Jeremaia 3:5 - Vakavakadewa Vou kei na iVola tale eso

⁵ O ni cudru tiko li ka tawa mudu, ka na sega ni oti rawa li na nomuni rarawa? Isireli, sai koya o ya na vakatutusa ni gusumu, ia o sa cakava tikoga na ka ca kecega o cakava rawa.”

Ai Vola Tabu (Vakadewa Makawa Vakavoutaki 2021)

⁵ ena waqa tiko beka na nona cudru ka tawa mudu, ena vakadedetaka tiko beka ka yacova nai vakataotioti?’ Raica, ko sa qai vosa vakaoqo, ia ko sa cakava ga na veika ca kecega ko sa rawata.”

AI VOLA TABU

⁵ ena maroroya tiko beka na nona cudru ka tawa mudu? ena vakabauta tiko beka ga ka yacova nai otioti? Kaica, ko sa vosataka ka cakava na ka ca ko sa rawata.

Vakavakadewa Makawa

⁵ ena waqa tiko beka na nona cudru ka tawa mudu? ena vakadedetaka tiko beka ka yacova nai otioti? Raica; ko sa vosataka na ka ca ka cakava talega, ka ko sa veitalia voli.

Ai Vola Tabu Ena Vakavakadewa Vou

⁵ O ni cudru tiko li ka tawa mudu, ka na sega ni oti rawa li na nomuni rarawa? Isireli, sai koya o ya na vakatutusa ni gusumu, ia o sa cakava tikoga na ka ca kecega o cakava rawa.”

Jeremaia 3:5 Iomraidhean Croise

2 Veigauna 29:10

Ia oqo, sa tiko e lomaqu me caka e dua na veiyalayalati kei Jiova na Kalou ni Isireli me vagolei tani kina mai vei keda na nona cudru waqawaqa.

NA SAME 85:5

O ni na cudruvi keimami tiko li me na sega ni mudu? Ena sega li ni oti na nomuni cudru?

NA SAME 85:6

Ni yalovinaka ni vakaukauwataki keimami tale, Keimami na qai vakacaucautaki kemuni na nomuni tamata.

Aisea 57:16

Au a solia na bula vei ira; Ka'u na sega ni veibeitaki tikoga, Se cudruvi ira tikotiko ga.

Aisea 64:9

Ia ni kakua ni cudruvi keimami Se wilika tiko vei keimami na neimami i valavala ca ka sega ni mudu. Keimami sa nomuni tamata, Ni lomani keimami mai.

Jeremaia 3:12

Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Jeremaia 8:6

Au a vakarorogo vinaka sara, ia o ni sega ni tukuna na ka dina. E sega ni bau dua vei kemuni e veivutunitaka na nona ca; e sega ni bau dua e taroga, A cava beka na cala au cakava? Era dui lako na tamata yadua ena nona sala me vaka e dua na ose sa cici ki na i valu.

Isikeli 22:6

Raica, o ira na turaga ni Isireli era sa dui tiko vei iko me vaka na ka era dui rawata, ka sa railasa tiko vei ira na vakadave dra.

Maika 2:1

Ena ka vakadomobula dina o ira sa daumoce yadrayadra ka lalawataka voli na ca! Ni sa mataka caca, era sa kusarawa sara me ra vakayacora na ca era sa lalawataka ena kena gauna taudonu.

Maika 7:3

Era sa kena dau kece sara ena cakacaka ca. O ira na vakailesilesi kei ira na turaganilewa era vinakata kecega na veivaqumi, na i lavo ni veitemaki me ra taura lo. Na tamata kilai ka daurogoci na nona vosa sa dautukuna ga vei ira na ka e vinakata, ka ra sa qai daubosea vata ka sa sega kina na lewa dodonu.