Jeremaia 3:25 - Vakavakadewa Vou kei na iVola tale eso

²⁵ Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Ai Vola Tabu (Vakadewa Makawa Vakavoutaki 2021)

²⁵ Keimami sa koto sobu e na neimami madua, ka sa luvuci keimami na kidroa; ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.”

AI VOLA TABU

²⁵ Keitou sa koto sobu e na neitou madua, a sa ubi keitou na kidroa: ni keitou sai valavala ca vei Jiova na neitou Kalou, oi keitou kei ira na neitou qase, mai na gauna keitou a cauravou kina ka yacova na siga o qo, ka sega ni vakarorogo ki na domo i Jiova na neitou Kalou.

Vakavakadewa Makawa

²⁵ Keimami sa koto sobu e na neimami madua, ka sa luvuci keimami na kidroa: ni keimami sai valavala ca vei Jiova na neimami Kalou, koi keimami kei ira na neimami qase, mai na gauna keimami a cauravou kina ka yacova na siga oqo, ka sega ni vakarorogo ki na domo i Jiova na neimami Kalou.

Ai Vola Tabu Ena Vakavakadewa Vou

²⁵ Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Jeremaia 3:25 Iomraidhean Croise

NA SAME 106:6

Keimami sai valavala ca me vakataki ira na neimami qase; Keimami sa cala ka i tovo ca.

NA SAME 106:7

Era sa sega ni vakasamataka na neimami qase mai Ijipita na cakacaka veivakurabuitaki ni Kalou; Era sa guilecava na nona vakatakila vakavuqa na nona loloma tudei, Ka ra sa veisaqasaqa kei na Kalou mai na Wasa Damudamu.

NA SAME 109:29

Me ra qai ubi ga ena vakaloloma o ira na noqu meca; Ka me ra daramaka me vaka na kote balavu na nodra madua.

Vosavakaibalebale 13:18

Na tamata e bese ni vakavulici ena dravudravua ka madua, ia na tamata ena ciqoma na nona vakadodonutaki ena dokai.

Vosavakaibalebale 5:13

Au a sega ni via vakarorogo vei ira na noqu qase ni vuli. Au a sega ni bau kauwaitaki ira.

Aisea 48:8

Au sa kila ni o ni na sega ni rawa ni vakadinati, Me tekivu ni o ni a gone O ni a kilai tu me dua na dauveisaqasaqa. Sa i koya oqori na vuna o ni sega ni bau rogoca kina na ka oqo, Se bau rogoca e dua na kena i tukutuku.

Aisea 50:11

Oi kemuni kece o ni nakita mo ni vakarusai ira na tani, Ena vakarusai kemuni na nomuni i naki. Na Turaga sara ga vakai koya ena vakavuna me yaco na ka oqo; O ni na sota kaya kina e dua na veivakararawataki ca sara.

Jeremaia 11:13

Ni sa tautauvata na levu ni wiliwili ni nodra kalou na kai Juta kei na levu ni wiliwili ni nodra veikoro ka ra sa tara na lewe i Jerusalemi e vuqa na i cabocabonisoro ni i madrali vakasisila vei Peali, me vaka na i wiliwili ni gaunisala ena nodra koro.

Jeremaia 12:13

Era na tea na witi na noqu tamata, Ia era sa tamusuka na wa vakavotona; Era cakacaka vakaukauwa, Ia era sega ni rawata kina e dua na ka. Baleta na noqu cudru rerevaki Sa sega ni vua kina na veika era tea.”

Jeremaia 14:20

Keimami sa vakatusa na neimami ca na Turaga, Kei na nodra ca na neimami qase; Keimami sai valavala ca vei kemuni.

Jeremaia 14:7

Era sa tagi mai vei au Na noqu tamata, E dina sa beitaki keimami Na neimami ca, Ia ni vukei keimami Jiova Me vaka na nomuni vosa ni yalayala. Keimami sa gole tani vakavuqa Mai vei kemuni; Keimami sai valavala ca vei kemuni.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 2:2

Me'u tukuna vei ira yadua mai Jerusalemi Na nona vosa oqo: “Au sa nanuma tiko na nomu yalodina Ni o a se gone, Ena nomu daulomani au Ni daru a se qai vakawati; O a muri au ena loma ni vanua dravuisiga, Ki na dua na vanua e se sega ni bau teivaki.

Jeremaia 2:26

Me vaka na nona vakamaduataki e dua na daubutako ni sa vesu, ena vakakina na nomuni vakamaduataki na Isireli; oi kemuni kece, na nomuni tui, na luvedra na tui, na nomuni bete kei ira na parofita.

Jeremaia 20:18

A cava beka au a sucu kina? Me'u mai kila ga na rarawa kei na leqa, Ka tinia na noqu bula ena madua?

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 3:13

Vakadinadinataka ga ni o sa cala. Ni o sa talaidredre vua na nomu Kalou. Tusanaka nomu cala ena ruku ni veivunikau drokadroka ni o sa la'ki qaravi ira kina na kalou tani, ka ni o sa sega ni muria na noqu vosa. Oi au, o Jiova, sa vosa vakaoqo.

Jeremaia 31:19

Keimami a gole tani mai vei kemuni, Ia e sega ni dede keimami sa via lesu tale yani. Ni oti na nomuni totogitaki keimami, Keimami a vakacuva na ulu i keimami ena rarawa. Keimami sa madua, Ka vakamaduataki Baleta ni keimami sai valavala ca vei kemuni.’

Jeremaia 6:26

A sa kaya o Jiova, “Kemuni na noqu tamata, ni vakaisulu ena i sulu taga, ka vaqiqiqi ena dravusa. Mo ni ia na tagi me vaka e dua sa tagicaka na luvena e duabau ga ena tagi rarawa sara; o koya sa lako mai me vakarusai kemuni ena ravuravu sara vakidacala.

Jeremaia 7:19

Ia era sa vakacudrui au li? A sa kaya o Jiova, “Sega, era sa vakararawataki ira ga vaka i ira, ka vakavuna ga na ka me ra madua kina.”’

Jeremaia 8:14

A cava e da sa dabe vakadua kina? Ni lako mai me da mai cici ki na veikoro vakabai ka mate mai kea. Sa vakararawataki keda o Jiova me da mate, sa solia vei keda na wai gaga me da gunuva baleta ni da sai valavala ca vua.

Jeremaia 9:18

Era sa qai kaya na tamata, “Tukuna vei ira Me ra totolo mai ka lagata E dua na sere ni veibulu vei keda, Me yacova ni sa sinai na matada Ena wai ni mata, Ka suasua na bekabeka ni matada Ena tagi.”

Lele i Jeremaia 5:16

Sa lutu tani mai na uluda na i sala vakaturaga, Eda sa kalouca, ni da sai valavala ca!

Lele i Jeremaia 5:7

Era sai valavala ca na neimami qase, Ia oqo era sa yali yani, Ka keimami sa colata na nodra ca.

Isikeli 2:3

A sa kaya vei au, “O iko na luve ni tamata, au na talai iko vei ira na Isireli, ki na dua na matanitu dautalaidredre. Era sa vuki tani vei au, o ira kei ira na nodra qase me yacova mai na siga oqo.

Isikeli 36:32

Mo ni kila mada ni'u sa sega ni cakava na ka oqo ena vukumuni, sa kaya na Kalou o Jiova; me macala sara vei kemuni na ka o ya. Ni maduataka mada ka taqayataka na nomuni i valavala, Oi kemuni na mataqali i Isireli.’ ”

Isikeli 44:13

Era na sega sara ni toro voleka mai vei au me qaravi au ena i tavi vakabete, se me toro volekata e dua ga na noqu ka tabu, kei na veika e sa tabu dredre sara; ia era na colata ga na nodra madua, ena vuku ni valavala vakasisila era kitaka.

Isikeli 7:18

Era sa vauci ira ena i sulu taga, ka sa nodra i tutuvi na taqaya kei na domobula; era na matamadua o ira kecega, ka na mira kece na uludra.

Taniela 12:2

E vuqa vei ira era sa mate oti era na bula tale. Eso vei ira era na bula ka sega ni mudu, ia eso ena nodra na madua kei na veivakalolomataki tawa mudu.

Osea 9:10

A sa kaya o Jiova, “Ena i matai ni gauna ka'u kunei Isireli kina, a sa vaka na kunei ni qerepi sa bula voli ena vanua dravuisiga. Ena i matai ni gauna ka'u raici ira kina na nomuni qase, a sa vaka na kunei ni i sevu ni vuanilolo dreu ena kena gauna. Ia ni ra sa yaco mai ki Ului Piori, era sa vakatekivu me ra sokalou vei Peali, ka ra sa yaco me ra vakasisila me vaka ga na vakasisila ni kalou eso era sa domona.

Sefanaia 1:17

A qai kaya o Jiova, “Au na kauta mai na ka ni veivakaleqai oqo ki na kawa tamata me ra na qai vakayayamo voli me vakataka na tamata mataboko. Era sai valavala ca vei au, ia oqo ena sovaraki yani na nodra dra me vaka na wai, ka ra na dui vuca na yagodra mate ena dela ni qele.”

Roma 6:21

A cava soti mada na veika vinaka o ni sa rawata mai na veika o ni sa qai madualaka tiko oqo? Na i tinitini ga ni veika kecega oqori na mate!

Dauveilewai 2:2

Mo ni kakua ni vakayacora e dua na veiyalayalati kei ira era sa tiko ena vanua oqo. Mo ni talaraka sobu na nodra i cabocabonisoro. Ia o ni sa sega ni talairawarawa ki na noqu i vakaro. O ni sa vakayacora ga na kena veibasai!