Jeremaia 26:3 - Vakavakadewa Vou kei na iVola tale eso

³ De mani yaco me ra muria na tamata, ka biuta tani na nodra i tovo ca; kevaka ena vakakina, au sa na veisautaka na lomaqu ena vuku ni veivakarusai au sa nakita me'u vakayacora vei ira me baleta na nodra i tovo ca.”

Ai Vola Tabu (Vakadewa Makawa Vakavoutaki 2021)

³ Era na vakarorogo beka, ka lesu na tamata yadua mai na nona i tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

AI VOLA TABU

³ era na vakarorogo beka, ka lesu na tamata yadua mai na nona sala ca, meʼu veivutunitaka na ca, kaʼu sa nakita me cakava vei ira e na vuku ni sa ca na nodrai valavala.

Vakavakadewa Makawa

³ era na vakarorogo beka, ka lesu na tamata yadua mai na nonai tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

Ai Vola Tabu Ena Vakavakadewa Vou

³ De mani yaco me ra muria na tamata, ka biuta tani na nodra i tovo ca; kevaka ena vakakina, au sa na veisautaka na lomaqu ena vuku ni veivakarusai au sa nakita me'u vakayacora vei ira me baleta na nodra i tovo ca.”

Jeremaia 26:3 Iomraidhean Croise

1 Tui 21:27

Ia ni rogoca o Eapi, a dresulaka na nona i sulu, vakaisulutaki koya ena i sulu taga, lolo voli, ka lako voli me vaka na tamata yalo rarawa.

1 Tui 21:29

“O sega li ni raica na nona vakamalumalumutaki koya voli o Eapi vei au.” Au na sega ni vakayacora na ka ca ena nona gauna; ia ena gauna ga nei luvena, au na vakayacora kina na ka ca vei ira na nona mataqali.”

Jeremaia 26:13

O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Jeremaia 26:19

Era a sega ni vakamatei Maika o tui Esekaia kei ira na nona tamata. Ia sa rerevaka na Turaga o Esekaia ka saga me vakayalovinakataki koya. A mani veisautaka na lomana o Jiova me baleta na veivakarusai sa tukuna me na vakayacora vei ira. “Ia oqo, e da sa vakarau kauta ga mai vaka i keda vei keda e dua na veivakarusai vakadomobula.”

Jeremaia 36:3

De ra na rogoca na lewe i Juta na veivakarusai kece au nakita me'u vakayacora vei ira era na qai gole tani kece mai na nodra i tovo ca. Ia au na qai vosoti ira mai na nodra caka cala kei na nodra i valavala ca.”

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo o Jiova ena nona cudru rerevaki kei na rarawa.”

Isikeli 12:3

Ia oqo, o iko na luve ni tamata, mo vakarautaka na nomu i yaya ni toki vakabobula, ka vakayacora oqo e matadra ni se bera ni bogi na vanua. Me ra raici iko ni o sa biu vanua ka lako yani ki na dua tale na vanua. De ra na qai kila kina o ira ni ra sa tamata talaidredre.

Isikeli 18:21

“Ia kevaka ena saumaki mai na tamata ca mai na i valavala ca kecega sa kitaka, ka vakabauta kecega na noqu vunau, ka cakava na ka sa dodonu ka vinaka, ena bula vakaidina o koya, ena sega ni mate.

Osea 11:9

Au na sega ni totogitaki iko ena noqu cudru; Au sa sega tale vakadua ni vakarusai Isireli. Ni'u sa Kalou oi au, ka'u sa sega ni tamata. Oi au, o Koya na Yalosavasava, sa tiko vata kei iko. Au na sega ni torovi iko ena dela ni cudru.

Joeli 2:14

O cei li e kila rawa De veisautaka na lomana o Jiova na nomudou Kalou Ka vakalougatataki kemudou ena sautu ni kakana. Dou na qai rawa ni vakacaboisoro kina vua.

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.