Jeremaia 3:8 - Vakavakadewa Vou kei na iVola tale eso

⁸ Sa raica talega o Juta ni'u sa veisere kei Isireli ka solia vua na i vola ni veibiu baleta ni sa gole tani mai vei au ka yaco me yalewa dautagane. Ia o Juta na taci Isireli sega ni yalodina sa sega ni rere. Sa yaco talega me dautagane,

Ai Vola Tabu (Vakadewa Makawa Vakavoutaki 2021)

⁸ Ia ka'u a raica, ni sai koya dina oqo ni sa dauveibutakoci ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

AI VOLA TABU

⁸ Ia kaʼu a raica, ni sa kawa ni ka kecega sa dauyatagane kina ko Isireli dauvuki kaʼu a biuti koya tani, ka solia vua nai vola ni tawase; ka sa sega ga ni rere kina na daulawaki ko Juta na tacina, ka sa lako ko koya talega ka ia na dauyatagane.

Vakavakadewa Makawa

⁸ Ia ka'u a raica, ni sai koya dina oqo ni sa dautagane ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

Ai Vola Tabu Ena Vakavakadewa Vou

⁸ Sa raica talega o Juta ni'u sa veisere kei Isireli ka solia vua na i vola ni veibiu baleta ni sa gole tani mai vei au ka yaco me yalewa dautagane. Ia o Juta na taci Isireli sega ni yalodina sa sega ni rere. Sa yaco talega me dautagane,

Jeremaia 3:8 Iomraidhean Croise

2 Veigauna 21:11

A cakava talega na veitikina cecere ena vanua veidelana e Juta, ka vakauqeti ira na kai Jerusalemi me ra talaidredre, ka me lako sese o Juta.

Aisea 50:1

A sa kaya o Jiova, “O ni sa nanuma beka au sa vakatalai ira tani na noqu tamata Me vaka e dua na tamata sa sereka na watina? E vei ga na i vola vakadinadina ni veisere? O ni nanuma beka au sa volitaki kemuni Vua e dua sa tu vua na noqu dina? Raica o ni a kau yani vakabobula ena vuku Ni nomuni i valavala ca. O ni a kau tani ena vuku ni nomuni talaidredre.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 3:1

A sa kaya o Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya o Jiova.

Jeremaia 33:24

O sa bau kila li na ka era kaya na tamata baleta ni'u sa biuti Isireli kei Juta na vuvale e rua au a digitaka? Era sa beci ira kina na noqu tamata ka sega ni okati ira tale me dua na matanitu.

Jeremaia 5:7

A sa kaya o Jiova, “A cava me'u vosota kina Na nodra i valavala ca na noqu tamata? Era sa biuti au na luvedra, Ka ra bubului ki na veika sa sega ni kalou. Au a vakani ira na noqu tamata Me yacova ni ra sa mamau, Ia era sa ia na veibutakoci, Ka vakaotia na nodra gauna Vata kei ira na yalewa dautagane.

Isikeli 16:46

“Sa tuakamu o Samaria, o ira ka ra tiko kei ira na luvena vaka ki na vualiku ni nomu i tikotiko; kei na tacimu yalewa ka tiko vaka ki na ceva mai vei iko, o Sotoma kei ira na luvena yalewa.

Isikeli 16:47

Ia o a sega ni muria na nodra i valavala, se cakava na nodra i valavala vakasisila; ia ena loma ni gauna lekaleka wale, o sa vakacacataki iko vakalevu cake ena nomu i valavala kecega mai vei ira.”

Isikeli 16:51

“Ia sa sega mada ni veimamataka na levu ni nomu i valavala ca kecega; ka levu cake na veika vakasisila o ni cakava mai vei ira, ka sa vakadonui ira na tacimu me ra rairai yalo dodonu ena vuku ni valavala vakasisila kecega o sa cakava.

Isikeli 23:44

Ia era a curu vua, me vaka era a curu na tagane vua e dua na yalewa sa dautagane. Sa vakaoqo na nodra curu vei rau o Aola kei Aolipa, me ia na i tovo velavela.

Isikeli 23:9

O koya oqo, au sa soli koya kina ki na ligadra na nona veidomoni mai Asiria, o ira ka sa dau garova vakalevu o koya.

Osea 3:4

Ena ka oqo, era na bula voli ga kina na Isireli ena dua na gauna balavu ka sega na nodra tui se tamata veiliutaki, ena sega na nodra i soro se na matakau, ka sega na nodra matakau me ra ia kina na cakacaka ni daurairai.

Vakarua 24:1

Kevaka e dua na tagane sa vakamautaka e dua na yalewa, ia e muri sa qai sega ni vinakati koya baleta ni sa kunea vua eso na i vakarau e sega ni taleitaka, ka sa vola e dua na i volatara ni veibiu ka solia vua, ka vakatalai koya tani yani mai na nona i tikotiko,

Vakarua 24:3

Ia kevaka sa qai sega talega ni vinakati koya na tagane o ya, ka sa vola tale e dua na i volatara ni veibiu ka solia vua, ka vakatalai koya tani mai na nona i tikotiko, se kevaka sa mate na tagane oqo ka i karua ni watina,