadra era lewe vuqa na yalewa; ia ka'u na muduka sara na nomu dautagane, ia o na sega tale ni soli lavo ena dua na gauna mai muri.

Isikeli 23:47

Era na vakaviriki rau ena vatu na lewe vuqa, ka vakamatei rau ena nodra i seleiwau; era na vakamatei ira talega na luvedrau tagane kei na luvedrau yalewa, ka vakama na nodrau veivale.

Isikeli 33:21

Ia ena i kalima ni siga ni katini ni vula ni katini karua ni yabaki ni neimami tiko vakabobula, a qai lako mai vei au e dua na tamata a dro mai Jerusalemi, ka kaya, “Sa vakadrukai na koro.”

Emosi 2:5

O koya oqo ka'u na tala kina na bukawaqa vei ira na Juta, me vakama na veitikotiko ni valu kaukauwa kei Jerusalemi.”

Maika 3:12

O koya oqo, ena vukumuni, ena siviyarataki kina o Saioni me vaka e dua na i teitei, o Jerusalemi ena yaco me dua ga na i rusarusa ni koro, ka na dua na veikau loa na delana sa toka kina na Valenisoro.