Jeremaia 3:12 - Vakavakadewa Vou kei na iVola tale eso

¹² Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Ai Vola Tabu (Vakadewa Makawa Vakavoutaki 2021)

¹² Mo la'ki tukuna na vosa oqo vaka ki na vualiku, ka kaya, “ ‘Dou lesu mai, na Isireli sa dauvuki, sa kaya ko Jiova. Ka'u na qai sega ni vakatauca na noqu cudru vei kemudou, ni'u sa yalololoma, sa kaya ko Jiova; ka'u na sega ni vakadedetaka tikoga na noqu cudru me sega ni mudu.

AI VOLA TABU

¹² Mo laʼki tukuna na vosa o qo kivakaki na tokalau, ka kaya, Dou lesu mai, na Isireli dauvuki, sa kaya ko Jiova; kaʼu na qai sega ni vakatauca na noqu cudru vei kemudou: niʼu sa yalololoma, sa kaya ko Jiova, kaʼu na sega ni vakabauta tikoga na noqu cudru me tawa mudu.

Vakavakadewa Makawa

¹² Mo la'ki tukuna na vosa oqo vaka ki na tokalau, ka kaya, Dou lesu mai, na Isireli sa dauvuki, sa kaya ko Jiova; ka'u na qai sega ni vakatauca na noqu cudru vei kemudou: ni'u sa yalololoma, sa kaya ko Jiova, ka'u na sega ni vakadedetaka tikoga na noqu cudru me sega ni mudu.

Ai Vola Tabu Ena Vakavakadewa Vou

¹² Sa tukuna vei au me'u lako cake vaka ki na vualiku ka kaya vei Isireli, “O iko Isireli sa sega ni yalodina, mo lesu mai vei au. Sa Kalou yalololoma oi au, ka'u na sega ni cudru; Au na sega ni cudruvi iko me tawamudu.

Jeremaia 3:12 Iomraidhean Croise

Vakatekivu 4:7

Kevaka sa vinaka na nomu i madrali, o na mata mamarau tiko; ia me vaka na nomu sa caka cala, sa wawa koto na i valavala ca e mata ni nomu katuba me vakacacani iko. Sa vinakata me lewai iko, ia mo vakamalumalumutaka ga.”

2 Tui 15:29

Ena gauna i Peka na tui Isireli, a lako mai o Tikilaci Pileseri na tui Asiria, ka valuta na veikoro o Aijoni, o Epeli Peci Maka, o Janoa, o Ketesi, o Asori, o Kiliati, kei Kalili, na vanua taucoko o Navitalai, ka kauti ira vakabobula na tamata ki Asiria.

2 Tui 17:23

ka yacova na gauna sa qai biuti ira laivi vakadua kina na Isireli o Jiova mai matana, me vaka sa tukuna oti ena gusudra na nona tamata na parofita. Era a kau tani kina vakavesu na Isireli ki Asiria, ka ra se tiko ga mai kea.

2 Tui 17:6

ka donuya oqo na i kaciwa ni yabaki ni veiliutaki vakatui i Osea, sa qai vesuka na koro o Samaria na tui Siria, ka kauti ira yani vakavesu na Isireli ki Asiria, ka vakatikora ira ena koro levu o Ela, ena tikina o Kosani ka volekata na uciwai o Apori, kei na veikoro lelevu eso mai Mitia.

2 Tui 18:1

Ena i katolu ni yabaki ni veiliutaki vakatui i Osea na luve i Ela e Isireli, a sa yaco me tui Juta o Esekaia na luve i Easi

2 Veigauna 29:10

Ia oqo, sa tiko e lomaqu me caka e dua na veiyalayalati kei Jiova na Kalou ni Isireli me vagolei tani kina mai vei keda na nona cudru waqawaqa.

2 Veigauna 30:9

Ia kevaka o ni lesu tale vei Jiova, era na kune loloma mai vei ira era vakabobulataki ira o ira na wekamuni, kei ira na luvemuni, ka lesu tale mai ki na vanua oqo. Sa yalo vinaka ka yalo loloma o Jiova na nomuni Kalou, ka na sega ni rawa ni vagolea tani mai vei kemuni na matana, kevaka o ni lesu vua.

NA SAME 103:17

Ia, na loloma tudei ga i Jiova vei ira era sa rerevaki koya sa ia tikoga ka sega ni mudu, Ka sa na vakataudeitaki na nona yalovinaka vei ira me yacova na veitabatamata kecega,

NA SAME 103:8

Sa yalododonu ka dau lomasoli o Jiova, Sa berabera ni cudru ka sa sinai ena loloma tudei.

NA SAME 103:9

Sa sega ni dau ia tikoga na veivunauci o koya, Ena sega ni cudru tikoga ka sega ni mudu.

NA SAME 145:8

Sa yalovinaka ka dau mataloloma o Jiova; Sa dau berabera ni cudru ka sa sinai ena loloma tudei.

NA SAME 79:5

I Jiova, o ni na cudruvi keimami tikoga li ka sega ni mudu? Ena waqa tiko li na nomuni cudru me vaka na bukawaqa?

NA SAME 86:15

Ia, oi kemuni na Turaga, o ni sa Kalou yalololoma ga ka dau yalololoma, O ni sa dau berabera ga ni cudru ka sa sinai sara ena loloma tudei kei na yalodina.

NA SAME 86:5

O ni sa vinaka ka dau veivosoti Turaga, O ni sa sinai ena loloma tudei vei ira kece era masuti kemuni.

Vosavakaibalebale 28:13

O na sega ni toro cake kevaka o vunia tiko na nomu i valavala ca. Mo vakatusa ga ka biuta tani, ena qai vakaraitaka kina vei iko na Kalou na nona yaloveivosoti.

Aisea 31:6

Kemuni na Isireli, ni lesu mai vei koya o ni sa talaidredre vua.

Aisea 44:22

Au a sa taviraka tani na nomuni valavala ca me vaka na o. Ni lesu tale mai vei au, oi au ga au na vakabulai kemuni.

Jeremaia 11:6

A qai kaya o Jiova vei Jeremaia, “Mo la'ki kacivaka na veivosa kece oqo ena veikoro e Juta kei na veigaunisala mai Jerusalemi. Ni rogoca na veivosa ni veiyalayalati ka muria.

Jeremaia 12:15

Ia ni'u sa kauti ira tani oti, au sa qai lomani ira, au na qai kauta lesu tale na veimatanitu yadua ki na dui nodra vanua kei na dui nodra veimatanitu.

Jeremaia 23:8

Ia, era na bubului vei au ni sai au na Kalou bula, ka kauti ira tani mai na Isireli mai na matanitu mai cake, vaka ki na vualiku, kei na veimatanitu tale eso au a vakasavi ira kina. Ia era sa na qai mai tiko tale ena nodra vanua dina.”

Jeremaia 3:1

A sa kaya o Jiova, “Kevaka e dua na tagane sa veisere kei na watina yalewa, ka sa biuti koya talega na watina yalewa ka la'ki watina tale e dua, e dodonu li me tauri koya tale na tagane watina e liu? Sa vakadukadukalitaki na vanua ena nomu veidauci kei ira na tagane o sa domona, ia ka'u sa sureti iko ga mo lesu tale mai vei au, sa kaya o Jiova.

Jeremaia 3:14

Oi kemuni na tamata sa sega ni yalodina, mo ni lesu mai vei au; ni o ni sa noqu tamata. Au na kauta e yadua vei kemudou mai na dua na koro, ka yarua mai na dua na mataqali, ka'u na kauti kemuni lesu tale ki na ulunivanua o Saioni.

Jeremaia 3:18

Ena gauna o ya sa na duavata tale o Isireli kei Juta ka rau sa na lako mai na vanua mai na tokalau ki na vanua au a solia vei ira na nodra qase nodra i votavota tawa mudu.”

Jeremaia 3:22

Lesu mai, Oi kemuni kece sa gole tani mai vei Jiova. Ena vakabulai kemuni, Ka vakavuna mo ni yalodina. O Ni sa kaya, “Io, keimami sa lako mai vei Jiova baleta ni sai koya o Jiova na neimami Kalou.

Jeremaia 3:5

O ni cudru tiko li ka tawa mudu, ka na sega ni oti rawa li na nomuni rarawa? Isireli, sai koya o ya na vakatutusa ni gusumu, ia o sa cakava tikoga na ka ca kecega o cakava rawa.”

Jeremaia 3:7

Au nanuma, ni sa oti na nona cakava na ka kece oqo, sa na lesu dina mai vei au! Ia, sa sega ni lesu mai, ka sa raica na tacina sega ni yalodina o Juta na ka oqo.

Jeremaia 30:11

Au na tiko kei kemuni Me'u vakabulai kemuni. Au na vakarusai ira Na veimatanitu kecega Ka'u a vakasavi kemuni kina; Ia au na sega ni vakarusai kemuni. Au na sega ni laivi kemuni Mo ni kakua ni totogi; Ia ni'u na totogitaki kemuni Ena vakarauta ga. Ni sai Jiova ga sa kaya oqo.”

Jeremaia 31:20

I Isireli, Sa i iko na noqu gone ni toko, Na gone au lomana duadua vakalevu. Ena gauna kece sara au cavuta kina na yacamu, Au na dau nanumi iko ena loloma. Sa guti iko na lomaqu; Au na yalo loloma dina vei iko.

Jeremaia 31:21

Vakaduria na veivakatakilakila Ka vakatakilakilataka na gaunisala, Vakasamataka vinaka na gaunisala o a lako kina. Kemuni na Isireli, ni lesu mai, Ni lesu mai ki na nomuni veikoro.

Jeremaia 31:8

Au na kauti ira mai cake, Vaka ki na vualiku Ka soqoni ira vata Mai na i yalayala kei vuravura Era sa lako vata mai Kei ira na lokiloki, Na mataboko, na yalewa bukete Kei ira na sa voleka ni vakasucu; Era sa lesu tale mai Me dua na matanitu levu.

Jeremaia 33:26

au sa na qai biuti ira na kawa i Tevita na noqu dauveiqaravi, ka'u na sega ni digitaka e dua na kawa i Tevita me liutaki ira na kawa i Epara-ama, Aisake kei Jekope. Au na vakalesuya tale mai na nodra kalougata na noqu tamata, ka lomani ira ena yalo loloma.”

Jeremaia 4:1

Kemuni na Isireli, kevaka o ni lesu mai, ni lesu mai vei au,” sa kaya o Jiova. “Ni biuti ira laivi na matakau vakasisila, mo ni lesu mai ka yalodina vei au,

Lele i Jeremaia 3:22

Na loloma tudei i Jiova sa ia tikoga, Ka sa sega ni mudu na nona yalololoma.

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Isikeli 33:11

Mo kaya vei ira, Me vaka na dina ni noqu bula, sa kaya na Kalou o Jiova, au sa sega ni vinakata se marautaka me mate na tamata ca, au vinakata ga me vuki tani mai o koya mai na nona i tovo ca; a cava li o ni via mate kina Oi Kemuni na Mataqali i Isireli?

Isikeli 39:25

Sa qai kaya na Turaga o Jiova, “O koya oqo au sa na vakasuka tale na veika vinaka a yaco vei Jekope, kauti ira tale mai na Jekope era sa tiko vakabobula, ka'u na yalololoma vei ira kece na mataqali i Isireli; ia ka'u na vuvutaka ena vuku ni yacaqu tabu.

Osea 6:1

Era sa kaya na tamata, “Me da mai lesu vei Jiova! A sa vakararawataki keda o koya, ia ena vakabulai keda sara vakaidina; a sa vakamavoataki keda, ia ena vauca talega na noda mavoa.

Vunau ni Soro 26:40

Ia era na vakatusa na nodra i valavala ca kei na nodra caka cala na nodra qase, o ira oqo sa saqati au ka vakanadakui au,

Sakaraia 1:4

Ni kakua sara ni vakataki ira na nomuni qase e liu. Era a solia vei ira na noqu i tukutuku o ira na parofita era a bula tu ena gauna makawa sara, ka tukuni kina vei ira me ra sa kakua soti ni bula voli ena i valavala ca. Ia era a sega ni vakarorogo se ra talairawarawa vei au.

Vakarua 30:2

Ia kevaka o ni lesu tale vei Jiova o kemuni kei ira na luvemuni, ka muria na nona i vakaro au sa solia vei kemuni edaidai, ena qai lomani kemuni o Jiova ka na vakasukai kemuni mai na veimatanitu sa vakasavi kemuni kina, ka vakavuna tale mo ni tiko vinaka.