Jeremaia 26:16 - Vakavakadewa Vou kei na iVola tale eso

¹⁶ Era a qai kaya na nodra i liuliu kei ira kece na tamata vei ira na bete kei na parofita, “Sa sega ni dodonu me tau vua na tamata oqo na i totogi mate, baleta ni sa vosa vei keda ena yaca ni Turaga na noda Kalou.”

Ai Vola Tabu (Vakadewa Makawa Vakavoutaki 2021)

¹⁶ Era sa qai kaya ko ira na turaga kei na tamata kecega vei ira na bete kei na parofita, “Sa sega ni dodonu me mate na tamata oqo, ni sa vosa vei keda ko koya e na yaca i Jiova na noda Kalou.”

AI VOLA TABU

¹⁶ Era sa qai kaya na turaga kei na tamata kecega vei ira na bete kei na parofita; Sa sega ni dodonu me mate na tamata o qo: ni sa vosa vei keda ko koya e na yaca i Jiova na noda Kalou.

Vakavakadewa Makawa

¹⁶ Era sa qai kaya ko ira na turaga kei na tamata kecega vei ira na bete kei na parofita; Sa sega ni dodonu me mate na tamata oqo: ni sa vosa vei keda ko koya e na yaca i Jiova na noda Kalou.

Ai Vola Tabu Ena Vakavakadewa Vou

¹⁶ Era a qai kaya na nodra i liuliu kei ira kece na tamata vei ira na bete kei na parofita, “Sa sega ni dodonu me tau vua na tamata oqo na i totogi mate, baleta ni sa vosa vei keda ena yaca ni Turaga na noda Kalou.”

Jeremaia 26:16 Iomraidhean Croise

Esiteri 4:14

Ena gauna dredre vakaoqo, sa rawa ni yaco mai na veivuke kei na veisereki mai vua e dua tale ia, kevaka o vagagalu tiko o iko, o sa na mate dina me qai kawaboko kina na vuvale nei tamamu. O cei e kila, de dua sai naki sara ga ni nomu mai Ranadi mo yaga ena gauna vakaoqo?”

NA SAME 94:16

O cei ena tucake me totaki au ena saqati ira na tamata ca? O cei ena to ena noqu yasana ena saqati ira na i valavala ca?

Vosavakaibalebale 16:7

Ni o sa vakalomavinakataki Jiova, sa rawa vei iko mo veivinakati tale kei ira na kemu meca me ra sa nomu i tokani voleka.

Jeremaia 26:11

Era a qai kaya na bete kei na parofita vei ira na i liuliu kei ira na tamata. “Sa dodonu me tau vua na tamata oqo na i totogi mate, baleta ni sa parofisaitaka na ka ca me yaco ki na noda koro. O ni sa rogoci koya sara ga e daligamuni.”

Jeremaia 34:10

Era sa vakayacora na tamata kece kei ira na nodra turaga na veiyalayalati ka ra sereki ira na nodra bobula ka kakua ni vakabobulataki ira tale,

Jeremaia 36:19

Era a qai kaya vua. Sa dodonu mo drau lako kei Jeremaia ka vunitaki kemudrau. Drau kakua sara ni tukuna vua e dua, na vanua o drau tiko kina.

Jeremaia 36:25

E dina ga e ratou a vakamasuta na tui o Elinacani, Delai vata kei Kemaria me kakua ni vakama na i vola vivigi, a sega sara ni via rogoci iratou.

Jeremaia 37:15

A kanakuita ka mai sogo tu yani ena vale i Jonacani na vunivola. E a caka na nona vale me vale ni veivesu.

Maciu 27:54

Ni sa raica na uneune kei na veika kecega sa yaco oqo o koya na turaganivalu kei iratou na sotia ka yadravi Jisu voli, a ratou sa rere vakalevu, ka kaya, “Sa i koya dina oqo na Luve ni Kalou!”

Luke 23:41

Sa dodonu na lewa e tau vei kedaru, ni sa rauti kedaru ga na i sau ni nodaru i valavala, ia na tamata oqo sa sega ni dua na cala e vakayacora.”

Luke 23:47

E a raica na veika kece sa yaco oqo na turaganivalu, ka sa vakacaucautaka na Kalou, ka kaya, “Sa dina sara ni oqo e dua na tamata vinaka!”

Cakacaka 23:29

Au a mani kunea ni beitaki tiko o koya ena dua na ka e baleta na nodra Lawa, ia sa sega ni dua na ka e dodonu me mate kina, se me tiko vakavesu kina.

Cakacaka 23:9

A sa tubu cake sara na kaukauwa ni veileti kei na kaikaila, ka sa tu cake kina eso na daunilawa era nodra i tokani na Farisi, ka ra veiba vakaukauwa sara, ka kaya, “Keitou sa sega ni raica e dua na cala vua na tamata oqo. De rairai a vosa dina ga vua e dua na yalo se agilosi!”

Cakacaka 25:25

Ia ni'u a sega ni kunea e dua na cala e cakava ka dodonu me tau kina vua na i totogi mate, ka ni sa kerea talega me la'ki lewai koya o Akusito, au sa lewa kina me'u sa na vakauti koya vua.