Jeremaia 32:8 - Vakavakadewa Vou kei na iVola tale eso

⁸ A mani yaco na ka a kaya vei au o Jiova, a lako mai na tavalequ o Anameli ki na vale ni veivesu ka mai kaya vei au, ‘Mo volia mada na noqu tiki ni vanua mai Anacoci ka tiko ena vanua i Penijamini. Sa i iko na wekaqu voleka duadua ka tu vei iko na kena dodonu vakaveivoli mo volia ka maroroya. Mo volia me nomu.” Ia au a sa kila ni a sa vakaroti au o Jiova me'u volia.

Ai Vola Tabu (Vakadewa Makawa Vakavoutaki 2021)

⁸ A sa lako mai vei au ko Anameli na luve i tamaqu lailai ki na lomanibai ni valeniveivesu me vaka na vosa i Jiova, a sa kaya vei au, ‘Mo volia mada na noqu tiki ni vanua mai Anacoci e na vanua i Penijamini, ni sa dodonu mo taukena, ni sa dodonu mo volia ni ko sa taravi au; mo volia mada me nomu.’ Au sa qai kila ni sa vosa i Jiova oqo.

AI VOLA TABU

⁸ A sa lako mai vei au ko Enameli na luve i tamaqu lailai ki na lomanibai ni vale ni veivesu me vaka na vosa i Jiova, a sa kaya vei au, Mo volia mada na noqu tiki ni vanua mai Anacoci e na vanua i Penijamini: ni sa dodonu mo taukena, ni sa dodonu mo volia me veitaravi kei au; mo volia mada me nomu. Au sa qai kila ni sa vosa i Jiova o qo.

Vakavakadewa Makawa

⁸ A sa lako mai vei au ko Anameli na luve i tamaqu lailai ki na lomanibai ni vale ni veivesu me vaka na vosa i Jiova, a sa kaya vei au, Mo volia mada na noqu tiki ni vanua mai Anacoci e na vanua i Penijamini: ni sa dodonu mo taukena, ni sa dodonu mo volia ni ko sa taravi au; mo volia mada me nomu. Au sa qai kila ni sa vosa i Jiova oqo.

Ai Vola Tabu Ena Vakavakadewa Vou

⁸ A mani yaco na ka a kaya vei au ko Jiova, a lako mai na tavalequ o Anameli ki na vale ni veivesu ka mai kaya vei au, ‘Mo volia mada na noqu tiki ni vanua mai Anacoci ka tiko ena vanua i Penijamini. Sa i iko na wekaqu voleka duadua ka tu vei iko na kena dodonu vakaveivoli mo volia ka maroroya. Mo volia me nomu.” Ia au a sa kila ni a sa vakaroti au ko Jiova me'u volia.

Jeremaia 32:8 Iomraidhean Croise

1 Tui 2:26

A vosa vei Epaiaca na bete o koya na tui, ka kaya, “Mo lako tani ki Anacoci, ki na nomu vanua; ni sa dodonu mo mate. Ia au na sega ni vakamatei iko edaidai, ni o sa colata voli na Kato ni Veiyalayalati i Jiova ena mata i Tevita na tamaqu, ka o vakaivotavota vata kaya ena veika kecega ka vakararawataki kina.”

1 Tui 22:25

A sa sauma o Maikaia ka kaya, “Raica, o na qai vakadinata ga ni o sa curuma eso na rumu mo vunitaki iko kina.”

1 Veigauna 6:60

A soli vata talega vei ira na veikoro oqo kei na kedra vanua veico mai na nodra mataqali na Penijamini: o Kipa, o Alemeci, o Anacoci. Na kena levu taucoko e 13 na veikoro me ra tiko kina na nodra veivuvale na kawa i Eroni.

Jeremaia 1:1

Oqo na vosa i Jiova ka a yaco vei Jeremaia na luve i Ilikaia, e dua vei ira na bete mai Anacoci ena vanua o Penijamini.

Jeremaia 32:2

Ena gauna oqo era a samuti Jerusalemi tiko kina na mataivalu ni tui Papiloni, ka sogo tiko o Jeremaia na parofita ena vale ni veivesu ena valenitui.

Jeremaia 32:25

Ia, kemuni Turaga na Kalou, sai kemuni ga o ni a tukuna vei au me'u volia na vanua ena matadra na i vakadinadina, veitalia ga ni ra sa vakarau vakadruka na koro na kai Papiloni.”

Jeremaia 32:7

ni lako mai vei au o Anameli, na luve i Salumi na vugoqu ka kerei au me'u volia na nona tiki ni vanua mai Anacoci, baleta ni sai au na wekana voleka, ka tu vei au na kena dodonu vakaveivoli me'u volia.

Jeremaia 33:1

A sa yaco tale mai vei Jeremaia na vosa i Jiova ena i karua ni gauna, ni a sogo tiko ena valeniveivesu.

Jeremaia 37:12

A cavutu o Jeremaia me biuti Jerusalemi me lako ki na vanua i Penijamini me la'ki taukena na nona i votavota ni vanua vei ira na kai nona.

Isikeli 12:7

Ia ka'u a cakava me vaka ka'u sa vakaroti kina. Au sa yauta ki tautuba na noqu i yaya ena siga, me vaka na i yaya ni toki vakabobula, ia ena yakavi, ka'u sa kelia na bai ena ligaqu; ni sa buto na vanua ka'u sa qai yauta tani, ka'u a colata yani e matadra.

Sakaraia 11:11

A mani bokoci na veiyalayalati ena siga o ya. Era a vakaraici au toka yani o ira na dauvoli sipi ka dauvolitaka talega, ka ra kila ni sa vosa tiko mai o Jiova ena vuku ni ka au sa vakayacora.

Joni 4:53

A sa qai nanuma sara o tama ni gone ni sa gauna vata o ya ka a tukuna kina vua o Jisu, “Sa bula na luvemu.” Sa mani vakabauta kina o koya kei ira kece na nona lewe ni vuvale.