Jeremaia 3:21 - Vakavakadewa Vou kei na iVola tale eso

²¹ E dua na domo sa rogo ena veidelana; Na domo ni nodra tagi Kei na vakamamasu na Isireli, Baleta ni ra sa kitaka na i valavala ca, Ka guilecavi Jiova na nodra Kalou.

Ai Vola Tabu (Vakadewa Makawa Vakavoutaki 2021)

²¹ E dua na domo sa rogo e na veiyasana cecere, na nodra tagi kei na nodra vakamamasu na Isireli; ni ra sa vakavevetaka na nodra sala, ka ra sa guilecavi Jiova na nodra Kalou.

AI VOLA TABU

²¹ E dua na domo sa rogoci e na veiyasana cecere, na tagi kei na vakamamasu na nodra na luve i Isireli: e na vuku ni ra sa vakavevetaka na nodra sala, era sa guilecavi Jiova na nodra Kalou.

Vakavakadewa Makawa

²¹ E dua na domo sa rogo e na veiyasana cecere, na nodra tagi kei na nodra vakamamasu na Isireli: ni ra sa vakavevetaka na nodra sala, ka ra sa guilecavi Jiova na nodra Kalou.

Ai Vola Tabu Ena Vakavakadewa Vou

²¹ E dua na domo sa rogo ena veidelana; Na domo ni nodra tagi Kei na vakamamasu na Isireli, Baleta ni ra sa kitaka na i valavala ca, Ka guilecavi Jiova na nodra Kalou.

Jeremaia 3:21 Iomraidhean Croise

Jope 33:27

Ena qai tukuna o koya ena matanalevu, Au sai valavala ca. Au a sega ni bau caka dodonu, Ia sa vakavotaka tikoga na Kalou na noqu bula.

Vosavakaibalebale 10:9

Na tamata yalodina ena taqomaki ka tiko vinaka, ia ena vesu ga o koya sa cakacaka vakatawadodonu.

Vosavakaibalebale 19:3

Eso na tamata era sa vakarusai ira ga ena veika lialia era cakava ka ra qai beitaki Jiova kina.

Aisea 15:2

Era sa cabe cake na lewe i Taiponi Me ra tagi ena i cabocabonisoro. Era sa tagicaki Nipo kei Meteva na kai Moapi, Ka ra sa toroya na uludra kei na kumidra ena rarawa.

Aisea 17:10

Kemuni na Isireli, O ni sa guilecava na Kalou ka sa vakabulai kemuni. Ia o ni sa tea na veikau talei, Mo ni qarava kina e dua na kalou tani.

Aisea 57:11

A sa kaya o Jiova, “O cei o ira na kalou era sa vakavuna mo ni rere, Ka mo ni lasu kina vei au Ka guilecavi au kina vakadua? Sa oti beka na nomuni rerevaki au Baleta ni'u sa rui galu tiko vakadede?

Jeremaia 12:12

Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Jeremaia 13:25

A sa kaya o Jiova ni sai koya oqo na ka ca ena yaco vei kemuni baleta ni o ni sa guilecavi koya, ka vakadinata na veikalou lasu.

Jeremaia 18:15

Ia o ira na noqu tamata Era sa guilecavi au; Era sa vakama na ka boi vinaka Ki na veimatakau. Era sa tarabe ena sala e dodonu Me ra lako kina, Era sa sega tale ni qai muri Ena veisala makawa, Era sa lako Ena veigaunisala a sega ni bau lakovi.

Jeremaia 2:32

Ena guilecava li e dua na gone yalewa na nona i ukuuku, se na yalewa vakarau vakamau na nona i sulu ni vakamau? Ia o ira na noqu tamata era sa guilecavi au, ena vuqa na siga ka sa sega ni wiliki rawa.

Jeremaia 3:2

Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Jeremaia 31:9

Era na tagi lesu mai Na noqu tamata, Ka masu ni'u sa liutaki ira mai. Au na tuberi ira ki na veiuciwai sa drodro malua, Ena dua na sala vinaka Me ra kakua ni tarabe kina. Au sa vaka e dua na tama vei Isireli; Ka sa luvequ qase duadua o Ifereimi.”

Jeremaia 7:29

Mo ni tagi na lewenivanua e Jerusalemi; Ni kotiva na drau ni ulumuni ka viri yawa. Ena veidelana mo ni lagata na sere ni veibulu baleta ni'u sa cudru Na nomuni Kalou ka cati kemuni.

Isikeli 23:35

O koya oqo, sa kaya kina na Kalou o Jiova: “Ni o sa guilecavi au, ka biuti au ki dakumu, o koya oqo mo colata kina na i sau ni nomu i valavala ca ka vakasisila ni dautagane.”

Isikeli 7:16

Eso era na dro ki na veiulunivanua me vakataki ira na ruve ni veibuca. Era na osivaka kece sara na nodra i valavala ca.

Osea 13:6

Ia, ena gauna ga o ni sa curuma kina na vanua vinaka, o ni sa qai yaco mo ni vakasinaiti vinaka sara ka vakamamautaki, ka sa qai tubu cake na nomuni dokadoka ka guilecavi au.

Osea 8:14

O ira na Isireli era sa tara na valenitui eso, ia era sa guilecavi koya ga ka sa buli ira. O ira na Juta era sa tara na veikoro eso sa vakabainivalu. Ia au na tala ga na bukawaqa me vakama na nodra valenitui kei na nodra veikoro.

Maika 3:9

Ni vakarorogo mada mai vei au, oi kemuni na dauveiliutaki e Isireli, oi kemuni sa dau cata tiko na lewa dodonu ka vukica na ka dina me cala.

Tiko mai na Lekutu 22:32

Sa qai kaya vua na agilosi i Jiova, Na cava o sa mokuta kina vakatolu na nomu asa? Au sa lako mai me'u mai tarovi iko, ni sa sega ni dodonu vei au na nomu i valavala.

2 Korinica 7:10

Na rarawa sa vaka na loma ni Kalou sa vakavuna na veivutuni sa yaco kina na vakabulai, sa sega ni veivutunitaki tale, ia na rarawa vakavuravura sa vakavuna na mate.