Jeremaia 24:7 - Vakavakadewa Vou kei na iVola tale eso

⁷ Au na solia vei ira na Yaloqu me ra kila ni sai au o Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Ai Vola Tabu (Vakadewa Makawa Vakavoutaki 2021)

⁷ Ia ka'u na solia vei ira na yalo me ra kilai au kina, ni sai au ko Jiova; ia era na yaco me ra noqu tamata, ka'u na yaco me'u nodra Kalou, ni ra na lesu mai vei au e na lomadra dina.

AI VOLA TABU

⁷ ia kaʼu na solia vei ira na yalo me kilai au, ni sai au ko Jiova: ia era na yaco me noqu tamata, kaʼu na yaco me nodra Kalou: ni ra na lesu mai vei au e na lomadra dina.

Vakavakadewa Makawa

⁷ ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.

Ai Vola Tabu Ena Vakavakadewa Vou

⁷ Au na solia vei ira na Yaloqu me ra kila ni sai au ko Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Jeremaia 24:7 Iomraidhean Croise

2 Veigauna 6:38

ia kevaka era sa veivutuni ena vu ni yalodra kei na lomadra taucoko ena vanua era tiko vakabobula kina, ni ra kau vakavesu kina, ka ra masu yani ni ra rai vaka ki na nodra vanua o ni a solia vei ira na nodra qase, ki na koro o ni a digitaka, kei na vale ka'u a tara oti tu oqo ena yacamuni;

NA SAME 119:2

Sa kalougata o ira era muria na nona i vakaro, O ira sa vakasaqarai koya ena yalodra taucoko.

Aisea 51:16

Au a tevuka yani na lomalagi Ka bulia na yavu kei vuravura; Ka'u kaya ki Saioni, ‘Oi kemuni na noqu tamata! Au a solia vei kemuni mo ni na noqu i vakavuvuli Ka taqomaki kemuni ena ligaqu.’ ”

Jeremaia 11:4

O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Jeremaia 29:10

A sa kaya o Jiova, “Ni sa oti na vitusagavulu na yabaki mai Papiloni, au na qai sikovi kemuni ka vakayacora na ka au a yalataka, o ya, me'u kauti kemuni lesu tale ki na nomuni vanua.

Jeremaia 3:10

Ni oti kece oqo, sa lasutaka wale tikoga na nona lesu mai o Juta na taci Isireli sega ni yalodina; sa sega ni lesu mai ena yalona taucoko” Sa kaya vakaoqo o Jiova.

Jeremaia 30:22

Era na qai noqu tamata Ka'u na nodra Kalou. Sa i au ga o Jiova sa kaya vakaoqo.”

Jeremaia 7:23

Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Isikeli 14:11

me kakua tale ni lako sese mai vei au na mataqali i Isireli, se me ra vakadukadukalitaki ira tale ena nodra talaidredre kecega; ia me ra yaco mada ga me ra noqu tamata, ka me'u yaco talega me'u nodra Kalou, sa kaya o Jiova.”

Isikeli 16:62

Au na vakavouia na noqu veiyalayalati kei iko o na qai kila ni'u sa nomu Kalou.

Isikeli 37:23

Era na sega ni vakadukadukalitaki ira tale ena matakau, kei na nodra veika vakasisila, se dua ga vei ira na nodra talaidredre: ia ka'u na vakabulai ira mai na veibuki vere, era sai valavala ca kina, ka na vakasavasavataki ira; ka ra na vakabau me ra noqu tamata, ia oi au talega ka'u na yaco me'u nodra Kalou.

Isikeli 37:27

Ena tu vata talega kei ira na noqu i tikotiko; ia ka'u na yaco me nodra Kalou, o ira talega era na vakabau me ra noqu tamata.

Isikeli 39:22

Era na qai kila na mataqali i Isireli ni sai au o Jiova na nodra Kalou me vakatekivu mai na siga o ya ka lako yani.

Osea 2:22

Au na vakatauca na uca ki vuravura me na rawa kina na sila, na qerepi kei na olive ena vanua o Jesireli.

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Sakaraia 8:8

ka vakalesui ira tale mai na tokalau kei na ra ni vanua me ra mai tiko e Jerusalemi. Era na noqu tamata, ka'u na nodra Kalou, ena yalodina kei na yalododonu.

Roma 6:17

Ia me vakavinavinakataki ga na Kalou! Ni o ni a bobula tu e liu ki na i valavala ca, ia oqo o ni sa muria ena yalomuni taucoko na dina eso sa basika mai na veivakavuvuli o ni sa vakatavulici kina.

Iperiu 11:16

Ia era sa gadreva ga e dua na vanua e uasivi cake, o ya na vanua vakalomalagi. O koya oqo sa sega kina ni madua na Kalou ni vakatokai me nodra Kalou, ka ni sa vakarautaka oti tu o koya e dua na koro me nodra.

Iperiu 8:10

Ia sai koya oqo na veiyalayalati ka'u na cakava kei ira na Isireli Ena veisiga eso na toro voleka mai, sa kaya na Turaga: Au na biuta na noqu lawa ki na lomadra, Ka vola ena vu-ni-yalodra. Ka'u na yaco me'u nodra Kalou, Era na yaco me noqu tamata.

1 Samuela 7:3

A qai vosa vei ira kecega na veimataqali i Isireli o Samuela, ka kaya, “Kevaka o ni via lesu tale vei Jiova ena yalomuni taucoko, ia mo ni biuta laivi na veikalou tani kei na Aseteroci talega. Mo ni vagolea vakatabakidua na yalomuni vei Jiova ka qaravi koya duadua ga; ena qai vakabulai kemuni o koya mai na ligadra na kai Filisitia.