Jeremaia 39:6 - Vakavakadewa Vou kei na iVola tale eso

⁶ A vakamatei iratou na luve i Setekaia na tui Papiloni ni rai tu o koya. A vakamatei ira kece talega na turaga e Juta.

Ai Vola Tabu (Vakadewa Makawa Vakavoutaki 2021)

⁶ Ia ko tui Papiloni sa qai vakamatei iratou na luve i Setekaia e matana mai Ripila; ko ira kece talega na turaga ni Juta sa vakamatea ko tui Papiloni.

AI VOLA TABU

⁶ Ia ko tui Papiloni sa qai vakamatei iratou na luve i Sitikiya mai Ripila e na matana: o ira kece talega na turaga ni Juta sa vakamatea ko tui Papiloni.

Vakavakadewa Makawa

⁶ Ia ko tui Papiloni sa qai vakamatei iratou na luve i Setekaia e matana mai Ripila: ko ira kece talega na turaga ni Juta sa vakamatea ko tui Papiloni.

Ai Vola Tabu Ena Vakavakadewa Vou

⁶ A vakamatei iratou na luve i Setekaia na tui Papiloni ni rai tu o koya. A vakamatei ira kece talega na turaga e Juta.

Jeremaia 39:6 Iomraidhean Croise

Vakatekivu 21:16

ka la'ki dabe tiko ena dua na vanua ka rauta ni 100 na mita na kena yawa. Sa qai kaya ki lomana, “Sa sega ni rawa vei au me'u raica na mate i luvequ.” Ia ni sa dabe toka, a sa qai vakatekivu me tagi cake mai o koya.

Vakatekivu 44:34

Ena rawa vakacava me'u lesu tale vei tamaqu kevaka sa yali na cauravou oqo? Sa dredre sara vei au me'u raica na veika ca ena yacovi tamaqu.”

2 Tui 22:20

kei na totogi me na tau vei Jerusalemi ena sega ni yacovi iko me yacova na nomu mate. Au na laivi iko mo mate ena vakacegu.” E ratou a qai la'ki tukutuku lesu tale ki vua na tui.

2 Tui 25:7

Ni rai tu ga o Esekaia, era a qai vakamatei iratou na luvena tagane; ka ra leuta tani na yaloka ni matana ruarua; era qai vesuki koya ena sinucodo parasa ka kauti koya ki Papiloni.

2 Veigauna 34:28

kei na cudru au sa via vakatauca oqo vei Jerusalemi ena sega mada ni yaco me yacova na nomu mate. O na kune vakacegu ena nomu mate. Eratou a qai kauta lesu na i tukutuku oqo vei Josaia na tui.

Esiteri 8:6

A dredre dina vei au me'u na rai tiko ka ra vakamatei na noqu kawa tamata kei iratou na noqu vuvale.”

Aisea 13:16

Era na tavulaki na luvedra ki na qele, Me ra dasila e matadra, Ena butakoci na veika e tu ena nodra vale Ka ra na qai vesuki vakaukauwa na watidra.”

Aisea 34:12

Ena sega tale na tui me na lewa na matanitu o ya, Ka ra na yali yani o ira na kena veituraga.

Jeremaia 20:4

A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 21:7

A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Jeremaia 34:3

O na sega ni dro tani rawa mai vua. O na vesu ka soli ki na ligana. O na raica sara na matana o na veivosaki kaya; ia o na qai kau ki Papiloni.

Jeremaia 38:23

Era na kau na watimuni kece kei ira na luvemuni vei ira na kai Papiloni, oi kemuni talega o ni na sega ni dro bula mai vei ira. Ena kauti kemuni vakavesu o tui Papiloni, ka na vakama yavu sara na koro oqo.”

Jeremaia 52:10

A vakamatei ira talega na turaga e Juta.

Isikeli 23:24

Era na mai valuti iko mai na vualiku, ena nodra qiqinivalu kei na qiqi ni yaya, kei ira na i lawalawa e lewe vuqa; era na tuvai ira vakaivalu, ka me ra vakavolivoliti iko, ka ra na vakaisasabai, na i sasabai lalai, kei na i sala ni valu; ia ka'u na solia vei ira na lewa, ka ra na vakataulewa vei iko me vaka na nodra lewa.

Isikeli 24:5

ka vakasinaita ena sui digitaki. Mo taura na kena ka uro duadua mai na qele ni sipi, ka visa na buka e rukuna; ka vakasaqara me buta.’

Sefanaia 1:8

Sa kaya o Jiova, “Ena siga ni veivakamatei o ya, au na vakanakuitaki ira kina na i vakalesilesi, o iratou na luvenitui kei ira kece era vakamuria voli na nodra i valavala na kai vanua tani.

Vakarua 28:34

Na veika o ni raica ena vakavuna mo ni lialia.