Jeremaia 3:9 - Vakavakadewa Vou kei na iVola tale eso

⁹ Ka sa sega ni kauwaitaka vakalailai. Sa vakadukadukalitaka na vanua; sa veibutakoci ena nona sa ia ga na sokalou ki na vatu kei na veivunikau.

Ai Vola Tabu (Vakadewa Makawa Vakavoutaki 2021)

⁹ A sa yaco e na vuku ni sa rogo na nona dautagane, sa vakadukadukalitaka kina na vanua, ka sa ia na veibutakoci kei na vatu kei na kau.

AI VOLA TABU

⁹ A sa yaco e na vuku ni sa rogo na nona dauyatagane, sa vakadukadukalitaka kina na vanua, a sa ia na dauyatagane kei na vatu kei na kau.

Vakavakadewa Makawa

⁹ A sa yaco e na vuku ni sa rogo na nona dautagane, sa vakadukadukalitaka kina na vanua, ka sa ia na dautagane kei na vatu kei na kau.

Ai Vola Tabu Ena Vakavakadewa Vou

⁹ Ka sa sega ni kauwaitaka vakalailai. Sa vakadukadukalitaka na vanua; sa veibutakoci ena nona sa ia ga na sokalou ki na vatu kei na veivunikau.

Jeremaia 3:9 Iomraidhean Croise

Aisea 57:3

Ni lako mai kike na tamata i valavala ca mo ni lewai; Oi kemuni na kawa ni tamata i tovo vakasisila kei na dautagane.

Aisea 57:6

O ni sa kauta mai na veivatu yagoyago vinaka mai na veiqakilo, Ka mai qaravi ira me ra nomuni kalou. O ni sa sova vei ira na i soro liviraki Ka kauta mai vei ira na i soro sila. O ni nanuma beka au taleitaka na veika oqo?

Jeremaia 10:8

A nodra tamata vuku kece Era sa lialia ka sesewa. E rawa li ki na veimatakau Me vakavulici ira ena dua na ka?

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 2:27

O cei e kaya ki na dua na vunikau, o iko na tamaqu, ki na dua na vatu, o iko na tinaqu? E yaco na ka oqo baleta ni o ni sa vakanadakui au ka sega ni vakanamata mai. Ia ena gauna ga ni nomuni leqa, o ni sa qai kerei au me'u vakabulai kemuni.

Jeremaia 2:7

Au a kauti ira ki na dua na vanua bulabula Me ra matalau ena kania na kena vuata Kei na kena veika vinaka e vuqa. La ni ra sa lako mai Era sa vakacacana na noqu vanua; Ka vakadukadukalitaka na vanua au solia vei ira.

Jeremaia 3:2

Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Isikeli 16:17

O sa kauta talega na nomu i ukuuku talei mai na noqu i yaya koula kei na siliva ka'u a solia vei iko, ka cakava kina na nomu i vakatakarakara ni tagane, ka ia kaya na dautagane.

Isikeli 23:10

O ira oqo era sa qai vakaraitaka na nona luvawale, ka ra tauri ira na luvena tagane kei na luvena yalewa, ka vakamatei koya ena i seleiwau. A kuruseta na vanua na nodra veitalanoataka na marama na veika me baleta na nona mate.

Isikeli 23:21

(I Aolipa, o sa via tokaruataka ga na i vakarau vakasisila ni nomu gauna vakagoneyalewa mai Ijipita, ena vanua era a vaqitora kina na sucumu ka vakavuna mo tekivu vakamoce tagane kina.)

Isikeli 23:3

Ni rau se goneyalewa lalai ka tiko mai Ijipita, erau a tekivu moce vata na tagane ka yaco me rau yalewa dautagane.

Osea 2:2

Kemuni na luvequ, ni vakamasuti tinamuni mada — ka dina ga ni sa sega ni qai watiqu o koya, ka'u sa sega ni watina oi au. Vakamasuti koya me tarova na nona dautagane kei na nona dauvolitaka na yagona.

Osea 4:12

Era sa dautaroga na matakau! Sa dau tukuna vei ira e dua na tiki ni kau na ka me ra cakava! Era sa biuti au. Me vaka e dua na yalewa sa yaco me dauvolitaka na yagona, era sa volitaki ira vakakina vei ira na kalou tani eso.

Joeli 1:19

Au sa tagi vei kemuni na Kalou Ni sa kania na bukawaqa Na veico kei na veikau, Ka sa vakama na yameyame Na veivunikau kecega ni vanua.

Apakuki 2:19

O ni sa vakarusai! O ni sa kaya ki na dua na tiki ni kau, “Mo yadra mai!” se ki na dua na i bulibuli vatu, “Mo tucake!” E rawata beka e dua na matakau me vakatakila vei iko e dua na ka? Raica, sa rawa ni robota tu na i ukuuku siliva kei na koula, ia na bula ga sa sega sara ni tiko kina.

Maciu 5:32

Ia au sa kaya vei kemudou oqo, na tagane sa biuta na watina baleta eso tale na vuna ka segai ena vuku ni dautagane, sa baleti koya na cala ni dautagane nei watina kevaka sa la'ki vakawati tale; ka sa coriti talega ena cala ni dauyalewa na tagane e rau sa qai vakawati kaya.