Jeremaia 27:9 - Vakavakadewa Vou kei na iVola tale eso

⁹ Ni kakua ni vakarorogo vei ira na nomuni parofita se vua e dua a kaya ni rawa ni parofisaitaka na veika mai muri ena raivotu se ena nodra kaciva na yalodra na mate, se ena nodra caka mana. Era tukuna kecega mo ni kakua ni qarava na tui Papiloni.

Ai Vola Tabu (Vakadewa Makawa Vakavoutaki 2021)

⁹ Ia koi kemudou, dou kakua kina ni rogoci ira na nomudou parofita, se ko ira na nomudou rairai, se ko ira na nomudou dautadra, se ko ira na nomudou daucaka mana lasu, se ko ira na nomudou daucakaisausau, era sa vosa vei kemudou, ka kaya, ‘Dou na sega ni qaravi tui Papiloni.’

AI VOLA TABU

⁹ Ia koi kemudou, dou kakua kina ni rogoci ira na nomudou parofita, sei ira na nomudou rairai, sei ira na nomudou dautadra, sei ira na nomudou daucaka mana lasu, sei ira na nomudou daucakai sausau, era sa vosa vei kemudou, ka kaya, Dou na sega ga ni qaravi tui Papiloni:

Vakavakadewa Makawa

⁹ Ia koi kemudou, dou kakua kina ni rogoci ira na nomudou parofita, se ko ira na nomudou rairai, se ko ira na nomudou dautadra, se ko ira na nomudou daucaka mana lasu, se ko ira na nomudou daucakai sausau, era sa vosa vei kemudou, ka kaya, Dou na sega ni qaravi tui Papiloni:

Ai Vola Tabu Ena Vakavakadewa Vou

⁹ Ni kakua ni vakarorogo vei ira na nomuni parofita se vua e dua a kaya ni rawa ni parofisaitaka na veika mai muri ena raivotu se ena nodra kaciva na yalodra na mate, se ena nodra caka mana. Era tukuna kecega mo ni kakua ni qarava na tui Papiloni.

Jeremaia 27:9 Iomraidhean Croise

Lako Yani 22:18

“Me vakamatei na yalewa vakayadua sa daucaka i sausau se dauqaravi tevoro.

Lako Yani 7:11

A qai vakarota na tui me ra lako mai na nona tamata vuku kei ira na daucakaisausau; era vakayacora talega vakakina, ena nodra i valavala na daucakamana ni Ijipita,

Vosavakaibalebale 19:27

Na luvequ ni sa mudu ga na nomu vuli, sa na totolo talega na nomu guilecava na veika o sa bau kila tu.

Aisea 8:19

Era na kaya vei kemuni na tamata mo ni la'ki taro i tukutuku vei ira na daurairai kei ira era daucurumi, o ira era dau vosa e ra ka vakasolokakana. Na matanitu yadua sa dodonu me qara na i vakasala ni kena kalou, me ra tarogi ira na mate ena vukudra na bula.

Jeremaia 14:14

Ia sa qai kaya o Jiova, “Era sa vosataka na veika lasu na parofita ena yacaqu. Au a sega ni talai ira, au sega ni vakaroti ira se vosa vei ira. Era sa tukuna vei kemuni na veiraivotu lasu, na veivosa yalayala tawa yaga kei na veika ga era nanuma.

Jeremaia 23:16

Sa kaya o Jiova vei ira na lewe i Jerusalemi, “Ni kakua ni rogoca na veika era kaya na parofita ni ra sa vakasinaiti kemuni ena vakanuinui mate wale. Era sa tukuna vei kemuni na veika ga era nanuma ka sega ni veika au tukuna.

Jeremaia 23:25

Au sa kila na veika era sa tukuna na parofita oqori era sa dau vosa lasu ena yacaqu, ka ra kaya ni'u sa vosa vei ira ena raivotu.

Jeremaia 23:32

Ni rogoca na veika au sa kaya vakaoqo! Au sa saqati ira na parofita era sa tukuna na nodra tadra ka sa sinai ena lasu. Era sa saqati ira na parofita era sa tukuna na nodra tadra ka vagolei ira tani na noqu tamata ena nodra lasu kei na nodra dokadoka. Au a sega ni talai ira se vakaroti ira me ra lako, ka sa sega sara na kedra yaga vei ira na tamata. Sa i au ga, o Jiova, sa tukuna na veika oqo.

Jeremaia 29:8

A sa kaya na Turaga Qaqa na nodra Kalou na Isireli, ni qarauna mo ni kakua ni vakacalai mai vei ira na parofita era tiko kei kemuni se mai vei ira tale eso na daurairai era kaya ni rawa ni ra parofisaitaka na veika ena yaco mai muri. Ni kakua sara ni kauwaitaka na nodra tadra.

Isikeli 21:29

Ni ra sa raica vei iko na nomu raivotu vakailasu ena vukumu ka me taubeni e domodra na tamata beci ka dauvere, o ira ka sa yaco mai na kedra siga, me ra totogi kina ena vuku ni nodra caka cala.

Taniela 4:7

Era a qai soqoni kece mai na daukilakila, na daucaka mana, na tamata vuku kei ira na dautukuni kalougata. Au a tukuna vei ira na noqu tadra, ia era a sega ni tukuna rawa vei au na kena i balebale.

Maika 3:7

O ira era dautukuna na veika e se bera ni yaco era na qai madua ga ni sa cala na nodra vosa ni yalayala. Era na vakamadualaki baleta ni sa sega ni vakayacora na Kalou na ka era sa tukuna.

Sakaraia 10:2

E ra sa dau kauta ga na tamata na nodra leqa vei ira na daurairai, ia na nodra i wali ni leqa sa tawayaga ga ka lasulasu. Eso era sa dautukuna na i balebale ni tadra, ia era sa vakacalai kemuni wale ga; na veivakacegui era solia sa sega ni yaga. O koya oqo era sa lako voli kina me vaka na sipi sa lako sese o ira na tamata. Era sa leqa sara baleta ni sa sega na nodra i liuliu.

Malakai 3:5

Sa qai kaya na Turaga na Kalou Levu, “Au na rairai mai vei kemudou me ia na veilewai, ka'u na kusarawa ni tukuna na nodra ca na daucakaisausau, na dauveibutakoci, na daububului vakailasu, o ira era daubutakoca na i sau ni tamata cakacaka, o ira era dau vakasaurarataki ira na yada, na luveniyali, na kai tani, kei ira era sa sega ni vakarokorokotaki au.”

Cakacaka 8:11

Era vakarogoci koya tiko vaka o ya baleta ni sa dede na nona dau vakurabuitaki ira tiko ena nona caka mana.

Efeso 5:6

Me kakua ni dua me vakacalai kemuni ena veivosa tawayaga. Ni sai ira oqo na veika ena yaco kina na cudru ni Kalou vei ira na dautalaidredre vua.

Vakarua 13:2

ka sa mani yaco dina na cakacaka mana o ya se na ka veivakurabuitaki e tukuna, Ia kevaka e kaya mo ni goleva ka qarava na veikalou tani o ni sega ni kila,

Vakarua 18:14

A qai kaya o Mosese, Ena vanua o ni vakarau la'ki taukena, era dau vakamuria o ira na lewena na nodra i vakasala na daurairai kei ira era kila na i vakatakilakila eso, ia o Jiova na nomuni Kalou sa sega ni vakadonuya mo ni cakava na ka oqo.

Josua 13:22

A sa okati vata kei ira na tamata era a vakamatea na Isireli o Balami na daurairai na luve i Piori.

Vakatakila 18:23

Ena sega ni kune tale vei iko na rarama ni cina; ena sega ni rogo tale na domo ni tagane vou se na yalewa vou sa qai vakawati. O ira na nomu dauveivoli era a tamata kaukauwa sara e vuravura, ka o sa vakacalai ira kecega na tamata ena veivanua kecega mai na nomu i lawaki!”

Vakatakila 21:8

Ia o ira sa dadatuvu, na tawa vakabauta, o ira sa vakasisila na nodra i vakarau, o ira sa daulaba, na dautagane kei na dauyalewa, na dauvakatevoro, na dauqaravi kalou tani kei ira kece sa daulasulasu — sa nodra i votavota ga na drano buka kei na sulifure. Sa i koya oqo na i karua ni mate.”

Vakatakila 22:15

Ia e taudaku ni koro, era sa tu kina o ira era sa dauvakatanitaka na bula, na dauvakatevoro, na dauyalewa kei na dautagane, na daulaba, na dauqaravi kalou matakau, kei ira na daulasu.

Vakatakila 9:21

Era sa sega talega ni veivutunitaka na nodra daulaba, se na nodra cakacaka vakadraunikau, se na nodra dauyalewa kei na dautagane, se na nodra daubutako.