Jeremaia 26:5 - Vakavakadewa Vou kei na iVola tale eso

⁵ ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Ai Vola Tabu (Vakadewa Makawa Vakavoutaki 2021)

⁵ ka mo dou vakarorogo ki na vosa ni noqu tamata na parofita, ko ira ka'u sa tala vei kemudou—ka dou a sega ga ni vakarorogo—

AI VOLA TABU

⁵ me vakarorogo ki na vosa ni noqui talatala na parofita, o ira kaʼu sa tala vei kemudou, ka sou e na sabogibogi me tala, ia dou a sega ga ni vakarorogo;

Vakavakadewa Makawa

⁵ ka sega ni vakarorogo ki na vosa ni noqu i talatala na parofita, ko ira ka'u sa tala vei kemudou, ka sou e na mataka me'u tala, ia dou a sega ga ni vakarorogo;

Ai Vola Tabu Ena Vakavakadewa Vou

⁵ ka rogoca na nodra vosa na noqu dauveiqaravi na parofita au sa talai ira tiko yani vei kemuni, ia o ni sa sega ni rogoci ira.

Jeremaia 26:5 Iomraidhean Croise

2 Tui 17:13

A sa talai ira yani na nona tamata kei na parofita o Jiova me ra vakaroti ira na Isireli kei ira na Juta matua, ni a kaya, “Mo ni gole tani mai na nomuni valavala ca, ka vakabauta na noqu i vunau kei na noqu i lesilesi, me vaka na vunau kece ka'u a vakarota vei ira na nomuni qase, ka'u a tukuna tale vei kemuni ena gusudra na parofita na noqu tamata.”

2 Tui 17:23

ka yacova na gauna sa qai biuti ira laivi vakadua kina na Isireli o Jiova mai matana, me vaka sa tukuna oti ena gusudra na nona tamata na parofita. Era a kau tani kina vakavesu na Isireli ki Asiria, ka ra se tiko ga mai kea.

2 Tui 24:2

A sa vakatala o Jiova na veimataivalu ni vanua o Papiloni, kei Siria, kei Moapi, kei Amoni, ka talai ira yani me ra vala kei ira na Juta ka vakarusai ira, me vaka ga na vosa i Jiova ena gusudra na nona parofita me baleta na veika ena vakayacora.

2 Tui 9:7

Ia mo na mokuta na nomu turaga na tui, na luve i Eapi, ka'u na totogitaki Jesipeli ena vuku ni nona vakamatei ira na noqu parofita kei ira na noqu tamata.

Esera 9:11

o ni a vakarota ena gusudra na nomuni tamata na parofita. Era sa tukuna vei keimami ni vanua dukadukali na vanua keimami na mai tawana, baleta ni ra sa vakasinaita na tamata era tiko kina na nodra i valavala lolovira ka vakasisila me tekivu mai na dua na muana ki na dua tale.

Jeremaia 11:7

Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 29:19

Oqo na ka ena yaco vei ira, baleta ni ra sega ni muria na noqu vosa au sa talai ira tikoga yani kina na noqu parofita me ra tukuna,’ sa kaya o Jiova.

Jeremaia 32:33

Era na gole tani ka vakanadakui au; e dina au na ia tikoga na vakatavulici ira, era sa sega ni via rogoca se via vakadodonutaki.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 44:4

Au sa talai ira kece tikoga mai na noqu dauveiqaravi na parofita era tukuna vei kemuni mo ni kakua ni cakava na ka rerevaki oqo, ni'u cata.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:25

Me tekivu mai na siga era a lako tani kina mai Ijipita na nomuni qase ka yacova mai na siga oqo, au sa talai ira tikoga mai vakaveitaravi na noqu tamata na parofita vei ira.

Isikeli 38:17

Sa kaya vakaoqo na Kalou o Jiova: “Sa i iko li ka'u a vosa vua ena gauna e liu ena gusudra na noqu tamata na parofita ni Isireli, o ira ka ra a parofisai ena veigauna ni'u sa na kauti iko mai mo vala kei ira?

Emosi 3:7

E dina sara, ni sa sega mada ni vakayacora e dua na ka na Turaga o Jiova kevaka e sega mada ni se vakaraitaka na nona i naki vei ira na nona tamata na parofita.

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”

Vakatakila 10:7

Ia ena gauna sa uvuca kina na nona davui na i kavitu ni agilosi, ena vakacavara vinaka kina na Kalou na nona i tuvatuva vuni, me vaka sa vakadewataka oti vei ira na nona dauveiqaravi, o ira na parofita.”

Vakatakila 11:18

Era sa cudru vakalevu na tamata sa sega ni kila na Kalou, Baleta ni sa yaco mai oqo na gauna ni nomuni cudru, Na gauna me ra sa veilewaitaki kina na mate. Sa kena gauna oqo me ra saumi kina na nomuni dauveiqaravi, na parofita, Kei ira na yalosavasava kecega, o ira kece sara sa rokova na yacamuni, Se ra tamata wale se ra cecere. Sa kena gauna oqo me ra vakarusai kina o ira sa vakarusai vuravura tiko!”