Jeremaia 24:6 - Vakavakadewa Vou kei na iVola tale eso

⁶ Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Ai Vola Tabu (Vakadewa Makawa Vakavoutaki 2021)

⁶ Ni'u na vakaraici ira me ra vinaka kina, ka kauti ira tale mai ki na vanua oqo. Ia ka'u na tarai ira cake, ka sega ni basuka sobu; ka'u na tei ira, ka sega ni cavuta.

AI VOLA TABU

⁶ niʼu na vaqara na mataqu vei ira me ra vinaka kina, ka kauti ira tale mai ki na vanua o qo: ia kaʼu na tarai ira cake, ka sega ni basuka sobu; kaʼu na tei ira, ka sega ni cavuta:

Vakavakadewa Makawa

⁶ ni'u na vakaraici ira me ra vinaka kina, ka kauti ira tale mai ki na vanua oqo: ia ka'u na tarai ira cake, ka sega ni basuka sobu; ka'u na tei ira, ka sega ni cavuta:

Ai Vola Tabu Ena Vakavakadewa Vou

⁶ Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Jeremaia 24:6 Iomraidhean Croise

Vakatekivu 44:21

O ni a qai kaya vei keitou, ‘Dou la'ki kauti koya mai ki ke me'u rawa ni raici koya.’

2 Veigauna 16:9

Ni sa dau veiraiyaki na mata i Jiova vaka ka vaka e vuravura taucoko, me vakaraitaka kina na nona kaukauwa ena vukudra sa dodonu na lomadra vua. O ni sai valavala vakayalowai ena ka oqo; ia me vakatekivu mai na gauna oqo ki na veigauna e muri ena yaco tiko vei kemuni na i valu.

Niemaia 5:19

Kemuni na Kalou, sa noqu masu oqo mo ni qai nanuma na veika vinaka ka'u sa vakayacora oti vei ira na tamata oqo.”

NA SAME 34:15

Sa dau wanonovi ira na yalododonu o Jiova, Ka rogoca na nodra masu;

NA SAME 44:2

Na nomuni a vakasavi ira tani na tawa vakabauta Ka qai vakatikori ira na nomuni tamata ena nodra vanua; Na nomuni a totogitaki ira na veimatanitu Ka vakavuna me ra tiko vinaka na nomuni tamata.

Aisea 14:1

Ena qai lomani ira tale na nona tamata o Jiova ka digitaki ira me ra nona. Sa na vakalesui ira mai ki na nodra vanua o koya; era na qai lako mai vei ira na kai veimatanitu tani ka mai tiko kei ira.

Aisea 60:21

O ira kece na luvemu era na cakava na ka dodonu Ka taukena na vanua ka tawa mudu. Au a tei ira, ka buli ira, Me'u vakaraitaka na noqu cecere vei ira kece.

Jeremaia 1:10

Au sa solia vei iko edaidai na kaukauwa mo lako ki na veivanua kei na veimatanitu, mo cavuraka, ka talaraka sobu, mo basuraka ka vakarusa mo tara cake ka tea.”

Jeremaia 12:15

Ia ni'u sa kauti ira tani oti, au sa qai lomani ira, au na qai kauta lesu tale na veimatanitu yadua ki na dui nodra vanua kei na dui nodra veimatanitu.

Jeremaia 16:15

Ia era na bubului ga vei au na Kalou bula o koya sa kauti ira tani mai na Isireli mai na matanitu mai cake, vaka ki na vualiku, kei na veimatanitu kece sara au a veibiuyaki ira kina. Au na kauti ira lesu tale mai ki na nodra vanua dina, na vanua au a solia vei ira na nodra qase.

Jeremaia 21:10

Au sa nakita e lomaqu me'u kakua tale ni vakabula na koro oqo, ia me'u vakarusa sara ga. Ena soli ki na ligana na tui Papiloni ka me na vakama yavu.

Jeremaia 23:3

Au na qai vakasoqoni ira vata na vo-ni-bula ni noqu tamata mai na veimatanitu au a vakasavi ira kina, ka kauti ira lesu tale mai ki na nodra vanua dina. Era na vakaluveni vakalevu ka na tubu sara vakalevu na kedra i wiliwili.

Jeremaia 29:10

A sa kaya o Jiova, “Ni sa oti na vitusagavulu na yabaki mai Papiloni, au na qai sikovi kemuni ka vakayacora na ka au a yalataka, o ya, me'u kauti kemuni lesu tale ki na nomuni vanua.

Jeremaia 31:28

Ia me vaka ga na noqu qarauna me'u cavuta laivi, basuka sobu, talaraka, ka yanaraka, au na qarauna talega me'u na tea, ka tarai ira cake.”

Jeremaia 31:4

Ia oqo au na tarai kemuni cake tale vakadua. O ni na taura cake tale na nomuni vakatagi ka meke ena marau.

Jeremaia 32:37

Au na soqoni ira vata na tamata mai na veimatanitu kece sara au a vakasavi ira kina, ena noqu rarawa, na cudru, kei na yalo katakata, ka'u na kauti ira lesu mai ki na vanua oqo ka laiva me ra mai tiko ena galala.

Jeremaia 32:41

Au na marautaka me'u cakava vei ira na ka vinaka ka na vakadeitaki ira ena vanua oqo me tawa mudu ena lomaqu kei na yaloqu taucoko.”

Jeremaia 33:7

Au na vakasuka tale mai na nodra tiko vinaka, kalougata, ka tiko marau na lewe i Juta kei ira na Isireli, ka'u na tarai ira cake tale me vaka e liu.

Jeremaia 33:9

O Jerusalemi ena vu ni noqu matanitu kecega e vuravura ni ra na rogoca na veika vinaka au na vakayacora vei ira na lewe i Jerusalemi, na toro cake kei na tiko sautu au a cakava ena koro.

Jeremaia 39:12

La'ki kauti Jeremaia ka qaravi koya vinaka. Kakua ni cakava vua e dua na ka, ia mo vakayacora na veika kece sara e vinakata.”

Jeremaia 42:10

Kevaka o ni via tiko ga ena vanua oqo, au sa na tarai kemuni cake, ka sega ni talaraki kemuni sobu. Au sa na tei kemuni ka sega ni cavuraki kemuni tani. Au sa rarawa sara ena vuku ni veivakarusai au a kauta mai vei kemuni.

Isikeli 36:24

Ni'u na kauti kemuni mai vei ira na veimatanitu tani, ka vakasoqoni kemuni mai na veivanua kecega, ka kauti kemuni ki na nomuni vanua.

Emosi 9:14

Au na vakalesuya tale na nodra kalougata na Isireli, Ka ra tara vou tale na nodra koro ka tiko kina; Era na tei vaini ka gunuva na kena waini; Era na ia na teitei ka kana mai na vuana.

Vakarua 11:12

Sa qarauna vinaka na vanua oqo o Jiova na nomuni Kalou, ia na matana sa wanonova ena loma ni yabaki taucoko.

1 Pita 3:12

Ni sa dau wanonovi ira na tamata yalododonu na Turaga, Ka rogoca na nodra masu; Ia sa saqati ira ga sa dau kitaka na i valavala ca.”