Jeremaia 27:6 - Vakavakadewa Vou kei na iVola tale eso

⁶ Oi au ga au a soli ira na veimatanitu kece oqo ki na liga ni noqu dauveiqaravi o Nepukanesa na tui Papiloni; ka'u bau soli ira talega na manumanu kila me ra qaravi koya.

Ai Vola Tabu (Vakadewa Makawa Vakavoutaki 2021)

⁶ Ia koi au, ka'u sa qai solia edaidai na veivanua kecega oqo ki na liga i Nepukanesa na tui Papiloni, na noqu tamata; ia na manumanu talega ni vanua ka'u sa solia vua me qaravi koya.

AI VOLA TABU

⁶ Ia koi au, kaʼu sa qai solia edaidai na veivanua kecega o qo ki na liga i Nipukatinesari na tui Papiloni, na noqu tamata; ia na manumanu ni vanua talega kaʼu sa solia vua me qaravi koya:

Vakavakadewa Makawa

⁶ Ia koi au, ka'u sa qai solia edaidai na veivanua kecega oqo ki na liga i Nepukanesa na tui Papiloni, na noqu tamata; ia na manumanu talega ni vanua ka'u sa solia vua me qaravi koya:

Ai Vola Tabu Ena Vakavakadewa Vou

⁶ Oi au ga au a soli ira na veimatanitu kece oqo ki na liga ni noqu dauveiqaravi o Nepukanesa na tui Papiloni; ka'u bau soli ira talega na manumanu kila me ra qaravi koya.

Jeremaia 27:6 Iomraidhean Croise

2 Tui 25:28

A sa vosa vinaka vua o Ivilimirotaki, ka vakatikori koya ena i tutu cecere ka uasivi mai vei ira na vo ni tui era a kau vakabobula yani ki Papiloni.

2 Veigauna 36:23

Sa i koya oqo na i vakaro i Sairusi na tui Perisia: Sa solia oti vei au o Jiova na Kalou ni lomalagi na veimatanitu kece e vuravura, ka sa lesi au me'u tara vua e dua na nona vale e Jerusalemi, ka sa tiko e Juta. Ia vei kemuni kece na tamata i Jiova, ni lako ki kea, ka me qai tiko ga kei kemuni o Jiova na nomuni Kalou.

Aisea 44:28

Au na kaya ena vuku i Sairusi, Sa i koya na noqu i vakatawa, Ka na vakayacora kece na noqu i naki. O na vakarota me tara tale o Jerusalemi, Ka caka tale na yavu ni Valenisoro.

Jeremaia 21:7

A sa kaya o Jiova, “Ni oti o ya, au na soli Setekaia na tui Juta, kei ira na nona vakailesilesi kei na tamata kece ena koro oqo era bula mai na i valu, kei na mate ca, kei na dausiga ki na liga i Nepukanesa na tui Papiloni kei na ligadra na kedra meca kei ira era via vakamatei ira. Ena vakamatei ira o Nepukanesa. Ena sega ni vakabula e dua vei ira, ena sega ni yalo vinaka se yalo loloma vei ira.”

Jeremaia 22:25

Ka soli iko vei ira era via vakamatei iko, o ira o sa rerevaki ira. Au na soli iko vei tui Nepukanesa mai Papiloni kei ira na nona sotia.

Jeremaia 24:1

Sa vakaraitaka vei au o Jiova e rua na kato lolo ena mata ni vale tabu. Oqo ena gauna sa kau oti kina vakavesu mai Jerusalemi na tui o Jo-akini na luvei Jo-akimi mai Juta, mai vei Nepukanesa na tui Papiloni. A sa kauti ira vata kaya na turaga e Juta, kei ira na matai ni ceu vatu talei kei ira na matai tale eso ki Papiloni.

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 28:14

A tukuna o Jiova ni lewevuqa, na nodra Kalou na Isireli ni na vakacolata na i vua kaukamea ki na veimatanitu kecega oqo ka ra na qaravi Nepukanesa na tui Papiloni. Sa cakava talega na Turaga me qaravi Nepukanesa na manumanu kila.

Jeremaia 43:10

Ia mo qai tukuna vei ira ni a tukuna na Turaga Qaqa na nodra Kalou na Isireli. Au na kauta mai na noqu dauveiqaravi o Nepukanesa na tui Papiloni. Ena mai vakadabera na nona i tikotiko vakatui ena dela ni veivatu oqo, ka na birika ena delana na nona valelaca vakaturaga vakatui.

Jeremaia 49:30

Kemuni na tamata mai Asori, sa vakaroti kemuni o Jiova mo ni dro sara vakayawa ka vunitaki kemuni. Sa bukiveretaki kemuni o Nepukanesa na tui Papiloni, ka sai koya oqo na ka e tukuna,

Isikeli 29:12

Au na vakavuna me vanua lala o Ijipita e vuravura. Ena vakaleqai ka lala tu na veikoro lelevu e Ijipita me vasagavulu na yabaki, ka ca vakalevu sara mai na veikoro tale eso. Era na tamata vakasevi na lewena ka ra veiseyaki e veivanua.

Isikeli 30:24

Ia ka'u na vakaukauwataka na liga i tui Papiloni, ka solia na noqu i seleiwau ki na ligana; ka'u na musuraka na liga i tui Ijipita, ia ena vutugu talega me vaka e dua na tamata sa vuetaki me mate.

Taniela 4:12

A rairai drokadroka vinaka na drauna, ka so bi tu ena vuana, ia sa rauti vuravura taucoko me kana kina. Era vakaruru e rukuna na manumanu kila ka ra vakacegu e tabana na manumanu vuka, ka ra sa kana mai na vuana na veika kecega sa bula.

Taniela 4:22

Kemuni na tui, sai kemuni na vunikau oqo. O ni sa tubu me qaqa. O ni sa tubu me tara na lomalagi na nomuni rogo kei na nomuni qaqa ka sa roboti vuravura taucoko na nomuni kaukauwa.