Jeremaia 32:9 - Vakavakadewa Vou kei na iVola tale eso

⁹ Au a mai volia yani na vanua vei Anameli ka vakarautaka vua na i lavo me nona; na kena i sau e tini kavitu na tiki ni siliva.

Ai Vola Tabu (Vakadewa Makawa Vakavoutaki 2021)

⁹ “Au sa qai volia na tiki ni vanua i Anameli na luve i tamaqu lailai mai Anacoci, ka sa vakarautaka nai lavo me nona, io e tinikavitu na sikeli siliva.

AI VOLA TABU

⁹ Au sa qai volia na tiki ni vanua i Enameli na luve i tamaqu lailai mai Anacoci, ka sa vakatovolea nai lavo me nona, io e tinikavitu na sikeli siliva.

Vakavakadewa Makawa

⁹ Au sa qai volia na tiki ni vanua i Anameli na luve i tamaqu lailai mai Anacoci, ka sa vakarauta nai lavo me nona, io e tinikavitu na sikeli siliva.

Ai Vola Tabu Ena Vakavakadewa Vou

⁹ Au a mai volia yani na vanua vei Anameli ka vakarautaka vua na i lavo me nona; na kena i sau e tini kavitu na tiki ni siliva.

Jeremaia 32:9 Iomraidhean Croise

Vakatekivu 24:22

Ni sa vagunuvi ira oti na kameli o Repeka, sa qai taura na dauveiqaravi i Epara-ama e dua na sau koula ka sau levu sara, a sa tokara e ucui Repeka, ka daramaka ki ligana e rua na qato koula.

Vakatekivu 37:28

Ni ra yaco yani e kea eso na dauveivoli ni Mitiani, eratou sa qai laveti Iosefo cake mai na i keli na veitacini, ka volitaki koya ena ruasagavulu na tiki ni siliva vei ira na luve i Isimeli. Era a qai kauti koya yani ki Ijipita.

1 Tui 20:39

Ia ni lako siviti koya na tui, a sa kacivaka yani vua na parofita, “Kemuni na tui, au a valu tiko ena loma ni veivaluvaluti ka qai kauta mai na sotia e dua na meca sa vesu tu, ka kaya vei au, ‘Mo raici koya tiko na tamata oqo; ia kevaka ena mani dro, o na mate o iko me kena i sau, se mo sauma e 3,000 na tiki ni siliva.’

Niemaia 5:15

O ira era a kovana e liu vei au era sa dau vakacolati ira sara vakalevu na tamata, ka kau kakana kei na waini talega mai vei ira, ka lavaka me ra solia e 40 na tiki ni siliva ena veisiga yadua. O ira sara talega na nodra dauveiqaravi era sa dau vakasosataki ira na tamata. Ia o au, au a sega sara ni bau cakava na ka oqo, baleta ni'u sa rerevaka na Kalou.

Esiteri 3:9

Kevaka o ni vakadonuya na tui, ia me buli mada e dua na nomuni lawa vakatui me vakadonui kina na nodra vaqeyavutaki vakadua. Kevaka o ni vakadonuya na ka oqo, au na qai solia e 340,000 na kilokaramu na siliva ki na baqe ni lavo vakatui me yaga ena cakacaka ni nomuni matanitu.”

Lako Yani 21:32

Kevaka sa cumuta e dua na bobula tagane se yalewa na bulumakau, me qai sauma na i taukei ni bulumakau vua na i taukei ni bobula e 30 na tiki ni siliva, ka me qai vakaviriki na bulumakau ena vatu me mate.

Aisea 55:2

Na cava o ni vakayagataka kina na i lavo Ena ka e sega ni kakana? Na cava o ni vakayagataka kina na kemuni i sau O ni qai sega ni mamau? Ni vakarorogo vei au o ni na qai rawata Na kakana vinaka mo ni kania Na kakana uasivi o ni marautaka ni kania.

Isikeli 4:10

Ena vakarautaki na kena bibi na kakana mo dau kania, ena 230 na karamu na madrai ena veisiga yadua.

Osea 3:2

Au a qai voli koya ena tinikalima na tiki ni siliva kei na 150 na kilokaramu na barile.