Jeremaia 3:14 - Vakavakadewa Vou kei na iVola tale eso

¹⁴ Oi kemuni na tamata sa sega ni yalodina, mo ni lesu mai vei au; ni o ni sa noqu tamata. Au na kauta e yadua vei kemudou mai na dua na koro, ka yarua mai na dua na mataqali, ka'u na kauti kemuni lesu tale ki na ulunivanua o Saioni.

Ai Vola Tabu (Vakadewa Makawa Vakavoutaki 2021)

¹⁴ Dou lesu mai, na gone dauvuki, sa kaya ko Jiova; ni'u sa veiwatini kei kemudou; ka'u na qai kauti kemudou, e dua mai na dua na koro, ka rua mai na dua na vuvale, ia ka'u na kauti kemudou mai ki Saioni.

AI VOLA TABU

¹⁴ Dou lesu mai, na gone dauvuki, sa kaya ko Jiova; niʼu sa veiwatini kei kemudou: kaʼu na qai kauti kemudou, e dua mai na dua na koro, ka rua mai na dua na mataqali, ia kaʼu na kauti kemudou mai ki Saioni:

Vakavakadewa Makawa

¹⁴ Dou lesu mai, na gone dauvuki, sa kaya ko Jiova; ni'u sa veiwatini kei kemudou: ka'u na qai kauti kemudou, e dua mai na dua na koro, ka rua mai na dua na mataqali, ia ka'u na kauti kemudou mai ki Saioni:

Ai Vola Tabu Ena Vakavakadewa Vou

¹⁴ Oi kemuni na tamata sa sega ni yalodina, mo ni lesu mai vei au; ni o ni sa noqu tamata. Au na kauta e yadua vei kemudou mai na dua na koro, ka yarua mai na dua na mataqali, ka'u na kauti kemuni lesu tale ki na ulunivanua o Saioni.

Jeremaia 3:14 Iomraidhean Croise

2 Veigauna 30:6

Era a lako yani na i talai ki na veivanua e Isireli, ka ra kauta yani na nona i vola na tui, kei ira na nona turaga, me vaka a vakarota na tui, ka kaya, Oi kemuni na Isireli, mo ni lesu tale vei Jiova na Kalou i Epara-ama, i Aisake, kei Isireli, ena qai golevi kemuni o koya, oi kemuni na vo-ni-bula ka dro mai na ligana na tui Asiria.

Aisea 1:9

Kevaka e a sega ni vakavoca o Jiova Se vica vei keda e bau bula. Ke da a vakataki Sotoma Ka sega ni vinaka cake vei Komora.

Aisea 10:22

E dina ga ni ra lewe levu sara na Isireli me vaka na mataninuku ena matasawa, era na lewe lailai sara na vo-ni-bula era na lesu tale mai. Sa lewai me yaco na veivakarusai, ka sa dodonu ga me yaco vakakina.

Aisea 17:6

Ena qai vo wale ga e vica wale sara na tamata, Ka na yaco o Isireli me vaka e dua na vuniolive, Sa tau kece sara na vuana, Ka qai vo toka ga e rua se tolu e tuvukana, Se va se lima ena veitabana;” Sa i au ga o Jiova na Kalou ni Isireli sa kaya oqo.

Aisea 27:12

Ena siga o ya e sa na veilewaitaki ira kina na nona tamata na Isireli o Jiova me tekivu mai na i yalayala ni matanitu mai na dua na yasana me yaco yani ki na yasana ka dua. Me tekivu mai na Uferetisi me yaco ki na i yalayala kei Ijipita.

Aisea 31:6

Kemuni na Isireli, ni lesu mai vei koya o ni sa talaidredre vua.

Aisea 44:22

Au a sa taviraka tani na nomuni valavala ca me vaka na o. Ni lesu tale mai vei au, oi au ga au na vakabulai kemuni.

Aisea 54:5

Ni sa vaka na watimu o koya sa buli iko, Na yacana o Jiova ni lewevuqa. Sa nomu i vakabula na Kalou Yalo Savasava ni Isireli O koya sa lewa na vuravura taucoko.

Aisea 55:7

Laivi ira na tamata ca me ra biuta na nodra i valavala Ka veisautaka na i tovo ni nodra vakasama. Laivi ira me ra gole vei Jiova na noda Kalou, Sa yalololoma o koya ka dau totolo na nona veivosoti.

Aisea 57:17

Au a totogitaki ira ena noqu cudru Ka'u biuti ira sara. Ia era sa qai yalo kaukauwa ka muria ga na lomadra.

Aisea 6:13

Kevaka e dua na i katini e vo tiko, Ena vakarusai talega; Ia me vaka na oki, Ena duri tu ga na kena dulumi Ni sa musu na kau. Era na cava bula vakakina eso na noqu digitaki.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 2:2

Me'u tukuna vei ira yadua mai Jerusalemi Na nona vosa oqo: “Au sa nanuma tiko na nomu yalodina Ni o a se gone, Ena nomu daulomani au Ni daru a se qai vakawati; O a muri au ena loma ni vanua dravuisiga, Ki na dua na vanua e se sega ni bau teivaki.

Jeremaia 23:3

Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Jeremaia 29:14

Au na laivi kemuni mo ni kunei au, sa kaya o Jiova, ka'u na qai vakalesuya vei kemuni na nomuni kalougata ka kumuni kemuni vata mai na veivanua ka'u a vakasavi kemuni kina. Ka'u na kauti kemuni lesu ki na veivanua au a kauti kemuni vakavesu mai kina.”

Jeremaia 3:1

A sa kaya o Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya o Jiova.

Jeremaia 3:12

Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Jeremaia 3:8

Sa raica talega o Juta ni'u sa veisere kei Isireli ka solia vua na i vola ni veibiu baleta ni sa gole tani mai vei au ka yaco me yalewa dautagane. Ia o Juta na taci Isireli sega ni yalodina sa sega ni rere. Sa yaco talega me dautagane,

Jeremaia 31:12

Era na lako mai ka sere ena marau Ena Ulunivanua o Saioni, Ka ra na marautaka na veisolisoli ni Turaga Na vua ni sila, na waini, na waiwai, Na sipi kei na bulumakau. Era sa vaka e dua na i teitei sa vakasuasuataki vakavinaka, Ka ra sega tale ni kila na rarawa.

Jeremaia 31:32

Ena sega ni vakakina na veiyalayalati au a cakava kei ira na nodra qase ena gauna au a kauti ira tani kina mai Ijipita, e dua na veiyalayalati era a voroka, ka dina ga ni'u a watidra tagane.

Jeremaia 31:6

Ia ena yaco mai na gauna era na kacivaka mai kina na yadra ena veidelana mai Ifereimi, ‘Me da cavutu ka lako cake ki Saioni, vei Jiova na noda Kalou.’ ”

Osea 5:15

“Au na biuti ira vakatikitiki na noqu tamata me yacova na gauna sa veirauti vinaka kina na nodra vakararawataki ena vuku ni nodra i valavala ca ka vakasaqarai au tale mai. Ni ra na saga me ra kunei au ena gauna ni nodra rarawa.”

Sakaraia 1:4

Ni kakua sara ni vakataki ira na nomuni qase e liu. Era a solia vei ira na noqu i tukutuku o ira na parofita era a bula tu ena gauna makawa sara, ka tukuni kina vei ira me ra sa kakua soti ni bula voli ena i valavala ca. Ia era a sega ni vakarorogo se ra talairawarawa vei au.

Roma 9:27

Sa kacivaka o Aisea na veika me baleti Isireli: “Kevaka sara mada ga era lewe levu me vaka na mata ni nuku ena matasawa o ira na Isireli, ia ena lewe vica ga vei ira na vo-ni-bula ena vakabulai;