Jeremaia 39:4 - Vakavakadewa Vou kei na iVola tale eso

⁴ Ni a raica na tui o Setekaia kei ira kece na nona sotia na ka a yaco era a tovolea me ra dro mai na koro ena bogi. Era a muri ena matamata ena tadrua ni bai ka dro yani vaka ki na buca ni Joritani.

Ai Vola Tabu (Vakadewa Makawa Vakavoutaki 2021)

⁴ Ia ni sa raici ira ko Setekaia na tui Juta, kei ira kece na tamata i valu, era sa qai dro, ka lako tani e na koro e na bogi, e na sala ni nona were na tui, ki na matamata-ni-koro e na tadrua ni bai ruarua; a sa curu yani ko koya e na sala ki na buca.

AI VOLA TABU

⁴ A sa yaco, ni sa raici ira ko Sitikiya na tui Juta, kei ira na tamatai valu, era sa qai dro, ka lako tani e na koro kei na bogi, e na sala ni nona were na tui, ki na matamata-ni-koro e na tadrua ni bai e rua: a sa curu yani ko koya e na sala sa kau ki na buca.

Vakavakadewa Makawa

⁴ Ia ni sa raici ira ko Setekaia na tui Juta, kei ira kece na tamata i valu, era sa qai dro, ka lako tani e na koro e na bogi, e na sala ni nona were na tui, ki na matamata-ni-koro e na tadrua ni bai ruarua: a sa curu yani ko koya e na sala ki na buca.

Ai Vola Tabu Ena Vakavakadewa Vou

⁴ Ni a raica na tui o Setekaia kei ira kece na nona sotia na ka a yaco era a tovolea me ra dro mai na koro ena bogi. Era a muri ena matamata ena tadrua ni bai ka dro yani vaka ki na buca ni Joritani.

Jeremaia 39:4 Iomraidhean Croise

2 Veigauna 32:5

A sa vaqaqacotaka o Esekaia na taqomaki ni koro ena nona vakavinakataka na bainikoro, ka tara kina eso na vale ni yadra balabalavu, ka qai tara e dua tale na bai e dakuna. E kuria oqo na nona vakavinakataka na i taqotaqomaki ka tara koto ena vanua bulu e toka ena yasana ki na tokalau ni tikina makawa ni koro o Jerusalemi. A sa bulia talega e vuqa na i yaragi kei na i sasabai.

Aisea 22:11

O ni sa qai cakava e dua na tobu ni maroroi wai. Ia o ni sa sega ni gole vua na Kalou O koya sa nakita makawa sara na ka kece oqo, Ka vakavuna talega me yaco.

Aisea 22:3

O ira kece na nomu turaga era sa dro vata yani Ia era sa vesu ni ra bera ni vanataka e dua na gasau. O ira kece era kune era sa vesu, Dina ga ni ra dro sara vakayawa.

Aisea 29:2

Ia ena qai kauta mai na Kalou Na veika ni leqa ki Jerusalemi. Ena qai yaco na tagi kei na vakaloloku, Ka na vuki na koro me i cabocabonisoro E dau vakamai kina na i soro.

Jeremaia 32:4

Ena sega sara ni dro rawa o Setekaia mai na ligadra na kai Papiloni. Ena soli yani o koya vua na tui Papiloni; e rau na veivosaki sara ka raici koya ena matana dina.

Jeremaia 32:5

Sa na kau yani o Setekaia ki Papiloni ka na tiko ga mai kea me yacova ni'u sa qai sikovi koya tale. Kevaka ena vala kei ira na kai Papiloni ena sega ni qaqa.”

Isikeli 12:12

Ia na tui sa tiko kei ira ena colata na nona i colacola e tabana ni sa yakavi sobu, ka lako yani; sa na kelia basikata na lalaga ka lako yani; me ubia na matana me kakua ni raica na qele.

Isikeli 12:4

Mo kauta ki tautuba e matadra na nomu i yaya ni se siga na vanua me vaka na i yaya ni toki; ia mo lako tani yani e matadra ena yakavi me vaka na nodra sa dau kau yani na tamata me ra la'ki bobula.

Vunau ni Soro 26:17

Au na saqati kemuni ka me ra samuti kemuni kina o ira na kemuni meca. Era na lewai kemuni o ira sa cati kemuni, ia o ni na rere vakalevu ka cici ni sa sega mada ga ni dua e vakasevi kemuni.

Vunau ni Soro 26:36

Ia au na tala na rere me kania na lomadra era sa vo vei kemuni ena nodra vanua na kemuni meca, ka ra na dro wale ena rorogo ni draunikau sa cagina ena cagi. Era na dro me vaka e dua sa vakacemuri ira voli ena i valu, ka ra na bale ena gauna e sega kina ni dua na meca e tu volekati ira.

Emosi 2:14

Era na sega ni dro bula rawa mada ga na daucici totolo; ena takali na nodra kaukauwa na tamata qarikau, ka ra na sega ni vakabulai ira rawa o ira na sotia.

Vakarua 28:25

“Ena vakavuna o Jiova me ra vakadrukai kemuni o ira na kemuni meca. O ni na valuti ira mai na dua na yasana, ia o ni na dro lesu ki na veiyasana kecega; ka ra na rere na veimatanitu kecega e vuravura ni ra sa raica na ka e yacovi kemuni.