Jeremaia 3:3 - Vakavakadewa Vou kei na iVola tale eso

³ O ya na vuna sa tarovi kina na uca, ka sa sega ni tau na uca ni vula i tubutubu. Io, o sa vaka na i rairai ni yalewa dautagane; o sa sega ni bau madua.

Ai Vola Tabu (Vakadewa Makawa Vakavoutaki 2021)

³ Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

AI VOLA TABU

³ a sa bureitaki kina na uca, a sa sega kina na uca taumuri; ia na yadre ni alewa dauyatagane sa nomu, ko sa bese ni madua.

Vakavakadewa Makawa

³ Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

Ai Vola Tabu Ena Vakavakadewa Vou

³ O ya na vuna sa tarovi kina na uca, ka sa sega ni tau na uca ni vula i tubutubu. Io, o sa vaka na i rairai ni yalewa dautagane; o sa sega ni bau madua.

Jeremaia 3:3 Iomraidhean Croise

Vakatekivu 19:34

Ena siga ka tarava a kaya na luve i Loti yalewa ka qase vei koya na gone, “Ena bogi au a moceri tamadaru; me daru vagunuvi koya tale mada ena bogi edaidai, ka mo qai moceri koya o iko. Sa na qai rawa kina ni daru vakaluveni ruarua vua na tamadaru.”

Niemaia 9:17

Era a bese ni talairawarawa; era sa guilecava na veika kece sara o ni a vakayacora; era sa guilecava na veika veivakurabuitaki o ni a cakava e matadra. Ena dela ni nodra dokadoka, era sa lesia kina e dua me liutaki ira; ka me kauti ira lesu tale ki na vanua ni veivakabobulataki mai Ijipita. Ia sai kemuni na Kalou sa dauvosota na i valavala ca; o ni sa dauloloma ka dauveikauwaitaki, ka cudrucudru malua. Sa ka levu sara na nomuni loloma; ka o ni a sega ni biuti ira laivi.

Vosavakaibalebale 21:29

A tamata ca sa vakaukauwataka na matana, ia na tamata yalododonu sa dikeva vinaka na nona sala.

Aisea 5:6

Au na biuta tu ga me veikau tu, Ena sega ni samaki se wereci Ka sa na tubu mai kina na soni kei na kau vakavotona. Au na vakarota talega na o Me kua ni vakatauca kina na uca.

Jeremaia 14:1

A sa vosa vei Jeremaia o Jiova me baleta na dausiga,

Jeremaia 14:22

E rawa li ki na veikalou ni veimatanitu Me vakatauca na uca? Se rawa li ki na lomalagi Me vakatauca na uca? Keimami sa vakanuinui ga vei kemuni, Jiova na neimami Kalou, Ni o ni sa cakava na veika kece oqo.

Jeremaia 14:3

Era sa talai ira na nodra tamata na turaga Me ra la'ki taki wai; Era sa lako ki na veikeliwai, Ia era sa sega ni kunea kina na wai; Era sa lesu vata mai Kei na nodra saqa lala. Era sa yalo lailai ka veilecayaki, Ka ra sa ubia na uludra.

Jeremaia 14:4

Era sa madua na dauteitei, Era sa ubia na uludra Baleta ni sa sega ni tau na uca, Ka sa mamaca sara na vanua.

Jeremaia 36:2

Taura mai e dua na i vola vivigi ka vola kina na veika kece sara au tukuna me baleti Isireli kei Juta ka vakakina na veimatanitu kecega. Vola na veika kece sara au a tukuna vei iko me tekivu mai na i matai ni gauna au a vosa kina vei iko ena gauna a tui tiko kina o Josaia me yacova mai na gauna oqo.

Jeremaia 5:24

Era sega ni dau kaya ena lomadra, ‘Me da sa rerevaki na noda Kalou, o koya sa solia mai na uca ena kena gauna, na uca ni vula i laulau kei na vula i tubutubu ka sa dau taqomaka tiko na macawa ni gauna ni tatamusuki.

Jeremaia 5:25

Na nomuni caka cala sa kauta tani na veika oqo kei na nomudou i valavala ca sa kauta tani vei kemudou na veika vinaka.

Jeremaia 5:3

E dina sa vaqara na yalodina o Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Jeremaia 6:15

Era madua beka baleta ni ra a cakava na ka vakasisila? Sega! Era sega sara ga ni bau madua; o koya oqo, era na lutu me vaka na nodra lutu na tani. Ni'u na totogitaki ira, era na qeyavu vakadua. Ni sai au ga o Jiova ka sa tukuna oqo.

Jeremaia 8:12

Kemuni na noqu tamata, o ni a sega ni o ni a vakayacora na i valavala vakasisila? Sega, o ni a sega sara ni bau madua vakalailai, o ni sega ni bau vakarisevacu, O koya oqo o ni na bale vata kina kei ira era sa bale; ena gauna au na totogitaki kemuni kina, o ni sa na qeavu vakadua,” sa kaya o Jiova na Turaga.

Jeremaia 9:12

A sa taroga o Jeremaia, “Kemuni Jiova, a cava ena rua kina na vanua ka mamaca me vaka na vanua dravuisiga, ka sega e dua me bau lako e loma? O cei sa vuku sara me kila na ka oqo? O ni sa vakamacalataka vei cei na ka oqo me na rawa ni tukuna vei ira na tani?

Isikeli 3:7

Ia era na sega ni vakarorogo vei iko na mataqali i Isireli; era sa sega mada ga ni via vakarorogo vei au. Era sa tamata viavialevu ka yalo kaukauwa o ira kecega na mataqali i Isireli.

Vunau ni Soro 26:19

Au na vorolaka na nomuni dokadoka, ka'u na cakava me kakua ni tau na uca, kei na qele me mamaca ka kaukauwa me vaka na kaukamea.

Emosi 4:7

Au a mani tarova na uca ena gauna e gadreva vakalevu kina mai na nomuni i teitei. Au a vakatauca na uca ena dua na koro, ka segai ena dua tale na koro. A sa tau na uca ena dua na i teitei, ia sa mamaca ga ka malai e dua tale na i teitei.

Emosi 4:8

Ni ra sa malumalumu ena karamaca na tamata ni veikorokoro eso, era sa lako ki na dua tale na koro me ra kunea kina na wai, ia sa sega ni veirauti ga na wai me gunuvi. Ia o ni a sega ga ni lesu mai vei au.

Sefanaia 2:1

Vei iko na matanitu sa lecava na madua, mo yalomatua mada

Sefanaia 3:5

Ia sa tiko ga ena loma ni koro o Jiova; sa vakayacora ga o koya na veika dodonu ka sega sara na ka e ca. A sa dau tauca ga na lewa dodonu vei ira na nona tamata ena veimataka kece sara ka sega ni dua na siga me lutu. Ia, o ira na tamata tawa dodonu mai kea era sa ia tikoga na caka cala ka sega ni maduataka.

Akeai 1:11

Au a vakavuna me dausiga na vanua — na kena veidelana, na veiloga ni sila, na veiloganivaini, kei na veiloga ni olive — na veika kecega e vakatubura na qele, na tamata kei manumanu, kei na veika kecega o ni tovolea tiko mo ni tea.”

Vakarua 28:23

Ena sega ni tau e dua na uca, ena yaco me kaukauwa vaka na kaukamea na nomuni qele.

Iperiu 12:25

Ni qarauna vinaka mo ni kakua ni besetaka na vakarorogo ki vua sa vosa tiko vei kemuni. O ira vakayadua sa besetaka me ra vakarorogo ki vua sa vakadewataka na i tukutuku vakalou e vuravura era sa sega ni dro bula rawa. O ni sa nanuma li ni rawa mo ni dro bula kevaka o ni bese ni talairawarawa vua sa vosa vei kemuni mai lomalagi?