Jeremaia 26:13 - Vakavakadewa Vou kei na iVola tale eso

¹³ O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Ai Vola Tabu (Vakadewa Makawa Vakavoutaki 2021)

¹³ O koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

AI VOLA TABU

¹³ o koya o qo dou cakava kina me vinaka na nomudou sala kei na nomudoui valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa cavuta me kemudou.

Vakavakadewa Makawa

¹³ o koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

Ai Vola Tabu Ena Vakavakadewa Vou

¹³ O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana ko Jiova ka na sega ni vakayacora na veivakarusai sa tukuna me yaco vei kemuni.

Jeremaia 26:13 Iomraidhean Croise

Lako Yani 32:14

Ia o Jiova e sa qai veisautaka na lomana ka sega ni vakayacora vei ira na nona tamata na veika ca ka rerevaki e sa kaya oti me cakava.

Aisea 1:19

Kevaka ga o ni talairawarawa vei au, O ni na kania na vuata vinaka ni vanua.

Aisea 55:7

Laivi ira na tamata ca me ra biuta na nodra i valavala Ka veisautaka na i tovo ni nodra vakasama. Laivi ira me ra gole vei Jiova na noda Kalou, Sa yalololoma o koya ka dau totolo na nona veivosoti.

Jeremaia 11:4

O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Jeremaia 18:11

Ia oqo mo tukuna vei ira na Juta kei ira mai Jerusalemi ni'u sa nakita me'u cakava na veika me vorati ira ka vakarau me'u vakaitotogitaki ira. Tukuna vei ira me ra muduka na nodra i tovo ca, me ra veisautaka na nodra i tovo kei na nodra i valavala.

Jeremaia 18:8

Ia e qai biuta na matanitu o ya na nona i tovo ca, au sa na veisautaka na lomaqu me baleta na ka au a tukuna me'u na cakava.

Jeremaia 26:19

Era a sega ni vakamatei Maika o tui Esekaia kei ira na nona tamata. Ia sa rerevaka na Turaga o Esekaia ka saga me vakayalovinakataki koya. A mani veisautaka na lomana o Jiova me baleta na veivakarusai sa tukuna me na vakayacora vei ira. “Ia oqo, e da sa vakarau kauta ga mai vaka i keda vei keda e dua na veivakarusai vakadomobula.”

Jeremaia 26:3

De mani yaco me ra muria na tamata, ka biuta tani na nodra i tovo ca; kevaka ena vakakina, au sa na veisautaka na lomaqu ena vuku ni veivakarusai au sa nakita me'u vakayacora vei ira me baleta na nodra i tovo ca.”

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 36:3

De ra na rogoca na lewe i Juta na veivakarusai kece au nakita me'u vakayacora vei ira era na qai gole tani kece mai na nodra i tovo ca. Ia au na qai vosoti ira mai na nodra caka cala kei na nodra i valavala ca.”

Jeremaia 38:20

A qai kaya o Jeremaia, “O ni na sega ni soli vei ira. Au vakamasuti kemuni mo ni muria na vosa i Jiova me vaka au a tukuna oti vei kemuni; ena qai lako vakavinaka na veika kece vei kemuni ka na maroroi na nomuni bula.

Jeremaia 42:10

Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Isikeli 33:11

Mo kaya vei ira, Me vaka na dina ni noqu bula, sa kaya na Kalou o Jiova, au sa sega ni vinakata se marautaka me mate na tamata ca, au vinakata ga me vuki tani mai o koya mai na nona i tovo ca; a cava li o ni via mate kina Oi Kemuni na Mataqali i Isireli?

Joeli 2:14

O cei li e kila rawa De veisautaka na lomana o Jiova na nomudou Kalou Ka vakalougatataki kemudou ena sautu ni kakana. Dou na qai rawa ni vakacaboisoro kina vua.

Jona 3:9

De sa na veisautaka kina na lomana na Kalou; de sa na oti beka kina na nona cudruvi keda, ka da na qai sega ni mate!”

Jona 4:2

A mani masu yani kina ka kaya, “I Jiova, e sega li ni ka oqo ka'u a sa tukuna ni o ni na cakava ni'u se bera ni biuta na noqu vanua? O ya na vuna ka'u a saga kina ena noqu i gu taucoko me'u dro ki Tasisi mai Sipeini. Au sa kila ni o kemuni na Kalou yalovinaka ka yalololoma. O ni sa rui dauvosota, o ni dau lomavinaka ka dauvakarau tu mo ni veisautaka na nomuni vakasama mo ni kakua ni dauveitotogitaki.

Vakarua 32:36

O Jiova ena vueti ira na nona tamata ni sa raica ni sa oti na nodra kaukauwa. Ena yalololoma vei ira era sa qaravi koya, ni sa raica na nodra yalomalumalumu.

Iperiu 5:9

Ni sa vakayacori oti o koya me vinaka taucoko sara, a sa yaco me vu ni bula tawamudu vei ira kecega sa talairawarawa vua,

Dauveilewai 2:18

Ena veigauna kecega a vakatubura kina o Jiova eso na dauveilewai me baleti ira, sa dau tiko o koya kei ira na dauveilewai, ka me sereki ira tani mai na ligadra na kedra meca ena veisiga kecega era bula kina, sa dau vakayavalati na loma ni Kalou me lomani ira ena nodra rarawa kei na nodra kudru ena veika era dau sotava.