Jeremaia 24:10 - Vakavakadewa Vou kei na iVola tale eso

¹⁰ Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Ai Vola Tabu (Vakadewa Makawa Vakavoutaki 2021)

¹⁰ Ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.”

AI VOLA TABU

¹⁰ ia kaʼu na tala nai seleiwau, kei na viakana, kei na mate dauveitauvi, vei ira, me ra oti tani mada mai na dela ni vanua kaʼu a solia vei ira kei na nodra qase.

Vakavakadewa Makawa

¹⁰ ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Ai Vola Tabu Ena Vakavakadewa Vou

¹⁰ Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”

Jeremaia 24:10 Iomraidhean Croise

1 Tui 14:15

Ia ena totogitaki ira na Isireli o Jiova me vaka a yavalata na co kuta na wai; ka na cavuivuvutaki ira na Isireli mai na vanua vinaka oqo, ka a solia vei ira na nodra qase e liu, ka na vakabuwacarataki ira na Isireli, ka na la'ki sivia yani na uciwai levu na Uferetisi, ena vuku ni nodra a vakacudrui Jiova ena nodra cakava na kalou yalewa ni veikau o Asera.

Aisea 51:19

Sa yaco vei iko e rua na leqa oqo: Sa vakacacani sara na nomu vanua ena i valu, Ka ra sa viakana na luvemu. A sega ni dua me lomani iko.

Jeremaia 14:12

Veitalia ga kevaka era lolo, au na sega ni rogoca na nodra masu; au na sega ni yalo vinaka vei ira veitalia ke ra vakacabora vei au eso na i soro kama, se i soro vua ni sila. Ia au na vakarusai ira ena i valu, ena dausiga kei na mate ca.

Jeremaia 15:2

Kevaka e tarogi vei iko na vanua me ra lako kina, tukuna vei ira ni'u a sa tukuna oti. Eso era na mate ena mate veitauvi Ka o ya na vanua era na lako kina! Eso tale era na mate ena i valu Ka o ya na vanua era na lako kina! Eso era na mate ena viakana, Ka o ya na vanua era na lako kina! Eso tale ena kau vakabobula Ka o ya na vanua era na lako kina.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 19:7

Au na vakarusa ena vanua oqo na veika era nakita na kai Juta kei Jerusalemi. Au na vakavuna me ra qaqa na kedra meca ka vakamatei ira ena i valu. Au na solia na yagodra me kedra kakana na manumanu kila kei na manumanu vuka.

Jeremaia 21:9

O ira era na tiko ena loma ni koro era na mate ena i valu, se ena viakana se ena mate ca. Ia o koya ena curu yani ki tuba ka soro vei ira na kai Papiloni era sa samuta tiko oqo na nodra koro era na sega ni vakamatei ka ra na vakabulai me i toki ni valu.

Jeremaia 27:8

Ia kevaka e dua na vanua se matanitu ena sega ni via vakarorogo ki na nona lewa, au na totogitaka na vanua o ya ena i valu, viakana kei na mate ca me yacova ni'u sa solia vei Nepukanesa me lewa taucoko sara.” Sa i Jiova ga sa kaya oqo.

Jeremaia 29:17

A sa kaya na Turaga Qaqa, ‘Au na kauta mai vei ira na i valu, na viakana kei na mate ca. Au na cakava me ra vaka na lolo sa luca ka sa sega ni rawa ni laukana.

Jeremaia 29:18

Au na vakasavi ira ena i valu, na viakana kei na mate ca ka ra na rere na veimatanitu kecega e vuravura ena ka era raica. Era na kidroa ka rere na tamata ena ka e yaco vei ira ena veivanua kece au sa veibiuyaki ira kina. Era na vakalialiai ira ka vakayagataka na yacadra me veivakamaduataki.

Jeremaia 32:24

Era sa viria cake na i kabakaba na kai Papiloni ka binia cake na qele wavokita na koro me ra vakamalumalumutaka, ka ra samuta sara tikoga. Na i valu, na viakana kei na mate ca ena vakavuna na kena soli na koro ki ligadra. Kemuni Turaga o ni sa raica ni sa yaco na ka kece sara o ni a tukuna.

Jeremaia 32:25

Ia, kemuni Turaga na Kalou, sai kemuni ga o ni a tukuna vei au me'u volia na vanua ena matadra na i vakadinadina, veitalia ga ni ra sa vakarau vakadruka na koro na kai Papiloni.”

Jeremaia 34:17

O koya oqo a kaya tale kina o Jiova, “O ni sa sega ni solia vei ira na nomuni tokani Iperiu me ra galala. Sa vinaka, au sa na solia vei kemuni na galala; na galala mo ni mate ena i valu, mate ca kei na viakana. Au na cakava me ra rere na veimatanitu kecega e vuravura ena ka kecega au na cakava vei kemuni.

Jeremaia 42:17

O ira kece era nakita me ra la'ki tiko ki Ijipita era na mate ena i valu, viakana se ena mate ca. Ena sega sara ni dua na vo-ni-bula se me dua na drotaka rawa na veivakarusai au na kauta vei ira.”

Jeremaia 42:22

Mo ni kila vinaka sara oqo: o ni na mate ena i valu, na viakana se ena mate ca ena vanua o ni sa vinakata mo ni lako ka la'ki tiko kina.”

Jeremaia 5:12

Era sa cakitaka na Kalou na nona tamata. Era kaya, “Ena sega ni cakava e dua na ka. Eda na sega ni sotava e dua na gauna dredre; e da na sega ni sotava na i valu se na dausiga.”

Jeremaia 9:15

O koya oqo sa kaya kina o Jiova ni lewevuqa na nodra Kalou na Isireli. “Au sa solia vei ira na tamata oqo na kau gaga me ra kania kei na wai gaga me ra gunuva.

Jeremaia 9:16

Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Isikeli 33:27

Mo kaya vakaoqo vei ira, ‘Sa kaya vakaoqo na Kalou o Jiova: Me vaka na dina ni noqu bula, era na mate ga ena i seleiwau o ira ka vakatawa na veitiki ni vanua lala; ia o koya talega mai na i bili ka'u na soli koya vei ira na manumanu me ra kania; o ira ka ra tu ena vale kaukauwa vakaivalu, na ulu vatu, kei na qara vatu, era na mate ena mate dauveitauvi.

Isikeli 6:11

Sa tukuna vakaoqo na Kalou o Jiova, ka vaka: “Mo kureitaki liga ena lomabibi ka vakabutubutu! Mo tagi ena rarawa levu ena vuku ni nodra i valavala vakasisila kecega na Isireli. Era na mate kina ena i valu, na dausiga, kei na mate dauveitauvi.

Isikeli 7:15

Sa tiko e taudaku na i seleiwau; sa tu e loma ni vale na mate dauveitauvi kei na dausiga; ia o koya sa tiko ena lomanivanua ena mate ena i seleiwau; o koya sa tiko mai na koro, ena kani koya na dausiga kei na mate dauveitauvi.

Vakarua 28:21

Ena tala vakaveitarataravi mai na veimate ca kei na matetaka vei kemuni me yacova sara ni sa sega ni vo tale e dua vei kemuni ena vanua o ni sa vakarau la'ki tawana.

Vakatakila 6:8

Au sa qai raica e dua na ose drokadroka siyawa. Na yaca i koya sa vodoka tiko o Mate, ka sa muri koya tiko o Etesi. Sa soli vei rau me rau lewa na dua na i kava kei vuravura, me rau ia na veivakamatei ena i valu, ena viakana, ena mate ca, kei na manumanu kila kei vuravura.