Jeremaia 24:5 - Vakavakadewa Vou kei na iVola tale eso

⁵ Sa kaya o Jiova na Kalou ni Isireli, me tautauvata kei na vua ni lolo vinaka oqo, Au sa kaya kina ni sa vinaka na nona kau vakabobula o Juta, o koya ka'u sa vakatala tani yani mai na vanua oqo, ki na nodra vanua na kai Kalidia.

Ai Vola Tabu (Vakadewa Makawa Vakavoutaki 2021)

⁵ “Sa kaya vakaoqo ko Jiova na Kalou i Isireli; Me vaka na lolo vinaka oqo, ka'u na kilai ira vakakina na Juta era sa vakabobulataki, ko ira ka'u sa vakatala tani e na yasana oqo ki na nodra vanua na kai Kalitia me ra vinaka kina.

AI VOLA TABU

⁵ Sa vosa vakaoqo ko Jiova na Kalou nei Isireli; Me vaka na lolo vinaka o qo, kaʼu na kilai ira vakakina na Juta era sa vakabobulataki, o ira kaʼu sa vakatala tani e na yasana o qo ki na nodra vanua na kai Kalitea me ra vinaka kina:

Vakavakadewa Makawa

⁵ Sa kaya vakaoqo ko Jiova na Kalou i Isireli; Me vaka na lolo vinaka oqo, ka'u na kilai ira vakakina na Juta era sa vakabobulataki, ko ira ka'u sa vakatala tani e na yasana oqo ki na nodra vanua na kai Kalitia me ra vinaka kina:

Ai Vola Tabu Ena Vakavakadewa Vou

⁵ Sa kaya ko Jiova na Kalou ni Isireli, me tautauvata kei na vua ni lolo vinaka oqo, Au sa kaya kina ni sa vinaka na nona kau vakabobula o Juta, o koya ka'u sa vakatala tani yani mai na vanua oqo, ki na nodra vanua na kai Kalidia.

Jeremaia 24:5 Iomraidhean Croise

NA SAME 119:67

Ni se bera ni o ni a totogitaki au e liu, au a daucakava ga na veika ca, Ia oqo, au sa talairawarawa ga ki na nomuni vosa.

NA SAME 119:71

Sa yaga sara vei au na kequ i totogi, Baleta ni sa vakavulici au me'u kila na nomuni i vakaro.

Jeremaia 24:4

A sa tau mai vei au na vosa i Jiova:

Jeremaia 29:11

Sa i au taudua ga au sa kila na noqu i naki ena vukumuni, na noqu i naki mo ni tiko vinaka me vaka o ni sa nuitaka me na yaco mai muri.

Jeremaia 29:20

Vei kemuni kece na tamata au a soli kemuni me kauti kemuni tani vakabobula na tui Papiloni mai Jerusalemi, ni rogoca mada na ka a kaya o Jiova.’

Jeremaia 29:4

Sa kaya vakaoqo o Jiova na Qaqa, na nodra Kalou na Isireli vei ira kece na tamata e a lewa me kauti ira vakabobula o Nepukanesa mai Jerusalemi ki Papiloni.

Isikeli 11:17

Mo qai kaya kina, ‘Sa kaya vakaoqo na Kalou o Jiova: Au na vakasoqoni kemuni mai vei ira na tamata, kei ira na veivanua ka'u a vakasavi kemuni kina, ia ka'u na solia vei kemuni na vanua o Isireli.’

Isikeli 11:20

me ra muria na noqu vunau, ka vakabauta na noqu lewa, ka cakava. Era na qai noqu tamata, ka'u na qai nodra Kalou oi au.

Vunau ni Soro 26:44

E dina ga ni sa yaco na ka kece oqo, ka ra se tiko voli ga ena nodra vanua na kedra meca, ia au na sega ga ni biuti ira se vakarusai ira vakadua me la'ki vakavuna kina me'u voroka na noqu veiyalayalati kei ira. Ni sai au o Jiova, na nodra Kalou.

Neumi 1:7

Sa vinaka o Jiova; Sa karoni ira na nona tamata ena gauna ni leqa; Ka sa vakarurugi ira sa vakararavi vua.

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Maciu 25:12

A sa sauma na tagane vou ka kaya, ‘Au sa kaya vakaidina vei kemudou, au sa sega ni kilai kemudou.’

Joni 10:27

Era sa rogoca na domoqu o ira na noqu sipi; au sa kilai ira, ka ra sa muri au.

Roma 8:28

Eda sa kila ni sa cakacaka tiko na Kalou ena veika kecega me ra vinaka kina o ira era sa lomani koya, o ira sa kacivi ira o koya me vaka na lomana.

1 Korinica 8:3

ia o koya ga sa lomana na Kalou sa kilai koya na Kalou.

Kalatia 4:9

Ia edaidai ni o ni sa qai kila na Kalou; se me'u kaya, sa qai kilai kemuni oqo na Kalou, ia o ni sa qai lesu tale vakaevei li ki na veiyalo malumalumu ka tawayaga eso? Na cava o ni sa via nodra bobula tale kina na veika oqo?

Vakarua 8:16

A vakani kemuni o koya ena mana mai na vanua lala, e dua na mataqali kakana era a sega ni sa bau tovolea vakadua na nomuni qase, a vakayalomalumalumutaki kemuni, ka vakatovolei kemuni, ka mo ni vinaka kina e gauna mai muri.

2 Timoci 2:19

Ia na yavu tudei sa virikotora na Kalou sa sega ni yavalati rawa, ka sa volai kina oqo: “Na Turaga sa kilai ira era sa nona” kei “O ira yadua era sa tukuna ni ra sa nona na Turaga e dodonu me ra vuki tani kece sara mai na nodra caka ca.”

Vakatakila 3:19

Au sa vunauca ka vakanakuitataki ira ka'u sa lomana. Mo gumatua sara kina ka vuki tani mai na nomu i valavala ca.