Jeremaia 3:18 - Vakavakadewa Vou kei na iVola tale eso

¹⁸ Ena gauna o ya sa na duavata tale o Isireli kei Juta ka rau sa na lako mai na vanua mai na tokalau ki na vanua au a solia vei ira na nodra qase nodra i votavota tawa mudu.”

Ai Vola Tabu (Vakadewa Makawa Vakavoutaki 2021)

¹⁸ E na gauna ko ya erau na lako vata na vale i Juta kei na vale i Isireli, ka ra na lako vata mai na vanua mai na vualiku ki na vanua ka'u a solia vei ira na nomudou qase me ra taukena.”

AI VOLA TABU

¹⁸ E na gauna o qori ena lako vata na mataqali i Juta kei na mataqali i Isireli, a ra na lako vata mai na vanua mai na tokalau ki na vanua kaʼu a solia vei ira na nomudou qase me ra taukena.

Vakavakadewa Makawa

¹⁸ E na gauna ko ya erau na lako vata na mataqali i Juta kei na mataqali i Isireli, ka ra na lako vata mai na vanua mai na tokalau ki na vanua ka'u a solia vei ira na nomudou qase me ra taukena.

Ai Vola Tabu Ena Vakavakadewa Vou

¹⁸ Ena gauna o ya sa na duavata tale o Isireli kei Juta ka rau sa na lako mai na vanua mai na tokalau ki na vanua au a solia vei ira na nodra qase nodra i votavota tawa mudu.”

Jeremaia 3:18 Iomraidhean Croise

Vakatekivu 12:7

A sa rairai tale vei Eparama o Jiova, ka kaya vua, “Sai koya oqo na vanua ka'u na solia vua na nomu kawa.” A sa mani tara kina e kea o Eparama e dua na i cabocabonisoro vei Jiova, o koya sa rairai vua.

Aisea 43:5

Ni kakua ni rere ni'u sa tiko kei kemuni. Au na kauti ira mai na nomu kawa Mai na tokalau kei na ra, Ka kauti ira mai ki na nomuni vanua.

Aisea 43:6

Au na kaya ki na vualiku me sereki ira mai Ka tukuna ki na ceva me kakua ni tarovi ira. Laivi ira na noqu tamata me ra lesu mai na veivanua yawa.

Jeremaia 16:15

Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Jeremaia 23:8

Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Jeremaia 3:12

Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Jeremaia 30:3

baleta ni na yaco mai na gauna au na kauti ira lesu tale kina na noqu tamata, na Isireli kei Juta. Au na kauti ira lesu tale mai ki na vanua au a solia vei ira na nodra qase me ra taukena tale.”

Jeremaia 31:8

Au na kauti ira mai cake, Vaka ki na vualiku Ka soqoni ira vata Mai na i yalayala kei vuravura Era sa lako vata mai Kei ira na lokiloki, Na mataboko, na yalewa bukete Kei ira na sa voleka ni vakasucu; Era sa lesu tale mai Me dua na matanitu levu.

Jeremaia 50:20

Ni na yaco mai na gauna o ya, ena sega ni dua na i valavala ca ena kune e Isireli ka sega na i tovo ca e Juta, baleta ni'u sa na vosoti ira kece na vo-ni-bula ka'u a laivi ira me ra bula tiko. Sa kaya ga oqo o Jiova.”

Jeremaia 50:4

A sa kaya na Turaga o Jiova, “Ena yaco mai na gauna era sa na lako mai na Isireli vata kei ira na Juta, era na lako mai ka tagi ka vaqarai au na nodra Kalou.

Jeremaia 50:5

Era na taroga na sala ki Saioni, ka lako yani kina. Era na cakava e dua na veiyalayalati tawa mudu vata kei na Turaga ka sega sara ni voroka.

Jeremaia 7:7

Ia, au na qai laiva mo ni na tiko ga ena vanua oqo, na vanua au a solia vei ira na nomuni qase me nodra i votavota tawa mudu.

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Osea 1:11

Era na qai vakaduavatataki tale o ira na Juta kei ira na Isireli. Era na digitaka vakai ira e dua me liutaki ira; era na qai tubu cake ka tiko vinaka tale ena nodra vanua. Io, na siga i Jesireli ena dua dina na siga lagilagi!

Osea 11:12

A sa kaya vakaoqo o Jiova, “O ira na Isireli era sa tiko wavoliti au ena nodra vosa lasu kei na veivakaisini, ka ra se veisaqasaqa voli ga na Juta vaka kei au, na Kalou yalodina ka tabu.

Osea 2:2

Kemuni na luvequ, ni vakamasuti tinamuni mada — ka dina ga ni sa sega ni qai watiqu o koya, ka'u sa sega ni watina oi au. Vakamasuti koya me tarova na nona dautagane kei na nona dauvolitaka na yagona.

Emosi 9:15

Au na teivaki ira na noqu tamata ena nodra vanua, Ka ra na sega tale ni qai cukiraki tani Mai na vanua ka'u sa solia vei ira.” Sa vosa vakaoqo o Jiova na nomuni Kalou.

Sakaraia 10:6

Au na vakaukauwataki ira na Juta; Ka'u na vueti ira cake na Isireli. Au na yalo loloma vei ira Ka kauti ira lesu kece tale mai ki na nodra vanua. Era na qai vaka ga ni'u a sega ni biuti ira laivi. Oi au o Jiova na nodra Kalou; Ka'u na sauma na nodra masu.

Sakaraia 2:6

A sa qai kaya o Jiova vei ira na nona tamata, “Au a vakayacora mo ni veiseyaki ki na veivanua kecega.